ក្រុងប៉ោយប៉ែត៖
ក្រុមបើកតាក់ស៊ីនិងម៉ូតូឌុប រួមគ្នាផ្ទុះការវ៉ាទាំងព្រឹក ក្នុងគោលបំណងសុំអោយអាជ្ញាធរខេត្ត
មានវិធានការដកកុងត្រូលជជុះចំនួន៤កន្លែងចេញពីលើផ្លូវជាតិលេខ៥ ជាពិសេសក្រុមរត់ម៉ូតូ
ឌុបក៏សុំសិទ្ធទាមទារអោយមានសេរីភាពក្នុងការដឹកជញ្ជូនភ្ញៀវដូចអ្នករត់ម៉ូតូឯទៀតផងដែរ
ជាពិសេសការទាមទារនោះ គឺគេធ្វើឡើងចំនួន៣គោលដៅសំខាន់ ក្នុងនោះនៅក្រុងប៉ោយ
ប៉ែតចំនួន២កន្លែង ហើយបន្តរហូតមកដល់សាលាខេត្តបន្ទាយមានជ័យចំនួន១កន្លែងទៀត
ផង។
ក្នុងហេតុការផ្ទុះការតវ៉ានោះ គឺកើតមាននៅម៉ោង៨ ១០នាទីព្រឹក ក្នុងថ្ងៃទី២៧ ខែតុលា ឆ្នាំ
២០១៤នេះ នៅចំណុចរង្វង់មូលក្រុងប៉ោយប៉ែត និងនៅផ្លូវ៥០ រហូតមកដល់សាលាខេត្ត
បន្ទាយមានជ័យ តែម្តង ដែលក្នុងគោលបំណងនៃការតវ៉ានេះ គឺក្រុមបាតុករ មានបំណង
បិទលើផ្លូវជាតិលេខ៥នៅខាងមុខសាលាខេត្តតែម្តង ប៉ុន្តែមិនមានការផ្ទុះអំពើហឹង្សាណាមួយ
ជាមួយនិងសមត្ថកិច្ចដែលធ្វើរៀបចំអោយមានសណ្តាប់ធ្នាប់នោះទេ។
តាមការលើកឡើងរបស់តំណាងតវ៉ាទាំងនោះបានបញ្ជាក់ថា ពួកខ្លួនមានរថយន្តចំនួន៣០
គ្រឿងម៉ូតូចំនួន១០០គ្រឿង ហើយមានអ្នកតវ៉ាជាក់ស្តែងចំនួន២០០អ្នកប៉ុណ្ណោះ តំណាង
អោយក្រុមតវ៉ាដ៏ដែលនោះបានបន្តទៀតថា ពួកគេបានលើកឡើងពីផលលំបាករបស់ខ្លួនទាក់
ទិននិងការដឹកជញ្ជូនទំនិញតាមរថយន្តប្រភេទតាក់ស៊ី ហើយត្រូវមានការគៀបសង្កត់ជំរិតយក
លុយពីសមត្ថកិច្ចជំនាញតាមដងផ្លូវ ហួសហេតុក្រៅពីនោះក្រុមរត់ម៉ូតូឌុបក៏បានលើកឡើង
ដែរថា ពួកគេធ្លាប់បានចូលទៅដឹកភ្ញៀវដែលជាពលករចំណាក់ស្រុកត្រូវថៃបញ្ជូនមកដាក់នៅ
ក្នុងទីតាំងមូយជាប់ផ្សារមង្គលក្រុងប៉ោយប៉ែត ហើយត្រូវគណះកម្មការនោះទៅដេញចេញមិន
អោយដឹក ដោយគេរើសយកតែរថយន្តណា ម៉ូតូណាដែលបានបង់ខែអោយទៅពួកគេ ទើបគេ
អាចអោយដឹកបាន ឯម៉ូតូដែលគ្មានខ្សែរហោត្រូវបានគេជេប្រមាថដូចសត្វធាតុ ហើយឈាន
ទៅការប្រើប្រាស់កំលាំងនិងដំបងវាយធាក់លើពួកគាត់ទៀតផង បងប្អូនទាំងនោះក៏បាន
សំណូមពរដល់ថ្នាក់លើ មេត្តាជួយដកកុងត្រូវជជុះដែលមាននៅលើផ្លូវជាតិលេខ៥អោយអស់
ងាយស្រួលអោយពួកគាត់បានធ្វើអាជីវកម្មចិញ្ចិមជីវិតបានស្រូលដូចគេផង ។
លោកងោ ម៉េងជ្រួង អភិបាលក្រុងប៉ោយប៉ែតបញ្ជាក់ថា ខាងលោកគ្មានសិទ្ធដកកុងត្រូល
របស់គយតាមផ្លូវបាននោះទេ លោកងោម៉េងជ្រួងបន្តទៀតថា ខាងអាជ្ញាធរ សុំអោយពលរដ្ឋ
ដែលមានបញ្ហាយកដំណោះស្រាយមកជជែករួមគ្នានៅលើតុ តាមផ្លូវច្បាប់ជះវាងការធ្វើបាតុ
កម្ម បិទផ្លូវជាតិលេខ៥ គឺពិតជាជួបការលំបាកខ្លាំងណាស់។
មន្ត្រីគយរដ្ឋាកម្នាក់នៅខេត្តបន្ទាយមានជ័យ បានបញ្ជាក់ថា អ្វីដែលខាងលោកបានអនុវត្ត
ប្រមូលពន្ធនោះ គឺអនុវត្តទៅតាមចរាចណ៏លេខ០២ របស់រាជរដ្ឋាភិបាលតែប៉ុណ្ណោះ ស្តីពីការ
ទប់ស្កាត់បទល្មើសគេចពន្ធ និងប្រមូលពន្ធសព្វថ្ងៃនេះ។
លោកចុងផែត អភិបាលរងខេត្តបន្ទាយមានជ័យបញ្ជាក់ថា បញ្ហាសំណូមពររបស់ក្រុមតាក់ស៊ី
ទាមទារនោះ គឺលោកនិងយកសំណូមពរនេះ ទៅរាយការណ៏ជូនចៅហ្វាយខេត្ត លោកបាន
បន្តទៀតថា រឿងកុងត្រូលជជុះនោះ គឺមានច្បាប់អនុញ្ញាតិអស់ទៅហើយពីអភិបាលខេត្ត ដូច
ឆ្នេះគួរតែបងប្អូនរួមគ្នាអនុវត្តទៅតាមច្បាប់ពនញធផង៕ដោយពៅរី
