ខេត្តកំពង់ធំ៖ នៅព្រឹកថ្ងៃទី២២ ខែសីហា ឆ្នាំ២០២៤ ឯកឧត្តម សោម ស៊ុន សមាជិកអចិន្ត្រៃយ៍ គណបក្សខេត្ត អនុប្រធានក្រុមការងារគណបក្សប្រជាជនចុះមូលដ្ឋានស្រុកសណ្តាន់ ប្រធានក្រុមការងារគណបក្ស ប្រជាជនចុះមូលដ្ឋានឃុំដងកាំបិត និងសហការី បាននាំយកអំណោយរបស់ស
ម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រគល់ជូនក្រុមគ្រួសារសពសមាជិកបក្ស១សព និងសមាជិកបក្ស ដែលមានជីវភាពលំបាកខ្វះខាត ចំនួន១៨ គ្រួសារ និងឧបត្ថម្ភជូនអ្នកបើកបរកាណូតចំនួន ២នាក់ ជាអ្នកចម្លងសិស្សានុសិស្ស និងប្រជាជន ។ ដែលពិធីនេះប្រព្រឹត្តទៅនៅភូមិស្រែវាលខាងកើត ឃុំដងកាំបិត ស្រុកសណ្តាន់ ខេត្តកំពង់ធំ ។
ឯកឧត្តម សោម ស៊ុន បានពាំនាំនូវការផ្ដាំផ្ញើសាកសួរសុខទុក្ខ ពីសំណាក់សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ដែលលោកទាំងទ្វេតែងតែព្រួយបារម្ភពីសុខទុក្ខ និងជីវភាពរស់នៅរបស់បងប្អូនសមាជិកបក្ស ក៏ដូចជាប្រជាពលរដ្ឋនៅគ្រប់ពេលវេលា និងនៅគ្រប់ទីកន្លែង ហើយបានសំណូមពរដល់បងប្អូនទាំង អស់ ត្រូវថែទាំសុខភាព រស់នៅស្អាត មានអនាម័យ ដេីម្បីជៀសផុតពីជម្ងឺផ្សេងៗ និងត្រូវខិតខំប្រកបរបររកទទួលទានដោយសុចរិតទៀងត្រង់ ព្រមទាំងខិតខំបង្កបង្កេីនផលដាំដំណាំ ចិញ្ចឹមសត្វ ដេីម្បីដោះស្រាយជីវភាពប្រចាំថ្ងៃ ឲ្យបានល្អប្រសើរ ។
ឯកឧត្តម សោម ស៊ុន ក៏បានថ្លែងអំណរ គុណដល់អ្នកបើកបរកាណូតទាំងពីរនាក់ ដែលកាណូតទាំងពីរគ្រឿងនេះ ជាអំ ណោយដ៏ថ្លៃថ្លារបស់សម្តេចមហាបវរធិប តី ហ៊ុន ម៉ាណែត និងលោកជំទាវ ដេីម្បីចម្លងសិស្សានុសិស្ស និងប្រជាជនទូទៅដោយមិនគិតពីការនឿយហត់ និងបានណែនាំដល់ពួកគាត់ទាំង២នាក់ ត្រូវមាន ការប្រុងប្រយ័ត្នខ្ពស់ ក្នុងពេលដែលចម្លងសិស្ស និងប្រជាជនឆ្លងកាត់ដងស្ទឹងសែន ប្រកបដោយសុវត្ថិភាព ។នៅក្នុងឱកាសនេះ ឯកឧត្តម សោម ស៊ុន បានប្រគល់ជូនស្បៀងអាហារគ្រឿងឧបភោគបរិភោគអំណោយដ៏ថ្លៃថ្លារបស់សម្តេចអគ្គមហា សេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី សែន ជូនក្រុមគ្រួសារសពចំនួ១សព និងប្រជាពលរដ្ឋ ដែលមានជីវភាពលំបាកខ្វះខាតទាំង ១៨គ្រួសារ ព្រមទាំងអ្នកបើកបរកាណូតចំនួន២នាក់ ដោយគ្រួសារសពចំនួន ១សព ទទួលបានអង្ករចំនួន៥០គីឡូក្រាម មីជាតិចំនួន២កេស ទឹកត្រីទឹកស៊ីអីវចំនួន២យួរ ត្រីខកំប៉ុងចំនួន២យួរ និងថវិកាចំនួន២០ម៉ឺនរៀល ដោយឡែកក្រុមគ្រួសារសមាជិកបក្សចំនួន១៨គ្រួសារ និងអ្នកបើកបរកាណូតចំនួន២នាក់ផ្សេង ទៀត ទទួលបានក្នុង១គ្រួសារ នូវអង្ករចំនួន២៥គីឡូក្រាម មីជាតិចំនួន១កេស ទឹកត្រីទឹកស៊ីអ៊ីវចំនួន១យួរ និងត្រីខកំប៉ុងចំនួន១យួរ ផងដែរ ។ដោយ វេហាស៍
