កំពង់ ស្ពឺ ៖ រឿងដ៏រន្ធត់មួយបានកើតឡើងដោយមានមនុស្ស៣នាក់ ជាម្ដាយនិងកូនបានស្លាប់នៅក្នុងភ្នក់ភ្លើងទាំងកណ្ដាលអធ្រាត្រនៅ ក្នុងផ្ទះដោយមិនទាន់ដឹងពីមូលហេតុច្បាស់លាស់។ក្រុមអ្នកភូមិម្នាក់បានបង្ហូរទឹកភ្នែកគ្រប់ៗគ្នាដោយសារ ភាព រន្ធត់និងករណីភ្លើងឆេះនេះ និងមិនសមគ្មានមានអ្នកណាដឹងជួយពន្លត់ទាន់ យ៉ាងសោះ ហាក់ដូចមួយព្រព្រិចភ្នែកបានឆក់ជីវិតមនុស្សរហូត៣ដែលស្ទើមិន ជឿទាល់តែសោះ ។
សមត្ថកិច្ចនៅកន្លែងកើតហេតុបានឲ្យដឹងថា ករណីភ្លើងឆេះផ្ទះរហូតមានការស្លាប់បាត់បង់ជីវិតមនុស្សយ៉ាងអនោចអធម្មនេះកើតឡើងកាលពីវេលាម៉ោង 23 និង38នាទីយប់ ឈានចូលថ្ងៃទី23 ខែតុលា ឆ្នាំ 2014ស្ថិតនៅភូមិតាព្រះ ឃុំមហាសាំង ស្រុកភ្នំស្រួច ខេត្តកំពង់ស្ពឺ ដែលបណ្ដាលឲ្យឆាបឆេះផ្ទះមួយខ្នងនិងរោងបាយ01ខ្នងខូចខាតទ្រពសម្បត្តិទាំងស្រុងផងដែរ។
សមត្ថកិច្ចនៅកន្លែងកើតហេតុបានឲ្យដឹងទៀតថា ការឆាបឆេះនោះបណ្តាលឱ្យមនុស្ស៣នាក់ស្លាប់ ក្នុងនោះមានរួមម្តាយឈ្មោះ ខឹម មុត ភេទស្រី 47ឆ្នាំ និងកូនៗទាំង២នាក់មានឈ្មោះ សឿន ឡុង ភេទប្រុស 19ឆ្នាំ និងឈ្មោះ សឿន ឡាវ ភេទប្រុស 11ឆ្នាំដែលកំពង់សំរានលង់លក់ មិនអាចរត់ទាន់។
អ្នកភូមិជាច្រើនដែលបានមកឈមើលក្នុងហេតុការណ៏នេះម្នាក់បានបង្ហូរទឹកភ្នែកសំដែងនៅក្តីអាណិតអាសូរដល់ក្រុមគ្រួសារខាងលើមិនសមណាជួបហេតុយ៉ាងអាក្រក់បែបនេះឡើយ ។ហើយបានសំណូមពរដល់អាជ្ញាធរ មេត្តា ស្រាវជ្រាវ ឲ្យបានល្អិតល្អន់ក្នុងករណីនេះដើម្បីឲ្យក្រុមគ្រួសារជនរងគ្រោះអស់ចិត្ត ។
ក្នុងហេតុការណ៍នោះបានឆេះរថយន្តទួរីស 01គ្រឿង ផ្ទះសរសរថ្មរៀបឥដ្ឋក្រោមខាងលើក្តារសម្រាប់ដាក់រថយន្តក៏ត្រូវភ្លើងឆាបឆេះផងដែរ។
សមត្ថកិច្ច បានឲ្យដឹងជាជំហានដំបូងថា ហេតុការណ៍ឆេះផ្ទះនេះអាចបណ្ដាលមកពីមានមនុស្សលួចដុត ឬមានការឆ្លងចរន្តភ្លើងចេញពីរថយន្ត ព្រោះហេតុថាភ្លើងបានផ្ដើមឆេះចេញពីបន្ទប់ដាក់រថយន្ត។ ប៉ុន្តែសមត្ថកិច្ចក៏មិនទាន់ហ៊ានសន្និដ្ឋានច្បាស់លាស់នោះទេ ព្រោះវាអាចបណ្ដាលមកពីការផ្ទុះបំពង់ហ្គាស ឬហេតុការណ៍រន្ទះបាញ់ក៏ថាបានដែរ។សមត្ថកិច្ចជំនាញ
កំពុងត្រួតពិនិត្យទីតាំងកន្លែងកើតហេតុ ក្នុងករណីនេះហើយយ៉ាងយកចិត្តទុកខ្ពស់បំផុត។
សោកនាសកម្មនេះជាលើកទីមួយហើយក្នុងខេត្តកំពង់ស្ពឺដែលករណីគ្រោះអគ្គីភយ័បណ្តាលឲ្យស្លាប់មនុស្សរហូត៣នាក់ ។ បន្ទាប់ពីកើតហេតុគេបានឃើញ អាជ្ញាធរថ្នាក់ខេត្តបានចុះដល់ទីនោះនិងសំដែងការសោកស្តាយដល់ក្រុមគ្រួសារសពផងដែរ ៕
