បាត់ដំបង: បើទោះបីជាក្រុមស្វែងរកជីកកំណប់នៅក្បែជើងទំនប់អាងទឹកកំពីងពួយនោះមានឋាន: និងតួនាទីជាអ្វីក៏ដោយក៏មន្ទីរជំនាញត្រូវតែសហការជាមួយសមត្ថកិច្ចដើម្បីចាប់ខ្លួនយកមកផ្តន្ទាទោសទៅតាមផ្លូវច្បាប់ដែរនេះជាសំដីរបស់ក្រសួងធនធានទឹកដែលបានដាក់បទបញ្ជាយ៉ាងមុឺងម៉ាត់ដល់មន្ទីរធនធានទឹកបាត់ដំបង. ។
គួរបញ្ជាក់ដែរថាចាប់តាំងពីព្រលប់ថ្ងៃទី 22 តុលារហូតមកទល់នឹងថ្ងៃនេះទាំងសមត្ថកិច្ច
នៃស្នងការដ្ឋាននគរបាលខេត្តក៏ដូចជាកំលាំងអធិការដ្ឋាននគរបាលស្រុកបាណន់បានធ្វើការចល័តយាមកាមជាប់ជាប្រចាំនៅត្រង់ចំនុចក្បែជើងទំនប់អាងទឹកំពីងពួយ ដែលស្ថិតក្នុងភូមិតាង៉ែន ឃុំតាគ្រាមស្រុកបាណន់ ខេត្តបាត់ដំបង នេះដោយសារតែនៅយប់ថ្ងៃទី22 ឈានចូលយប់ថ្ងៃ23 មានមនុស្សមួយក្រុមបានត្រៀមធ្វើសកម្មភាពជីកគាស់កកាយយកកំណប់នៅក្បែជើងទំនប់ដោយមានទាំងថ្នាក់អភិបាលរងខេត្តដឹកនាំផ្ទាល់ផងដែរគឺលោក ជៀម ច័ន្ទសោភ័ណ ដែលលោកបានចុះទៅសំចតត្រឹមសាលាឃុំតាគ្រាមដើម្បីជួបទំនាក់ទំនងជាមួយនឹងលោកអធិការស្រុកបាណន់. ។
នៅក្នុងខណ:នោះផងដែរដោយសារតែមានការរឹតបន្តឹងពីសំណាក់សមត្ថកិច្ច និងមន្ត្រី
ធនធានទឹកដែលបានអនុវត្តន៍តាមគោលការរបស់លោកស្នងការដែលមិនអនុញ្ញាតិអោយជនណា
ម្នាក់ទៅធ្វើការគាស់កកាយយកកំណប់តាមរូបភាពអបីយ៍ជំនឿនោះជាដាច់ខាត ទើបក្រុមថ្នាក់ដឹកនាំដែលមានសេនាឆ្វេងស្តាំទៅហែរហមជាមួយផងនោះបានដកថយត្រឡប់ចូលក្រុងបាត់ដំបងវិញទាំងយប់ដោយព្រលែងប្រជាពលរដ្ឋចំនួន6នាក់ដែលពួកគេបានជួលទៅអោយជីកនៅតែលតោលទាំងកណ្តាលអាធ្រាតទើបសមត្ថកិច្ចសំរេចធ្វើការអប់រំនិងជួយដឹកជូនពួកគេអោយវិលត្រឡប់មកបាត់ដំបងវិញ. ។
លោកវរ:សេនីយ៍ឯក ជេត វណ្ណនី ស្នងការរងទទួលផែនយុត្តិធ៌មបានគូសបញ្ជាក់ថា
ក្រោយពីទទួលបាននូវបទបញ្ជាភ្លាមរូបលោកផ្ទាល់បានដឹកនាំកំលាំងចុះទៅប្រចាំការនិងត្រួតពិនិត្យជាប់ជាប្រចាំដោយមិនអោយនរណាម្នាក់ប្រព្រឹត្តនូវសកម្មភាពខុសច្បាប់នេះបានឡើយ ហើយរហូតមកទល់នឹងពេលនេះលោកនៅតែដឹកនាំកំលាំងចុះទៅទាំងយប់ទាំងថ្ងៃដែរដើម្បីរារាំងបញ្ហានេះ. ។
លោកស្នងការរងបានអះអាងបន្តថា នៅយប់នោះបើទោះបីជាលោកមិនបានជួបផ្ទាល់. ជាមួយនឹងលោកអភិបាលរងខេត្ត ជៀម ច័ន្ទសោភ័ណក៏ដោយក៏លោកបានដឹងថាលោកអធិការនគរបាលស្រុកបាណន់បានចូលទៅជួបផ្ទាល់នៅក្នុងសាលាឃុំតាគ្រាមរួចទៅហើយក្នុងគោលបំនងសំណូមពរ និងរារាំងមិនអនុញ្ញាតិអោយធ្វើសកម្មភាពនេះបានឡើយ. ។
រាល់បញ្ហាខាងលើនេះខាងមន្ទីរធនធានទឹកបានបញ្ចេញនូវប្រតិកម្មយ៉ាងខ្លាំងដោយលោក
ឃុន សេង អនុប្រធានការិយាល័យអភិរក្សធនធានទឹកបានមានប្រសាសន៍ថាការជីកកកាយនៅក្បែជើងទំនប់របស់អាងទឹកកំពីងពួយនេះអាចប្រឈមមុខនឹងបញ្ហាពីរយ៉ាងគឺទី1 អាចធ្វើអោយដីទំនប់ទន់ជ្រាយ បាក់ស្រុតដែលអាចបង្កអោយមានគ្រោះថ្នាក់ដល់ប្រជាពលរដ្ឋដែលរស់នៅក្នុងតំបន់នេះហើយក៏អាចគ្រោះថ្នាក់ដល់ផលដំណាំផងដែរ ចំណែកបញ្ហាទី2 គឺអាចប៉ះពាល់ដល់ខាងនយោបាយដែលគេអាចចោទប្រកាន់ថាមន្ទីរធនធានទឹកមានការឃុបឃិតឬក៏ផ្សំគំនិតជាដើម. ។
លោក ឃុន សេង បានសង្កត់ធ្ងន់ថាក្រោយពីមានការភ្ញាក់ផ្អើលនោះរួចមកលោកបាន. រាយការទៅក្រសួងធនធានទឹករួចជាស្រេចហើយដើម្បីជ្រាបជាព៌តមាននិងទទួលយកនូវចំណាត់ការពីក្រសួងមកវិញក្នុងគោលបំណងរិះរកវិធានការទប់ស្កាត់. ។
ស្របពេលជាមួយគ្នានោះដែរខាងក្រសួងបានដាក់ផែនការយ៉ាងដាច់ខាតដោយអោយមន្ទីរ
ធនធានទឹកខេត្តបាត់ដំបងធ្វើការសហការជាមួយនឹងកំលាំងសមត្ថកិច្ចអោយបានស្អិតរមួតនិង
ដាក់កំលាំងឃ្លាំមើលទីតាំងនោះ24ម៉ោងលើ24ម៉ោងហើយត្រូវចាប់ខ្លួនយកមកផ្តន្ទាទោសទៅតាមផ្លួវច្បាប់បើទោះបីជាមុខសញ្ញានោះមានឋាន: ឬតួនាទីជាអ្វីក៏ដោយ. ។
រហូតមកទល់នឹងពេលនេះពាក្យចរចាមរាមនៅតែលេចឮថាក្រុមប្រព្រឹត្តបទល្មើសនៅតែ
ព្យាយាមរិះរកមធ្យោបាយដើម្បីគាស់កកាយនៅចំនុចខាងលើនេះអោយទាល់តែបានដរាបណាដែលមាន៕
