ចោរឆក់ខ្សែរកម្នាក់ត្រូវបានប្រជាពលរដ្ឋស្វាគមន៏មួយដៃ មួយជើងឡើងទ្រោមខ្លួនបន្ទាប់ពីធ្វើសកម្មភាព ឆក់ ខ្សែរកប្លាទីនទំងន់៥ជី ពីស្ត្រីម្នាក់ដែលកំពុងជិះម៉ូតូតាមផ្លូវ បានសំរេចហើយក៏ព្យាយាមជិះម៉ូតូរត់គេច តែសំណាងអាក្រក់ក៏ទៅបុករថយន្តរបស់គេបណ្តាល ដួលខ្លួនឯង ទើបអ្នកឃើញហេតុការណ៏នេះចាប់ស្វាគមន៏ឡើងទ្រោមខ្លួនតែម្តង។
ហេតុការណ៏នេះកើតឡើងនៅវេលាម៉ោង៧និង៤០យប់នាទី ថ្ងែទី៦ ខែមិនា ឆ្នាំ ២០១៤នៅចំណុចមុខមន្ទីរពេទ្យកាល់ម៉ែត្រតាមបណ្តោយផ្លូវ ព្រះមុនីវង្ស ក្នុងសង្កាត់ស្រះចក ខណ្ឌ ដូនពេញ ។ ជនសង្ស័យខាងលើមានឈ្មោះ ចាន់ តារា អាយុ ២៣ឆ្នាំ មុខរបរកម្មកររោងចក្រ មានទីលំនៅផ្ទះជួល នៅបឹងទំពុន សង្កាត់មានជ័យ ខណ្ឌ មានជ័យ ។
ប្រភពព័ត៌មានបានឱ្យដឹងថាមុនពេលកើតហេតុគេឃើញ មានជនសង្ស័យម្នាក់បានជិះម៉ូតូមួយគ្រឿងម៉ាកស្កុបពី ពណ៌ ក្រហម ពាក់ស្លាកលេខ ភ្នំពេញ 1BU-9951បានជិះតាមបណ្តោយផ្លូវព្រះមុនីវង្សពីត្បូងទៅជើងខណៈ មកដល់ មុខមន្ទីរពេទ្យកាល់ម៉ែត្រ ក៏បានជួបនិងស្ត្រីម្នាក់ជិះម៉ូតូម៉ាក់Fino ពណ៌សលាយឈាមជ្រូក ពាក់ស្លាកលេខភ្នំពេញ1BU-3478 ស្របទិសគ្នាហើយជនសង្ស័យនេះក៏បានធ្វើសកម្មភាព ឆក់ខ្សែរកប្លាទី
ទំងន់៥ជីគ្មានបណ្តោងពីស្ត្រី នោះហើយក៏ព្យាយាម ជិះម៉ូតូរត់គេចខ្លួនក៏ទៅវាក់អឺ ជាមួយនិងសន្តិសុខក្រុនហ៊ុនមួយចេញមក រីយ៉ែឡានធ្វើឲ្យជនសង្ស័យ ឆក់ខ្សែរកនោះភ័យក៏ បើកម៉ូតូគេចហើយក៏ជ្រុលទៅបុក រថយន្តមួយគ្រឿងបណ្តាលឲ្យដួលខ្លួនឯង ហើយ ភ្លាមៗ នោះស្ត្រីជា
ម្ចាស់ខ្សែរកខាងលើបានស្រែក ថាចោរចោរផ្អើលដល់អ្នកធ្វើដំណើរតាមផ្លូវនិងប្រជាពលរដ្ធ នៅជុំវិញនោះចេញមកអន្តរាគមន៏ដេញចាប់រួចក៏នាំគ្នា ដាក់មួយដៃម្នាក់មួយជើងម្នាក់ ឡើងទ្រោមខ្លួនហើយក៏បានប្រគល់ឲ្យសមត្ថកិច្ចធ្វើការបន្ត។ ក្រោយពេលកើតហេតុសមត្ថកិច្ចបាននាំជនសង្ស័យខាងលើនេះមកប៉ុសិ៏នគរបាលស្រះចក ហើយចំណែកស្ត្រីរងគ្រោះដែរជាម្ចាស់ខ្សែរកខាងលើក៏បានមកដាក់ពាក្យប្តឹង ទៅតាម ផ្លូវច្បាប់ផងដែរ ។
