កំពង់ធំ=កាលពីយប់រំលង់អាធ្រាតឈានចូល ថ្ងៃទី២៦ ខែតុលា ឆ្នាំ២០១៤ ឈ្មួញឈើ បានលួចដឹកជញ្ចូនឈើតាមក្បូនបណ្ដែតតាមដងស្ទឹងសែន ដែលមានចំនួនឈើជាច្រើនម៉ែត្រគូប ចេញពីស្រុកសណ្ដាន់ មកជាប់អន្ទាក់សមត្ថិកិច្ច នៅគល់ស្ពាន ផ្សារកំពង់ឈើទាល ក្នុងស្រុកប្រាសាទសំបូរ។
តាមប្រភពពត័មានពីរប្រជាពលរដ្នបានអោយដឹងថា ឈ្មួញឈើទាំងនេះលួចបន្លំឯកសារច្បាប់ចាស់ដែលបានសុំដឹកជញ្ចូនកាលពីរមុន យកលេះជាច្បាប់ថ្មីសំរាប់ដឹកជញ្ចូនឈើមួយជើងទៀត ទទឹមនិងនោះបានបែកធ្លាយ រឿងមេឃុំ ឈ្មោះ ប៉ោង ជាមេឃុំស្រើង និងលោក ហាក់ សុធី នាយសង្កាត់រដ្ឋបាលព្រៃឈើស្រុកប្រាសាទសំបូរ ឃុបឃឹត បើកភ្លើងខៀវ ស៊ីសំនូក រហូត ជាប់ត្រកៀកងាកខ្លួនមិនរួច ធ្វើអោយបទល្មើសដឹកជញ្ចូន ឈើបានយ៉ាងរលូន ម្ដងហើយម្ដងទៀតដោយពុំមានសមត្ថិកិច្ចណាហ៊ានចុះមករារាំង បទល្មើសនេះឡើយ។
លោកមេឃុំ ប៉ោងបានប្រាប់អោយដឹងថាការដឹកជញ្ចូនឈើនេះមានច្បាប់ត្រឹម ភូមិ ឃុំ ស្រុក ពុំមានច្បាប់ចេញពីរខេត្តនោះទេ ក្នុងច្បាប់នេះមានទាំងប័ណ្ណ គ្រួសារក្រីក្រ មួយច្បាប់ផង តែតាមការពិនិត្យជាក់ស្ដែងច្បាប់នេះបានស៊ីញ៉េបោះត្រា ត្រឹម ភូមិ ឃុំ ស្រុក មែន តែពុំ មានស៊ីញ៉េបោះត្រាពី នាយសង្កាត់រដ្ឋបាលព្រៃឈើណាមួយឡើយ។
លោក យ៉េង សា រ៉េន អធិការស្រុកប្រាសាទ សំបូរ បានប្រាប់អោយដឹងថា ឈើនេះប្រជាពលរដ្នបានសុំ ដឹក សំរាប់ធ្វើផ្ទះ នៅភូមិ អន្លង់ក្រសាំង ឃុំកំពង់ស្វាយ ស្រុក កំពង់ស្វាយ ក្នុងខេត្តកំពង់ធំ ហេតុតែក្នុងច្បាប់ ពុំមានស៊ីញ៉េ បោះត្រាចេញ ពីរដ្ឋបាល ព្រៃឈើក៏ ព្រោះតែ ឈើមានចំនួនតិច តួចទើបពុំមាន ស៊ីញ៉េ ឬបោះត្រា ពីរដ្នបាលព្រៃឈើ ព្រមទាំងបាននិយាយថា អភិបាលខេត្តពុំមានសិទ្ធក្នុងការ សំរេច អោយ ដឹកជញ្ចូន ឈើនោះទេ ទាល់តែរដ្នបាល
ព្រៃឈើទើបមានសិទ្ធអនុញាតិ ក្នុង នោះបានក៏បានបញ្ចាក់ថា ខាងរដ្នបាលព្រៃឈើ គេមិន ស៊ីញ៉េបោះត្រាអោយទេ គ្រាន់តែ យកលុយញាត់ហោប៉ៅជាការស្រេច ព្រោះខ្លាចពេលមានរឿងធ្វើអោយប៉ះពាល់ដល់ពួកគេ ការនិយាយនោះក៏មានការអះអាង ថាខ្លួនជាម្ចាស់ឈើថែម
ទៀតផង ។
លោក ហាក់ សុធី នាយសង្កាត់រដ្នបាលព្រៃឈើ ស្រុក ប្រាសាទសំបូរ បានប្រាប់អ្នកថា ឈើខុសច្បាប់គ្មាន ប៉េសេ ខាងរដ្នបាលព្រៃឈើ ពុំអាចស៊ីញ៉េ ឬបោះត្រាអោយទេ ព្រោះពុំបានបង់ពន្ធជូនរដ្ន ការធ្វើបែបនេះ គ្រាន់តែចង់ជួយអោយប្រជាពលរដ្នអាចមានលទ្ធភាពអាចធ្វើផ្ទះបានព្រោះកាលណាពួកគាត់ទិញឈើស្របច្បាប់ វាថ្លៃពុំមានលទ្ធភាព ។
តាមការពិតជាក់ស្ដែង ឈើដែលបាន ដឹកជញ្ចូនពេលនេះម្ចាស់ឈើ ប្រាប់ថា មានចំនួន៧ម៉ែត្រគូបដោយយើងពុំអាចមើលឃើញ នៅក្នុងទឹក តែបើតាមការប៉ាន់ស្មាន ឈើមានចំនួនច្រើនជាងនឹង ដោយម្ចាស់ឈ្មោះ យី ដូង ភេទប្រុស អាយុ ៣៣ឆ្នាំ ជាប្រជាពលរដ្នរស់នៅអន្លង់ក្រសាំង ឃុំកំពង់ស្វាយ ស្រុកកំបង់ស្វាយ ខេត្តកំពង់ធំ៕ ប៊ុនរិទ្ធី
