ខេត្តពោធិសាត់ នៅថ្ងៃទី២៤ និង ២៥ ខែតុលា ឆ្នាំ២០១៤ ក្រុមមន្ត្រីឧទ្យានុរក្សតំបន់បានដឹកនាំកំលាំងដោយនាយកនិងនាយករង ចុះបង្ក្រាបបទបឹងទន្លេសាបក្នុងខេត្តពោធិ៍សាត់ ដោយការចុះបង្ក្រាបបទល្មើសឧបករណ៍នេសាទខុសច្បាប់នោះ មានប្រភេទច្បរ ណរ៉ាវ ជាដើម ដែលកំពុង
កើតមានក្នុងតំបន់ដែនដីគ្រប់គ្រង ជាពិសេសគីបទល្មើសនេះកើតឡើងនៅជាប់ព្រំប្រទល់ទឹកដីខេត្តពោធិសាត់និងបាត់ដំបង ។
បើតាមលោក ហេង ទ្រី ជាប្រធានស្នាក់ការតំបន់ទន្លេសាបក្នុងខេត្តពោធិសាត់ បានអោយដឹងថា ប្រភេទបទល្មើសដែលតែងតែកើតនៅក្នុងតំបន់ មានដូចជា ការប្រើឧបករណ៍ឆក់ ការនេសាទខុសច្បាប់ដោយប្រើប្រាស់ដូចជារបាំងស្បៃអួនក្រឡាញឹក និង របាំងស្បៃមុង។ លោកបានឱ្យដឹងទៀតថា ការចុះបង្ក្រាបបទល្មើសជាក់ស្តែងតាមការផ្តល់ពត៍មានពីភ្នាក់ងារល្បាត របស់ក្រុមការងារឧទ្យានុរក្សបានចុះកំទេចចោល បានចំនួន៣កន្លែង នៅចំណុចព្រំប្រទល់ខេត្តពោធិសាត់ និងខេត្តបាត់ដំបង។
ក្រៅពីនោះវត្ថុតាងបទល្មើសស្បៃមុងគឺយកមករក្សាទុកនៅស្នាក់កាតំបន់អភិរក្ស ក្នុងនោះមាច់សាច់អួនប្រវែង១៥០០ម៉ែត្រ ក្បាលច្បរចំនួន២ក្បាល និងសាច់ដៃចាប់ត្រីចំនួនពីមាត់។ លោករស់ ម៉ារ៉ាឌី នាយកតំបន់បានអោយដឹងដែរថា រយះពេលជិតមួយសប្តាហ៍ដល់ថ្ងៃទី២៣តុលាកន្លងមកពីថ្ងៃហើយនោះ កំលាំងឱឡានុរក្សយើង ក៍បានសហការជាមួយមន្ត្រីជលផល អាជ្ញាធរដែនដីស្រុកគរ និង ខេត្តចុះបង្ក្រាបបទល្មើស នៅក្រៅជុំវិញតំបន់ផងដែរ បានទប់ស្កាត់ការដាក់ឈ្នក់ប្រើនុយ និងអំពូលរួមផ្សំ និងកន្លែងនេសាទច្បរ ក្នុងនោះកំទេចចោលទីតាំងបង្គោលឈ្នក់ប្រហែលជា៣០០០ដើមលើទីតាំងជាង១០០កន្លែង របាំងជាង២០០ម៉ែត្រ ស្បៃឈ្នក់១១មាត់ និងអាគុយចំនួន៧ផងដែរ។
លោកបន្តថាការគ្រប់គ្រងតំបន់សព្វថ្ងៃនេះមានមន្ត្រីឧទ្យានុរក្សតិចតួច បើធៀបទៅនឹងផ្ទៃដីតំបន់ និងស្ថានភាពធនធានគាំទ្រនោះ មិនអាចបំបាត់អោយអស់នូវបទល្មើសទាំងស្រុងនោះទេ។ កត្តាសំខាន់តម្រូវអោយមានការចូលរួមពីប្រជាជន ប្រជានេសាទ និងពីគ្រប់មជ្ឈដ្ឋាន អ្នកពាក់ព័ន្ធ លើការបង្កើនជីវភាព ,បន្តផ្តល់ចំណេះដឹងទាក់ទងទៅនឹងធនធានធម្មជាតិ បរិស្ថាន និងការពង្រឹងស្ថាប័នលើការពង្រឹងការអនុវត្តច្បាប់អោយមានប្រសិទ្ធភាព។
