ខេត្តក្រចេះ៖ ជនសង្ស័យ៣នាក់ក្នុងចំណោមបក្សពួក៥នាក់ គឺត្រូវនគរបាល ស្រុកសំបូរស្រាវជ្រាវឃាត់ខ្លួនបានជាបន្តបន្ទាប់ ក្រោយពីពួកគេបានរួមគំណិតគ្នា ធ្វើសកម្មភាពចាប់ស្ត្រីកូនខ្ចីម្នាក់អូសទម្លាក់ពីលើផ្ទះ វាយបំបាក់.ក រហូតដល់ស្លាប់ រួចយកទៅចោលក្នុងទឹកបឹង កាលពីយប់ថ្ងៃទី២២ ខែតុលា ឆ្នាំ២០១៤ នៅចំណុចភូមិស្រែ ត្រែង ឃុំក្បាលដំរី ស្រុកសំបូរ ខេត្តក្រចេះ ។
ជនដៃដល់ត្រូវនគរបាលស្រុកសំបូរចុះឃាត់ខ្លួនបាននៅព្រឹកថ្ងៃទី២៣តុលាបន្ទាប់ពីជននេះនិងបក្ខពួកព្រួតគ្នាវាយសម្លាប់ទៅលើស្ត្រីរងគ្រោះដោយចាប់សម្រាតយកក្រមារុំមុខរួចអូសពីលើផ្ទះទៅព្រៃខាងក្រោយផ្ទះចម្ងាយជាង២គីឡូម៉ែត្រទើបវាយបំបាក់.កសម្លាប់ទម្លាក់ចូលទឹកបឹង។
លោកអនុសេនីយ៏ឯកឈិន សំបូរ អធិការរងទទួលបទល្មើសព្រហ្មទណ្ឌបានឲ្យដឹងថា បន្ទាប់ពីបានទទួលព័ត៍មានភ្លាម កម្លាំងនគរបាលបានចុះស្រាវជ្រាវ និងបានឃាត់ខ្លួនជនដៃដល់បានចំនួន៣នាក់ក្នុងចំណោមបក្សពួក៥នាក់ ១ឈ្មោះចក់ណែមភេទប្រុសអាយុ២៦ឆ្នាំជាជនដៃដល់ ២ ឈ្មោះត្រៃ អេន ភេទប្រុសអាយុ៥៦ឆ្នាំ និងទី៣ឈ្មោះ យ៉យ អេន ភេទស្រី អាយុ៦១ ទាំងពីរនាក់នេះជាប្តីប្រពន្ធ មានទីលំនៅភូមិស្រែត្រែងឃុំក្បាលដំរីស្រុកសំបូរ។
ដោយឡែកស្ត្រីរងគ្រោះ ឈ្មោះអំផាតមុំអាយុ៣២ឆ្នាំជាស្ត្រីសរសៃខ្ចីដែលទើបតែសម្រាលកូនស្រីបានជាង២ខែ និងស្នាក់នៅលើផ្ទះតែម្នាក់ឯងនៅចំណុចកើតហេតុ។
លោកអធិការរងបានបន្តថាជនដៃដល់ក្នុងអំពើឃាតកម្មនោះមានគ្នា៣នាក់ គឺត្រូវបានឃាត់ខ្លូនបានម្នាក់នៅពេលដែលកម្លាំងជំនាញបានចុះទៅដល់ទីតាំងកន្លែងកើតហេតុដើម្បីធ្វើការស៊ើបអង្កេត ចំណែពីរនាក់ទៀតកំពុងរត់គេចខ្លួន ដោយជនសង្ស័យប្រុសស្រីពីរនាក់ប្តីប្រពន្ធដែលរស់នៅក្បែរនោះគឺសង្ស័យពីបទរួមគំនិតក្នុងអំពើឃាតកម្មនេះ ក៏ត្រូវបានឃាត់ខ្លួនយកមកសាកសួរដែរ។
គួរបញ្ជាក់ថា អំពើរឃាតកម្ម ខាងលើនេះ បានកើតឡើងកាលពីវេលាម៉ោង៧យប់ថ្ងៃទី២២ខែតុលានៅពេលដែលស្ត្រីរងគ្រោះរូបនេះកំពុងតែនៅលើផ្ទះជាមួយនឹងកូនតូចៗខណៈដែលប្តីមិនទាន់មកពីព្រៃ។ជនដៃដល់និងបក្សពួក២នាក់ទៀតបានឡើងទៅលើផ្ទះរបស់ស្ត្រីរងគ្រោះនិងបានចាប់ស្ត្រីរងគ្រោះយកក្រមារុំមុខហើយចាប់អូស ចូលទៅក្នុងព្រៃ ហើយបានធ្វើសកម្មភាពវាយបំបាក់.កស្ត្រីរងគ្រោះទាំងភាពអាក្រាតរួចទម្លាក់ចូលបឿនក្នុងទឹកបឹងខាងក្រោយផ្ទះចម្ងាយ ជាងពីរគីឡូមែត្រ។
