កំពង់ឆ្នាំង ៖ មន្ទីរសាធារណៈការនិងដឹកជញ្ជូនខេត្តដឹកនាំដោយលោក កែវ ពៅ និងលោកស្រី និងមន្ត្រីរាជការក្រោមឱវាទបាននាំយកថវិការបស់ឯកឧត្តម ត្រាំ អ៊ីវតឹក រដ្ឋមន្ត្រីក្រសួងសាធារណៈការនិងដឹកជញ្ជូននិងលោកជំទាវទៅចូលរួមជាមួយពុទ្ធបរិស័ទជាច្រើននាក់ ប្រារព្ធអង្គកឋិន
សាមគ្គីមួយ នៅថៃ្ងទី២២ ខែតុលា ឆ្នាំ២០១៤ដើម្បីដង្ហែរវេប្រគេនព្រះចៅអធិ ការដែលគង់ចាំព្រះវស្សាក្នុងវត្តកោះក្អែក ឃុំកំពង់ហៅ ស្រុកកំពង់លែង។
ព្រះចៅអធិការវត្តកោះបានមានសង្ឃដីការថា ៖ព្រះសង្ឃជាស្រែបុណ្យរបស់ ពុទ្ធបរិស័ទដោយបានទទួលផលបុណ្យមួយចំណែក និងមួយចំណែកទៀតបានឧទ្ទិសទៅដល់មាតាបិតា និងអ្នកដ៏មានគុណរបស់ខ្លួន ឯមួយចំណែកទៀតជាបុណ្យដែលខ្លួនជាអ្នកធ្វើត្រូវបានទទួលដោយខ្លួនឯងនៅវេលាម៉ោងម៉ោង១រសៀលថ្ងៃដដែលមន្ត្រីរជការ និងប្រជាពលរដ្ឋបានរួមគ្នា ដង្ហែអង្គកឋិនទានមហាសាមគ្គីយ៉ាងសប្បាយរីករាយ ក្នុងភាពសាមគ្កីដ៏ជិតស្និតដើម្បីលើកស្ទួយព្រះពុទ្ធសាសនា ប្រទក្សិណព្រះវិហារចំនួន៣ជុំតាមប្រពៃណី រួចវេរចីវរក្នុង
កឋិនទានប្រគេនព្រះសង្ឃក្រាលគ្រងឆ្លងជាកិច្ចបញ្ចប់បុណ្យ។ អង្គកឋិនសាមគ្គីនេះបានកត់ត្រៃនូវទឹកប្រាក់សរុបចំនួន១៤.៤៩០.០០០រៀល( ដប់បួនលានបួនរយកៅ សិបពាន់រៀលគត់ )ដែលក្នុងនោះថវិកាឯកឧត្តម ត្រាំ អ៊ីវតឹក និងលោកជំទាវ លោកកែវពៅនិងលោកស្រីព្រមទាំងមន្ត្រីរាជការក្រោមឱវាទមានចំនួន៥.៣៨០.០០០រៀល និងថវិកាពុទ្ធបរិស័ទមានចំនួន៩.១១០.០០០រៀល បានវេរប្រគេនព្រះសង្ឃក្នុងវត្តកោះក្អែកទុកកសាងសមិទ្ធិផលនានាក្នុងវត្ត។
ព្រះចៅអធិការវត្តនិងព្រះសង្ឃក្នុងវត្តបានសូត្រមន្តប្រោះព្រហ្មទៅតាមប្រពៃណីសាសនា ដើម្បីឧទ្ទិសកុសលនៃបុណ្យនេះជូនវិញ្ញាណក្ខន្ធមាតាបិតាជីដូនជីតា និងក្រុមញាតិសាច់សាលោហិតរបស់ពុទ្ធបរិស័ទជាម្ចាស់អង្គកឋិនទាន ដែលបានចែកឋានទៅនោះអោយទទួលបានបុណ្យកុសលកុំបីខកខានឡើយ។
ក្នុងពិធីបុណ្យកឋិននោះលោក កែវ ពៅ ប្រធានមន្ទីរសាធារណៈការខេត្ត និងលោកស្រីបានជូនថវិកា៥០ម៉ឺនរៀលដល់គណៈកម្មការវត្ត សំរាប់ធ្វើចង្ហាន់ប្រគេនព្រះសង្ឃ និងសំរាប់ពុទ្ធស័ទដែលបានចូលរួមក្នុងពិធីបុណ្យកឋិនទាន និងបានប្រគេនបច្ច័យដល់ព្រះសង្ឃ១១អង្គ និងគណៈកម្មការវត្ត យាយជី តាជី នូវទឹកប្រាក់សរុបចំនួន១.០៥០.០០០រៀលផងដែរ៕ សីលា
