ភ្នំពេញជនពិការស្ត្រីមេម៉ាយចាស់ជរាគ្មានទីពឹងនិងកុមារកំព្រានៅតាមមជ្ឈមណ្ឌលក្នុងឱកាសខួបលើកទី១០នៃព្រះរាជពិធីបុណ្យគ្រងរាជសម្បត្តិរបស់ព្រះករុណាព្រះបាទសម្តេចព្រះបរមនាថនរោត្តមសីហមុន្នីព្រះមហាក្សត្រនៃព្រះរាជាណាចក្រកម្ពុជាក្នុងឱកាសចុះសួរសុខទុក្ខអ្នកជម្ងឺនៅ មន្ទីរពេទ្យ
មិត្តភាពខ្មែរសូវៀត រាជធានីភ្នំពេញ នៅ ព្រឹកថៃ្ងទី២៤ខែតុលាឆ្នាំ២០១៤ឯកឧត្តមឈិនកេតនាអនុប្រធានអចិន្ត្រៃយ៍និងជាអគ្គលេខាធិការគណកម្មាធិការជាតិរៀបចំបុណ្យជាតិអន្តរជាតិបានមានប្រសាសន៍ថា៖រាជរដ្ឋាភិបាលដែលមានសម្តេចតេជោហ៊ុនសែននាយករដ្ឋមន្ត្រីនៃ
ព្រះរាជាណាចក្រកម្ពុជាតែងតែបានយកចិត្តទុកដាក់និងជួយទំនុកបំរុងគ្រប់បែបយ៉ាងដល់ អ្នកជម្ងឺកំពុងសំរាកព្យាបាលនៅតាមមន្ទីរពេទ្យនិងក្មួយៗកុមារកំព្រា ចាស់ជរាគ្មានទីពឹងជនពិការនិងក៏ដូចជាគ្រួសារយុទ្ធជនក្នុងជីវភាពរស់នៅប្រចាំថៃ្ងជានិច្ចជាពិសេសក្នុងឱកាសព្រះរាជពិធីគ្រងព្រះបរមសិរីរាជសម្បត្តិលើកទី១០របស់ព្រះករុណាព្រះបាទសម្តេចព្រះបរមនាថនរោត្តមសីហមុន្នីព្រះមហាក្សត្រនៃព្រះរាជាណាចក្រកម្ពុជាដែលនឹងប្រព្រឹត្តិទៅនៅថៃ្ងទី២៩ ខែតុលាឆ្នាំនេះ ។
ទន្ទឹមនឹងនោះដែរជារៀងរាល់ឆ្នាំសម្តេចចៅហ្វាវាំងឧបនាយករដ្ឋមន្ត្រីគង់សំអុលប្រធានគណកម្មាធិការជាតិរៀបចំបុណ្យជាតិនិងអន្តរជាតិតែងបានដាក់ចេញផែនការណែនាំដល់គ្រប់បណ្តាក្រសួងសា្ថប័នរដ្ឋអាជ្ញាធរដែនដីសហគ្រាសនិងក្រុមហ៊ុនឯកជនត្រូវចុះសួរសុខទុក្ខចំពោះអ្នកជម្ងឺ កុមារកំព្រា ជនពិការ ចាស់ជរានិងត្រៀមរៀបចំអបអរសាទរចំពោះព្រះរាជពិធីបុណ្យនេះឲ្យមានលក្ខណៈល្អប្រសើរបំផុត។
ឯកឧត្តមប្រធានគណប្រតិភូបានពាំនាំនូវសារជូនពររបស់សម្តេចប្រមុខថា្នក់ដឹកនាំប្រទេសទាំងបី និងសម្តេចកិត្តិព្រឹទ្ធបណ្ឌិត្យចំពោះបងប្អូនអ្នកជម្ងឺទាំងអស់ដែលកំពុងសំរាកព្យាបាលនៅទីនេះសូមឲ្យឆាប់ជាសះស្បើយពីរោគានឹងបានវិលត្រលប់ទៅលំនៅដ្ឋានវិញ ដើម្បីប្រកបរបរចិញ្ចឹមជីវិតនិងចូល រួមអភិវឌ្ឍមូលដ្ឋាននិងសង្គមជាតិជាមួយនិងរាជរដ្ឋាភិបាល។ ឯកឧត្តម អគ្គលេខាធិការនិងគណប្រតិភូបានឧបត្ថម្ភអំណោយរបស់គណកម្មការអន្តរក្រសួងដល់អ្នកជម្ងឺចំនួន១២០នាក់ក្នុងម្នាក់ៗទទួលបានមី ស្កសរ ត្រីខ នំក្រៀម សារុង ក្រមា ទឹកដោះគោ និងថវិការចំនួន៥០០០៛៕
