សៀមរាប ៖ ជនសង្ស័យភេទប្រុសទី១ មានឈ្មោះ យ៉ាត ជី មានអាយុ ២០ឆ្នាំ មុខរបរមិនពិតប្រាកដ ទីពីរ មានឈ្មោះ ហ៊ិន ផល្លា អាយុ ២៣ឆ្នាំ មុខរបរមិនពិតប្រាកដដោយជនសង្ស័យទាំងពីរនាក់នេះរស់នៅក្នុងសង្កាត់ជាមួយក្នុងសង្កាត់សាលាកំរើកក្រុង និង ខេត្តសៀមរាប ។
ត្រូវបានកម្លាំងកងរាជអាវុធហត្ថខេត្តសៀមរាបធ្វើការចាប់ឃាត់ខ្លួនបានកាលពីថ្ងៃទី២២ខែតុលាឆ្នាំ២០១៤រួចយកមកកាន់ទីបញ្ជាការដ្ឋានកងរាជអាវុធហត្ថខេត្តដើម្បីធ្វើការសួនាំជាប់ពាក់ព័ន្ធក្នុងករណីរក្សាទុកដឹកជញ្ជូនជួញដូរដោយខុសច្បាប់នូវសារធាតុញៀន។លោកវរសេនីយ៌ឯក ស្រី យូរ៉ា មេបញ្ជាការរងនៃទីបញ្ជាការដ្ឋានកងរាជអាវុធហត្ថខេត្តសៀមរាបនិងជាប្រធានមន្ទីរស្រាវជ្រាវនិងយុត្តិធម៌ បានឲ្យដឹងថាដោយអនុវត្តតាមការយកចិត្តទុកដាក់ខ្ពស់ជាប្រចាំពីសំណាក់ឯ.ឩ ឃឹម ប៊ុនសុង អភិបាលខេត្តសៀមរាបនិងជាប្រធានគណ:បញ្ជាការឯកភាពខេត្តក៏ដូចជា ឯ.ឩ ឩត្តមសេនីយ៍ត្រី ម៉ន សាម៉ុន មេបញ្ជាការកងរាជអាវុធហត្ថខេត្តសៀមរាបផងនោះ។
ក្នុងកិច្ចចុះប្រតិបត្តិការណ៍ធ្វើការបង្កា ទប់ស្កាត់និង បង្ក្រាប ចំពោះបទល្មើសខាងលើកម្លាំងកងរាជអាវុធហត្ថខេត្តបានធ្វើការចាប់ឃាត់ខ្លួនជនសង្ស័យភេទប្រុសទាំងពីរនាក់នេះបាននៅក្នុងភូមិសាស្ត្រសង្កាត់សាលាកំរើកក្រុងសៀមរាប ព្រមទាំងវត្ថុតាងមានប្រភេទគ្រឿងញៀនខុសច្បាប់ម៉ាទឹកកកចំនួន១កញ្ចប់ ផងដែរ ។ លោកវរសេនីយ៌ឯក ស្រី យូរ៉ា បានបន្តឲ្យដឹងទៀតថាបន្ទាប់ពីកម្លាំងជំនាញរបស់លោកបានធ្វើការឃាត់ខ្លួននិងបានធ្វើការដកហូតបាននូវវត្ថុតាងជាគ្រឿងញៀនខុសច្បាប់នូវប្រភេទម៉ាទឹកកកចំនួន១កញ្ចប់ពី
ជនសង្ស័យបានហើយនោះក៏ដូចជាបន្ទាប់ពីបានធ្វើការសួរនាំចំពោះជនសង្ស័យទាំងពីរនាក់ជាប់ពាក់ព័ន្ធក្នុងករណីខាងលើហើយនោះ ពួកគេបានឆ្លើយសារភាពពួកគេពិតជាបានប្រព្រឹត្តនូវករណីទាំងអស់ខាងលើពិតប្រាកដមែន ។បច្ចុប្បន្នទាំងវត្ថុតាងនិងជនសង្ស័យត្រូវបានកម្លាំងកងរាជអាវុធហត្ថខេត្តសៀមរាបកសាងសុំណុំរឿងបញ្ជូនទៅកាន់សាលាដំបូងខេត្តសៀមរាបហើយកាលពីថ្ងៃទី២៣ខែតុលានេះដើម្បីចំណាត់ការទៅតាមផ្លូវច្បាប់បន្ត ៕
ដោយ លោក ខេង ខេមរា
