(ខេត្តព្រៃវែង) សំណង់ថ្មរឹងមាំកំពង់សាងសង់នៅជាប់នឹងចិញ្ចើមផ្លូវជាតិលេខ ១១ ស្ថិតនៅភូមិឃុំពាមរក៍ ស្រុកពាមរក៍ ខេត្តព្រៃវែង ។ សង្ស័យមានការបើកភ្លើងខៀវពីសំណាក់អាជ្ញាធរស្រុកអនុញ្ញាអោយសាងសង់ សំណង់រឹងនៅជាប់នឹងចិញ្ចើមផ្លូវជាតិបៀបនេះ ប្រហែលជាអាជ្ញាធរត្រូវថ្នាំសណ្តំលែងដឹងខ្លួនទៅហើយ ទើប សំណង់មួយនេះ សង់បានយ៉ាងស្រួលគ្មានមន្ត្រីជំនាញ ឬ អាជ្ញាធរគ្រប់លំដាប់មករំខាននោះទេ ។
ប្រជាពលរដ្ឋនៅក្នុងភូមិឃុំខាងលើមានការងឿងឆ្ងល់យ៉ាងខ្លាំងចំពោះអាជ្ញាធរស្រុកពាមរក៍ មើលមិនឃើញ សំណង់មួយនេះសង់នៅជាប់ចិញ្ចើមផ្លូវជាតិ ឬមួយឃើញដែរ តែធ្វើមិនឃើញ ។ ពួកគាត់បានបន្តទៀតថា សំណង់ថ្មរឹងមាំដែលកំពង់សាងសង់នេះ នៅក្បែរសាលាស្រុក ហើយលោកអភិបាលស្រុកធ្វើដំណើរឆ្លងកាត់ រាល់ថ្ងៃ ហេតុអ្វីបានជាគ្មានចំណាត់ការ នេះប្រហែលជាបានទទួលកាដូយ៉ាងគាប់ចិត្តពីម្ចាស់សំណង់ហើយ បានជានៅស្ងៀម។ វាជាការពិតណាស់ សំណង់ថ្មរឹងមាំសង់នៅជាប់ចិញ្ចើមផ្លូវជាតិបែបនេះ បើមិនត្រូវដងត្រូវផ្លែ បរិច្ចាកថវិកាអោយទៅមន្ត្រីជំនាញ និងអាជ្ញាធរដែនដីនោះទេ សំណង់នេះ មិនអាចសាងសង់បានឡើយ ។
ប្រជាពលរដ្ឋបានបន្តទៀតថា ក្នុងនាមប្រជាពលរដ្ឋ គាត់ក៏បានយល់ និងបានឃើញសេចក្តីជូនដំណឹង របស់ក្រសួងសាធារណការ មិនអនុញ្ញាតអោយប្រជាពលរដ្ឋគ្រប់រូប សាងសង់សំណង់នៅជាប់ចិញ្ចើមផ្លូវជាតិ ជាដាច់ខាត ។ សាងសង់បានលុះត្រាឆ្ងាយពីអក្សផ្លូវជាតិចំនួន ២៥ម៉ែត្រ ចុះហេតុអ្វីអាជ្ញាធរស្រុកពាមរក៍ អនុញ្ញាត អោយសំណង់នេះសាងសង់នៅជាប់ចិញ្ចើមផ្លូវជាតិដូច្នេះ ។
លោក ជុំ សាមឿន អភិបាលស្រុកពាមរក៍ បានប្រាប់កម្ពុជាថ្មីអោយដឹងថា សំណង់នេះ ខាងការិយាល័យ ច្រកចេញចូលតែមួយបានពិនិត្យត្រឹមត្រូវអស់ហើយ អនុញ្ញាតអោយសាងសង់ចំងាយពីអក្សផ្លូវជាតិ២៥ម៉ែត្រ លោកក៏បានចុះហត្ថលេខាព្រមព្រៀងអោយសាងសង់ ចុះហេតុអ្វីក៏ម្ចាស់សំណង់នេះ សង់នៅជាប់ចិញ្ចើមផ្លូវជាតិទៅវិញ ។ ដូច្នេះបើពាក់ព័ន្ធនឹងផ្លូវច្បាប់ ច្បាប់សំណង់ត្រូវទទួលខុសត្រូវខ្លួនឯង ។
