ខេត្តព្រះសីហនុ លោក ហួត ផុន ប្រធាន គ.ជ.ប ខេត្តព្រះសីហនុ មានប្រសាសន៌ថា ការពិនិត្យឈ្មោះបោះឆ្នោត និងលុបឈ្មោះពីបញ្ជីបោះឆ្នោតឆ្នាំ២០១៤ មានរយះ ពេល២០ថ្ងៃ គឺចាប់ពីថ្ងៃទី០១ ដល់ថ្ងៃទី២០ ខែតុលា ឆ្នាំ២០១៤ ។ ក្នុងឆ្នាំ២០១៤ គ.ជ.ប ខេត្តព្រះសីហនុ មាន
គម្រោងចុះឈ្មោះចុះឆ្នោតប្រចាំឆ្នាំចំនួន ៤.៣៩៤នាក់ លទ្ធផលយើងចុះឈ្មោះបណ្តោះអាសន្នថ្មីបានចំនួន២.៨៧៩នាក់ ស្មើនឹង ៦៥.៥២% កែតម្រូវឈ្មោះបានចំនួន ១៨៥នាក់ និងធ្វើការលុបឈ្មោះចំនួន១.៩០៤នាក់ ក្នុងនោះមាន(ឈ្មោះស្ទួនចំនួនជាង៥០០នាក់ អ្នកផ្លាស់ប្តូរទីលំនៅ និងអ្នកស្លាប់) ។ យើងមិនទាន់បានផ្ទៀងផ្ទាត់ឯកសារទំរង់បែបបទបច្ចេកទេសចប់នៅឡើយ នៅពេលដែលផ្ទៀងផ្ទាត់ត្រូវបានបញ្ចប់ ចំនួនអ្នកចុះឈ្មោះថ្មីនិងមានការកើនឡើងនៅតាមឃុំ សង្កាត់ទូទាំងខេត្តព្រះសីហនុ ។
លោកបានបន្តថា រហូតមកដល់ថ្ងៃទី២០ ខែតុលានេះ នៅទូទាំងខេត្តព្រះសីហនុ ពុំមានពាក្យបណ្តឹងជំទាស់ តវ៉ាពីប្រជាពលរដ្ឋ និងគណបក្សនយោបាយទេ ព្រោះការចុះឈ្មោះ និងពិនិត្យឈ្មោះប្រព្រឹត្តទៅបានល្អតាមការគ្រោងទុក ធ្វើឪ្យប្រជាពលរដ្ឋ និងគណបក្សនយោបាយមានទំនុកចិត្តជឿជាក់លើការងាររបស់គ ជ បកាន់តែខ្លាំងឡើង ។ លោកប្រធានបន្តទៀតថា ការងារពិនិត្យឈ្មោះ និងចុះឈ្មោះបោះឆ្នោតត្រូវបានបញ្ចប់ក៌ពិតមែន ក៌ប៉ុន្តែភារកិច្ចរបស់ គ ជ ប នៅតែបន្តការងារបន្តទៀត ក្នុងនោះការបិទបញ្ជីឈ្មោះថ្មី នៅថ្ងៃទី២៥ ខែតុលារហូតដល់ថ្ងៃទី៣០ ខែតុលា ឆ្នាំ២០១៤ នៅសាលាឃុំ សង្កាត់ទូទាំងខេត្តព្រះសីហនុ ដើម្បីឪ្យប្រជាពលរដ្ឋមកពិនិត្យ ដើម្បីប្តឹងតវ៉ាជំទាស់រយះពេល៥ថ្អៃ គឺពីថ្ងៃទី២៦ ដល់ថ្ងៃទី៣០ ខែតុលា ឆ្នាំ២០១៤ ដើម្បីឪ្យ គ ជ ប កំណត់បញ្ជូនកញ្ចប់(ក)លទ្ធផលចុះឈ្មោះបោះឆ្នោត ឯកសារចុះឈ្មោះ និងឯកសារពាក់ព័ន្ធនានា ទៅគណះគម្មការជាតិរៀបចំការបោះឆ្នោតនៅរាជធានីភ្នំពេញ។
លោកប្រធានបានបន្តទៀថា ក្នុងការចុះឈ្មោះ និងលុបឈ្មោះបោះឆ្នោតប្រចាំឆ្នាំ២០១នេះ មានបញ្ហាប្រឈមមួយចំនួន ដោយក្នុងសប្តាហ៌ទី១ខេត្តព្រះសីហនុជួបប្រទះខ្សល់ ភ្លៀងទ្រង់ទ្រាយធំ ធ្វើឪ្យការពិនិត្យ និងការចុះឈ្មោះមានការលំបាក ប្រជាពលរដ្ឋខកខានមកពិនិត្យ និងចុះឈ្មោះ តែសបា្តហ៌ទី២ និងទី៣ ការចុះឈ្មោះនៅតាមឃុំ សង្កាត់ មានដំណើរការល្អនឹងមានការកើនឡើង ដោយសារការិយាល័យរំកិលប្តូរពីឃុំ ទៅដល់ភូមិ នៅជិតផ្ទះប្រជាពលរដ្ឋ ដើម្បីឪ្យពួកគាត់មានការងាយស្រួលមកពិនិត្យឈ្មោះ និងចុះឈ្មោះថ្មីកាន់តែងាយស្រួល ។
លោកហូត ផុន ក៌បានធ្វើការអំពាវនាវដល់ប្រជាពលរដ្ឋទាំងអស់ទៅពិនិត្យបញ្ជីឈ្មោះដំបូងដែលបានបិទផ្សាយនៅតាមឃុំ សង្កាត់ចាប់ពីថ្ងៃទី២៦ ដល់ថ្ងៃទី៣០ ខែតុលា ឆ្នាំ២០១៤ ដើម្បីឪ្យដំណើរការចុះឈ្មោះ និងពិនិត្យឈ្មោះប្រចាំឆ្នាំ២០១៤ប្រកបដោយភាពត្រឹមត្រូវមានតម្លាភាព ។
គួរបញ្ជាក់ថា ខេត្តព្រះសីហនុមាន២៧ឃុំ សង្កាត់ ១១១ភូមិ មានការិយាល័យបោះឆ្នោតចំនួន២៩០ និងមានប្រជាពលរដ្ឋមានឈ្មោះបោះឆ្នោតប្រចាំឆ្នាំ២០១៣ចំនួន ១២៦.២៤០នាក់ ស្រី ៦៥.៦៥៥នាក់ ៕ ដោយលោក ស៊ុយ ចាន់ធា
