សៀមរាប៖ កងរាជអាវុធហត្ថប្រឆាំងគ្រឿងញៀនខេត្ត បានធ្វើការចុះបង្ក្រាបករណីរក្សាទុកនិងដឹកជញ្ជូនឬជួញដូរដោយខុសច្បាប់នូវសារធាតុញៀន នៅក្នុងក្រុងសៀមរាប បាន២ករណីផ្សេងគ្នាក្នុងថ្ងៃតែមួយដែលមានជនសង្ស័យប្រុសស្រីចំនួន១៥នាក់ត្រូវបានសមត្ថកិច្ចបញ្ជូនទៅតុលាការ ខណៈ
ពួកគេកំពុងជូញដូរនិងប្រើប្រាស់គ្រឿងញៀន។លោកវរៈសេនីយ៍ឯក ស្រី យូរ៉ាមេបញ្ជាការរងកងរាជអាវុធហត្ថខេត្តដឹកនាំសម្របសម្រួលនីតិវិធីដោយលោក សំរិទ្ធ សុខុនព្រះរាជអាជ្ញរងអមសាលាដំបូងខេត្ត បានចុះបង្ក្រាបករណីរក្សាទុកដឹកជញ្ជូន ឬជួញដូរដោយខុសច្បាប់នូវសារធាតុញៀនចំនួន២កន្លែងផ្សេងគ្នាក្នុងថ្ងៃតែមួយនិងសង្កាត់តែមួយនៅចំនុចទី១ស្ថិតនៅក្នុងផ្ទះសំណាក់(យីហោ ប៊ុន សាយអង្គរ)ភូមិមណ្ឌល៣ សង្កាត់ស្លក្រាម ក្រុងសៀមរាប ខេត្តសៀមរាប និងមួយកន្លែងទៀតនៅក្នុងផ្ទះជួលស្ថិតក្នុងភូមិបឹងដូនប៉ា សង្កាត់ស្លក្រាម ក្រុងសៀមរាបរហូតឈានដល់ធ្វើការឃាត់ខ្លួនបានជនសង្ស័យប្រុស ស្រី ចំនួន១៥នាក់៖ទី១/ឈ្មោះ សេង ប៊ុនរី ភេទប្រុស អាយុ២៨ឆ្នាំមុខរបររត់ម៉ូតូឌុប រស់នៅ ភូមិបារាយ ឃុំខ្វិតធំ ស្រុកព្រៃធំ ខេត្តកំពង់ចាម(ជួញដូរ) ទី២/ឈ្មោះស្រឿន
រចនា ភេទប្រុសអាយុ១៧ឆ្នាំមុខរបរសិស្សវិទ្យាល័យ១០មករា (ប្រើប្រាស់) រស់នៅ ភូមិបឹងដូនប៉ា សង្កាត់ស្លក្រាម និងទី៣/ឈ្មោះ សៀង ផានិត ភេទប្រុសអាយុ២៣ឆ្នាំមុខរបរបកប្រែភាសាចិន(ជួញដូរ)បច្ចុប្បន្នរស់នៅភូមិសាលាកន្សែង សង្កាត់ស្វាយដង្គំនិងទី៤/ឈ្មោះ ស ពិសិដ្ឋ ភេទប្រុសអាយុ២៣ឆ្នាំមុខរបរជាងសំណង់(ជួញដូរ)ភូមិចុងកៅស៊ូ សង្កាត់ស្លក្រាមនិងទី៥/ឈ្មោះ ស៊ុន សុភារ៉ូ ភេទប្រុសអាយុ១៨ឆ្នាំស្នាក់នៅភូមិទ្រាំង សង្កាត់ស្លក្រាម(ជួញដូរ)ទី៦/ឈ្មោះ ហាក់ ចាន់ស៊ី ភេទប្រុស អាយុ១៩ឆ្នាំមុខរបរសិស្សវិទ្យាល័យ១០មករា(ប្រើប្រាស់)រស់នៅភូមិបឹងដូនប៉ា សង្កាត់ស្លក្រាមទី៧/ឈ្មោះ ភិន សោភណ្ឌ័ ភេទប្រុស អាយុ ៣១ឆ្នាំ(ជួញដូរ
គ្រឿងញៀននិងលាក់អាវុធជ័រសម្រាប់ធ្វើសកម្មភាព)មានស្រុកកំណើតនៅភូមិបុស្សខ្នុរ ឃុំចំការលើ ស្រុកចំការលើ ខេត្តកំពង់ចាម បច្ចុប្បន្នស្នាក់នៅសង្កាត់ស្លក្រាម ទី៨/ឈ្មោះ ទូច ចាន់ដារ៉ាហេង ភេទប្រុស អាយុ៣០ឆ្នាំមុខរបរជាងទូរស័ព្ទស្រុកកំណើតនៅភ្នំពេញ បច្ចុប្បន្នស្នាក់នៅផ្ទះជួលក្នុងក្រុងសៀមរាប(ជួញដូរ)ទី៩/ឈ្មោះ ឡុង សុសារ៉ាវុធ ភេទប្រុស អាយុ១៤ឆ្នាំមុខរបរសិស្សវិទ្យាល័យអង្គរ រស់នៅភូមិវត្តបូព៌ សង្កាត់សាលាកំរើក(អ្នកប្រើប្រាស់)ទី១០/ឈ្មោះ វ៉ាន់ រដ្ឋា ភេទប្រុសអាយុ១៥ឆ្នាំមុខរបរសិស្សវិទ្យាល័យអង្គរ បច្ចុប្បន្នរស់នៅភូមិខ្នារ សង្កាត់ជ្រាវ(ប្រើប្រាស់)ទី១១/ឈ្មោះ ងី សាវង្ស ភេទប្រុសអាយុ១៤ឆ្នាំមុខរបរសិស្ស
សាកលវិទ្យាល័យសុវណ្ណភូមិស្នាក់នៅភូមិចុងកៅស៊ូ សង្កាត់ស្លក្រាម (ប្រើប្រាស់)និងទី១២/ឈ្មោះ ខ្យង ចាន់រតនា ភេទស្រីអាយុ២០ឆ្នាំមុខរបរមិនពិតប្រាកដ រស់នៅភូមិវត្តបូព៌ សង្កាត់សាលាកំរើក ក្រុងសៀមរាប(ប្រើប្រាស់)និងទី១៣/ឈ្មោះ សួន រ៉ាឌី ភេទស្រីអាយុ២៥ឆ្នាំ(ប្រើប្រាស់)រស់នៅភូមិបឹងដូនប៉ា សង្កាត់ស្លក្រាមនិងទី១៤/ឈ្មោះ ហឿម សាវឌី ភេទស្រី អាយុ២១ឆ្នាំមុខរបរសិស្សបាត់ដំបង(ប្រើប្រាស់)ស្រុកកំណើតនៅភូមិពាមឯកឃុំដូនទាវ ស្រុកឯកភ្នំ ខេត្តបាត់ដំបង និង ទី១៥/ឈ្មោះ ឃួន ស្រីលក្ខ័ ភេទស្រី អាយុ១៨ឆ្នាំមុខរបរសិស្សភ្នំពេញ មានស្រុកកំណើតនៅភ្នំពេញ បច្ចុប្បន្នស្នាក់នៅភូមិមណ្ឌល៣ សង្កាត់ស្លក្រាម ព្រមទាំងដកហូតបានវត្ថុតាងរួមមាន៖
(ម្សៅគ្រើមព៌ណសថ្លាម៉ាទឹកកក(មេតំហ្វេតាមីន)ចំនួន៦កញ្ចប់,ស្មើនឹងទម្ងន់៦.៩៥ក្រាម,ទូរស័ព្ទដៃចំនួន១៦គ្រឿង,ម៉ូតូ៦គ្រឿងក្នុងនោះមានម៉ូតូC125៣គ្រឿងពណ៌ខ្មៅ ១/ពាក់ស្លាកលេខកំពង់ចាម1H5759ឆ្នាំ២០១១,២/ពាក់ស្លាកលេខសៀមរាប1O1752ឆ្នាំ២០១២ឡើងតែម២០១៣និង៣/ពាក់ស្លាកលេខភ្នំពេញ1BJ8013ឆ្នាំ២០១០និងកាំភ្លើងជ័រមួយដើមពណ៌ខ្មៅ,ICOM.MOTOROLAមួយគ្រឿង,កាំបិត១,ដាវសាំមរ៉ៃ១,ព្រមទាំងមានស្បោងតូចសម្រាប់ច្រកលក់និងឧបករណ៍សម្រាប់ជក់មួយចំនួនធំផងដែរ។
លោកវរៈសេនីយ៍ឯក បានបន្តទៀតថា ចំពោះជនសង្ស័យប្រុស ស្រីទាំង១៤នាក់និងវត្ថុតាងទាំងអស់នេះ កម្លាំងជំនាញកំពុងកសាងសំណុំរឿងបញ្ចូនទៅតុលាការដំបូងខេត្តសៀមរាបនៅរសៀលថ្ងៃទី២៦ខែតុលាឆ្នាំ២០១៤ នេះដើម្បីចាត់ការតាមនីតិវិធីច្បាប់។គួរបញ្ជាក់ផងដែរថា សមត្ថកិច្ចចំរុះក្នុងខេត្តសៀមរាបបានបំបែកសំណុំរឿងគ្រឿងញៀនជាច្រើនករណី និងឃាត់ខ្លួនជនសង្ស័យបានជាច្រើននាក់បញ្ជូនទៅតុលាការដើម្បីដោះស្រាយតាមផ្លូវច្បាប់៕ ដោយ កុសល
