ខ្សែប្រយុទ្ធ Robin van Persie មានទំនុកចិត្តថា ក្លិបបិសាចក្រហម Manchester United នៅតែមានឱកាស អាចឈ្នះជើងឯក Premier League នៅរដូវកាលនេះបាន បន្ទាប់ពីក្លិបបានលេងស្មើក្នុងលទ្ធផល1-1ជាមួយក្លិប កំពូលតារាង Chelsea នៅទឹកដី Old Trafford កាលពីយប់មិញ ។
Robin van Persie ជាអ្នកស៊ុតគ្រាប់បាល់តាមបានស្មើនៅម៉ោងបន្ថែម90+4ក្រោយពេលខ្សែការពារ ប្រេនីស្លាវ អ៊ីវ៉ាណូវីក (Branislav Ivanovic) ត្រូវអជ្ញាកណ្តាលឲ្យកាតក្រហមបណ្តេញចេញពីការប្រកួត ។ក្រុមរបស់លោក Louis van Gaal បច្ចុប្បន្នកំពុងមានគម្លាតពីក្លិបតោខៀវចំនួន១០ពិន្ទុក្រោយពេលប្រកួតបាន៩លើក ប៉ុន្តែ Van Persie មានទំនុកចិត្តថា ក្រុមរបស់គេគឺមិនទាន់អស់សង្ឃឹមក្នុងការប្រជែងយកជើងឯកនៅរដូវកាលនេះនោះទេ ។
គួរបញ្ជាក់ថា Manchester United នឹងត្រូវទទួលភារកិច្ចដ៏ធ្ងន់ធ្ងរមួយទៀតនៅសប្តាហ៍ក្រោយដោយពួកគេត្រូវប្រកួតជាមួយក្លិបជើងឯកចាស់ Manchester City នៅទឹកដី Etihad Stadium ៕
