ខេត្តសៀមរាប៖ ប្រជាពលរដ្ឋ បីភូមិ ផ្ទុះកំហឹងនាំភាពក្តៅក្រហាយ បណ្តាលមកពីក្រុមហ៊ុន ស៊ីផាក មិនគោរពតាមការសន្យា ជាមួយប្រជាពលរដ្ឋ ថានឹងថែទាំ ជួសជុល ស្រោចទឹកផ្លូវ កុំឲ្យមានការខូចខាត នឹងពុំ មានផលប៉ះពាល់ ដល់សុខភាពអាយុជីវិត និងការរស់នៅប្រចាំថ្ងៃរបស់ ប្រជាពលរដ្ឋ ដែលរស់នៅតាម បណ្តោយផ្លូវលំ ក្រាលគ្រោះក្រហម ដែលបានលាតសន្ធឹង ពីផ្លូវជាតិលេខ ៦ ត្រង់ចំនុចភូមិ រលួស ទៅតំបន់ ទេសចេណ៍ កំពង់ភ្លក់ ដើម្បីឲ្យមានភ្ញៀវជាតិ នឹងអន្តរជាតិ ទៅកំសាន្តរមណីយដ្ឋាន កំពង់ភ្លក់ដែលជា តំបន់ ទេសចរណ៍ ធម្មជាតិនៃបឹងទន្លេសាប។
ដោយហេតុតែឃើញតែប្រយោជន៍ របស់ខ្លួនហើយមិន ខ្វល់ពីជីវិតរបស់ ប្រជាពលរដ្ឋ ដែលកំពុងតែប៉ះពាល់ យ៉ាងសំខាន់ ខាងសុខភាព ជួបប្រទះនឹងដីហុយឥតឈប់ឈរនោះ ប្រជាពលរដ្ឋបានផ្ទុះកំហឹង យ៉ាងខ្លាំង កាលពីព្រឹក វេម៉ោង ៨ .៣០នាទី ថ្ងៃទី ៧ ខែ មិនា ឆ្នាំ ២០១៤ បាននាំគ្នាបិទផ្លូវ ចំនួនមួយថ្ងៃ ដោយមិនឲ្យ រថយន្តរបស់ ក្រុមហ៊ុនទេសចរណ៍ ឆ្លងកាត់ភូមិ ទៅតំបន់ទេសចរណ៍បាន លុះត្រាតែការសម្របសម្រួលគ្នា អនុវត្តតាមកិច្ចសន្យា ហើយមានភាពទទួលខុសត្រូវ ទើបបានអនុញ្ញាតិឲ្យចរាចរណ៍ឡើងវិញ។
ប្រភពរិះគន់ពី មហាជនបានសង្កត់ធ្ងន់ទៅលោក លោក ចៅហ្វាយស្រុក និងលោកមេឃុំ មិនដែលពុំមាន វិធានការទប់ស្កាត់ណែនាំ ដល់ម្ចាស់ក្រុមហ៊ុន ឲ្យអនុវត្តន៍តាមកិច្ចព្រៀព្រៀង ដូចកាលពីសុំអញ្ញាប័ណ្ណដំបូង អ្វីក៏ហ៊ានធ្វើដែរ តែលុះធ្វើអជីកម្មបាន សម្រេចក៏ចាំតែទទួលផល ដែលមិនខុសពីស្លោក និយាយថា ដល់ ត្រើយសើយគូត ដូច្នេះប្រជាពលរដ្ឋ មានការក្តៅក្រហា ចំពោះក្រុមហ៊ុន ស៊ីផាក ដែលមិនអនុវត្តន៍។
អ្នកយកពត៌មាន បានព្យាយាម ទំនាក់ទំនង់ទៅលោក អភិបាលស្រុក ប្រសាទបាគង ដើម្បីសុំការបំភ្លឺពីករណី មានការឡោះឡើយ មិនអើពើពីបញ្ហាសុខភាព ប្រជាពលរដ្ឋ ដែលទទួលរង នូវការវាយប្រហារដោយ ដីហ៊ុយ គ្រប់វិនាទី និងពុំមានការអើពើពីសំណាក់អាជ្ញាធរនោះ ទូរស័ព្ទមិនអាចទំនាក់ទំនងបានទេ ។
ដោយ ប៊ុត សាម
