(កំពង់ធំ)÷ លោក ជិន ស៊ីថា នាយខណ្ឌរដ្ឋបាលជលផលកំពង់ធំ ដឹកនាំមន្រ្តីខណ្ឌ ផ្នែករដ្ឋបាលជលផលផាត់សណ្តាយ សង្កាត់រដ្ឋបាលជលផលកំពង់ស្វាយក្រោម និងសង្កាត់រដ្ឋបាលជលផលពាមបាង ចូលរួមជាមួយអធិការដ្ឋានរដ្ឋបាលជលផលខាងជើងបឹងទន្លេសាប ដឹកនាំ
ដោយលោក កើត គា នាយអធិការ កម្លាំងទីបញ្ជាការស្រាលទាំងពីរ អមដំណើរ ឯកឧត្តម ប៉ែន ផល្លីកា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ អមដំណើរចុះត្រួតពិនិត្យនិងបង្ក្រាបបទល្មើសជលផលក្នុងភូមសាស្ត្រខេត្តកំពង់ធំ និងខេត្តសៀមរាប ដោយប្រើប្រាស់មធ្យោបាយអធិការកិច្ចចំនួន០៩គ្រឿង និងកម្លាំងសរុបចំនួន៣៩នាក់ចែកចេញជា០៥មុខព្រួញ នៅថ្ងៃទី១២ ខែសីហា ឆ្នាំ២០២៤។
ឯកឧត្តម ប៉ែន ផល្លីកា និងកម្លាំងជំនាញចុះត្រួតពិនិត្យ បង្ក្រាបបទល្មើសជលផលក្នុងភូមសាស្ត្រខេត្តកំពង់ធំបានចុះត្រួតពិនិត្យចាប់ពីចំណុចចំណុចភូមិបាឡត ចំណុចកំព្រាម ស្ថិតក្នុងភូមិសាស្ត្រឃុំពាមបាង ស្រុកស្ទោង និងចំណុចផ្សោត ចំណុចកោះតាបរ ស្ថិតក្នុងភូមិសាស្ត្រឃុំផាត់សណ្តាយ ស្រុកកំពង់ស្វាយ បានធ្វើការរុះរើនិងបំផ្លាញចោលរបាំងសាច់អួនក្រឡាញឹកនិងលើសប្រវែងនៅនឹងកន្លែងចំនួន៣ករណី រួមមាន របាំងសាច់អួនក្រឡាញឹក១២កន្លែង ឡុកចំនួន២៤ឡុក ប្រវែង៤.៥០០ម៉ែត្ររបាំងសាច់អួនលើសប្រវែង៣កន្លែង ប្រវែង១២០០ម៉ែត្រ
លូចំនួន៣០មាត់ បង្គោលចម្រឹងចំនួន២.៥០០ដើមលែងកូនត្រីចម្រុះចំនួន២០០គីឡូក្រាមចូលទន្លេវិញ។
ក្រុមការងារបានចុះពិនិត្យស្ថានភាពកន្លែងអភិរក្សជលផលទន្លេឆ្មារ ភូមិបាឡត ឲ ឡូត៍លេខ២ព្រែកខ្សាច់ ហើយមន្ត្រីជំនាញជលផលសំណូមពរដល់បងប្អូនប្រជានេសាទមេត្តាបញ្ឈប់ជាបន្ទាន់ការប្រើប្រាស់ឧបករណ៍នេសាទ ស្បៃមុងនិងអួនក្រឡាញឹក ព្រោះឧបករណ៍នេសាទទាំងពីរប្រភេទនេះគឺវាចាប់ពពួកកូនត្រីដែលទើបនឹងញាស់ នាំឱ្យមហន្តរាយកូនត្រីយ៉ាងធ្ងន់ធ្ងរ ដែលធ្វើឱ្យបាត់បង់ធនធានត្រីទៅថ្ងៃអនាគតខាងមុខ។ អត្ថបទខណ្ឌរដ្ឋបាលជលផលកំពង់ធំ។ អត្ថបទ វេហាស៍
