ខេត្តកំព់ធំ: លោកអ៊ុត សំអន អភិបាលខេត្តកំពង់ធំ បានចុះសួរសុខទុក្ខនិងនាំអំណោយ កាក បាទក្រហម ជូនដល់ ជនរងគ្រោះ ពុលនំបញ្ចុកចំនួន៣៦៦នាក់ កាលពីព្រឹកថ្ងៃទី២២ ខែតុលា ឆ្នាំ២០១៤ នៅមណ្ឌលសុខភាពតាំងក្រសាំង ស្ថិតនៅឃុំតាំងក្រសាំង ស្រុកសន្ទុកនិងមន្ទីរពេទ្យ បារាយណ៍- សន្ទុក ស្ថិតនៅ ឃុំត្រពាំងស្វាយ ស្រុកបារាយណ៍ ខេត្តកំពង់ធំ។
អំណោយកាកបាទក្រហមនេះ មានម៉ី.ត្រីខ.ទឹកគោនិងថវិការ២០០០០រៀល ។
លោកពេជ្រ សុធា អភិបាលស្រុកសន្ទុក បានប្រាប់អ្នកសារព័ត៌មានតាមទូរស័ថា យោងតាម សៀវភៅកត់ចំណងដៃ បានសមត្ថកិច្ចសន្និដ្ឋានថា ជនរងគ្រោះ ពុលនំបញ្ចុក មានចំនួនប្រមាណ ៤០០នាក់ ប៉ុន្តែអ្នកខ្លះទៅសំរាកព្យាបាលនៅគ្លីនិចឯកជននិងអ្នកខ្លះទៀត នៅខេត្តកំពង់ចាម ចំណែកអ្នកមកសំរាកព្យាបាល នៅក្នុងមន្ទីរពេទ្យលើនេះ ជាក់ស្ដែងមានចំនួនតែ៣៦៦នាក់តែ ប៉ុណ្ណោះ។
លោក ពេជ្រ សុធា បានបន្តថា ជនរងគ្រោះ ដោយពុលនំបញ្ចុកទាំងនេះ គឺគាត់បានពិសារនំ បញ្ចុកនៅក្នុងពីភ្ជាប់ពាក្យរបស់អនាគតគូរស្វា-ភរិយា១គូរ កាលពីថ្ងៃទី១៩ ខែតុលា ឆ្នាំ២០១៤ នៅ ភូមិស៊ីវុត្ថា ឃុំប្រាសាទ ស្រុកសន្ទុកនេះ លុះយប់ថ្ងៃទី១៩និងរំលងអាធ្រាត្រចូលដល់ថ្ងៃទី២០ អ្នក ដែលអញ្ជើញមកចូលរួមក្នុងពីធីនេះ បានឈឺក្បាល វិលមុខនិងឈឺពោះ រាគក្អួតគ្រប់គ្នាឲ្យតែអ្នក បានពិសារនំបញ្ចុកនោះ។
ជនរងគ្រោះទាំងនោះ ត្រូវបានក្រុមគ្រួសារបញ្ជូនព្យាបាលនៅមន្ទីរពេទ្យខាងលើ ជាបន្ត បន្ទាប់ ចំណែកឯក្រុមគ្រូពេទ្យ ក្រោយពីបានពិនិត្យអាការជម្ងឺនិងស្ដាប់សាវតាជម្ងឺ គឺបានកំណត់ថា គឺពុលនំបញ្ចុនោះ។
ក្រុមគ្រួសារដែលមានពិធីភ្ជាប់ពាក្យកូនប្រុស-ស្រីនេះ បាននិយាយឲ្យដឹងថា គាត់មិនដឹង ពីមូលហេតុដែលនាំឲ្យនំបញ្ចុកនេះមានជាតិពុលនោះទេ ព្រោះថាគាត់កំម្ម៉ង់ទិញពីគេ ហើយក្រុម គ្រួសារពួកគាត់ក៏មានអាការជម្ងឺនេះដែរ ហើយបានបញ្ជូនទៅព្យាបាលនៅមន្ទីរខាងលើនេះផងដែរ
ជនរងគ្រោះ ពុលនំបញ្ចុក ដែលកំពុងសំរាកព្យាបាលនៅមន្ទីរពេទ្យនេះ អ្នកខ្លះគឺពុលទាំង ក្រុមគ្រួសារតែម្ដងនិងក្រុមគ្រួសារខ្លះ ២-៣នាក់ក៏មាន ព្រោះថា គ្រួសារខ្លះមកទាំងក្រុមគ្រួសារនិង ខ្លះទៀតត្រូវអ្នកមកផ្ទាល់ យកនំបញ្ចុកទៅផ្ងើ ហូបដល់ផ្ទះ៕
