(កំពង់ធំ)៖ លោក ងួន រាសី អភិបាលរងខេត្តកំពង់ធំ ដឹកនាំកិច្ចប្រជុំសម្រាប់ការរៀបចំនៅក្នុងកម្មវិធីពិនិត្យ និងព្យាបាលជំងឺដោយឥតគិតថ្លៃរបស់សមាគមន៍ក្រុមគ្រូពេទ្យស្ម័គ្រចិត្តកូរ៉េជូនប្រជាពលរដ្ឋក្នុងខេត្តកំពង់ធំ ដោយមានការចូលរួមពី មន្ទីរ អង្គភាពពាក់ព័ន្ធ និងចៅសង្កាត់ទាំង៨ ថ្ងៃទី១២ ខែកក្កដា ឆ្នាំ២០២៤។
ក្នុងកិច្ចប្រជុំ ឯកឧត្តម ងួន រាសី មានប្រសាសន៍ និងផ្តល់យុទ្ធសាសន៍ទាំង៦ចំណុចសំខាន់ៗ មានដូចជា:១.ការបែងចែកសង្កាត់ និងចំនួនអ្នកចូលរួមព្យាបាលក្នុងថ្ងៃព្យាបាលនីមួយៗអោយបានជាក់លាក់តាមការកំណត់
២.ការរៀបចំសន្តិសុខ និងសណ្តាប់ធ្នាប់ក្នុងកម្មវិធី
៣.ត្រូវរៀបចំបច្ចេកទេសបន្ថែមត្រៀមទទួលនូវលំហូរបងប្អូនប្រជាពលរដ្ឋដែលមកពិនិត្យព្យាបាល
៤.ត្រៀមកងកម្លាំងដេីម្បីជួយសម្រួលទាំងខាងក្នុង និងខាងក្រៅ
៥.ក្រុមយុវជន ស.ស.យ.ក ត្រូវត្រៀមកម្លាំងដេីម្បីជួយសម្រួលដល់បងប្អូនប្រជាពលរដ្ឋក្នុងការព្យាបាលអោយកាន់តែឆាប់រហ័ស ឱ្យមានភាពរលូន
៦.មន្ទីរព័ត៌មាន មានតួនាទីជួយផ្សព្វផ្សាយបន្ថែមដល់បងប្អូនប្រជាពលរដ្ឋដេីម្បីអោយពួកគាត់បានដឹងពីកម្មវិធីព្យាបាលដោយឥតគិតថ្លៃនេះ
គួរបញ្ជាក់ផងដែរថាកម្មវិធីពិនិត្យ និងព្យាបាលជំងឺដោយឥតគិតថ្លៃរបស់សមាគមន៍ក្រុមគ្រូពេទ្យស្ម័គ្រចិត្តកូរ៉េជូនប្រជាពលរដ្ឋក្នុងខេត្តកំពង់ធំនេះ និងធ្វេីឡេីងនៅមន្ទីរពេទ្យខេត្តកំពង់ធំ ថ្ងៃទី ២៦-២៧-២៨ ខែកក្កដាឆ្នាំ២០២៤ខាងមុខនេះ។ អត្ថបទដោយយីម ប៊ុនហ័រ-ពិនិត្យដោយអ៊ុមញឹប។
