សមរភូមិដ៏ក្តៅគគុកសម្រាប់ជំនួប El Clasico កាលពីយប់មិញនេះបានបញ្ចប់ទៅដោយក្រុមម្ចាស់ផ្ទះ Real Madrid បានយកឈ្នះលើក្រុមភ្ញៀវអ្នកមានបុណ្យ Barcelona ក្នុងលទ្ធផល 3-1 ។
ការប្រកួតនៅទឹកដី Bernabau លេងបានតែ៣នាទីប៉ុណ្ណោះ ក្រុមភ្ញៀវ Barcelona អាចរកគ្រាប់បាល់ នាំមុខមុនដោយការស៊ុតបាល់បញ្ចូលទីយ៉ាងល្អពីសំណាក់កីឡាករ Neymar ។ ក្រោយពេលក្រុមភ្ញៀវធ្វើការ នាំមុខ ក្រុមម្ចាស់ផ្ទះ Real Madrid បានវាយសន្ធាប់វិញយ៉ាងខ្លាំងហើយទទួលបានកាដូបាល់ប៉េណាល់ទី១គ្រាប់ នៅនាទីទី៣៥ដែលស៊ុតបញ្ចូលទីដោយកីឡាករ Cristiano Ronaldo ។ ចប់តង់ទី១ក្រុមទាំងពីរស្មើគ្នា 1-1 ។
លុះការប្រកួតនៅតង់ទី២បាន៥នាទី ខ្សែការពារ Pepe បានតែតបញ្ចូលទីជួយឲ្យម្ចាស់ផ្ទះ Real Madrid ធ្វើការនាំមុខ 2-1 វិញម្តង ។ ប៉ុន្តែទោះបីជាយ៉ាងណាក៏ដោយដោយសាតែ Barcelona ធ្វើការវាយសម្រុកខ្លាំងពេក ទើបធ្វើឲ្យបាល់ដាច់មាត់ហើយ Real Madrid អាចរកគ្រាប់បាល់ទី៣បាននៅនាទីទី៦១ដោយការស៊ុតរបស់កីឡាករ Karim Benzema ។ ចប់ការប្រកួត ម្ចាស់ផ្ទះ Real Madrid យកឈ្នះភ្ញៀវ Barcelona ដោយលទ្ធផល 3-1 ។
គួរបញ្ជាក់ថា ឆ្លងកាត់ការប្រកួតចំនួន៩លើកកន្លងមកក្នុងក្របខណ្ឌអេស្ប៉ាញ La Liga ក្លិប Barcelona កំពុងឈរលេខ១ដោយមាន២២ពិន្ទុចំណែក Real Madrid កំពុងឈរលេខ២ដោយមាន២១ពិន្ទុ ៕
F31
