ខេត្តក្រចេះ៖ រថយន្តយីឌុបមួយគ្រឿងមានផ្ទុកឈើប្រណិត ពេញប្រៀប បានរេចង្កូតធ្លាក់ផ្លូវក្រឡាប់ខ្ជាក់ចេញសុទ្ឋសឹងជាឈើធ្នង់ រាប់ម៉ែត្រគូប កាលពីថ្ងៃទី២៤ ខែតុលា ឆ្នាំ២០១៤នៅចំណុចទួលខ្សាច់ស្ថិតក្នុងឃុំឃ្សឹម ស្រុកស្នួល ខេត្តក្រចេះ ។
ប្រភពពត៌មានបានលួចខ្សឹបអោយដឹងថា រថយន្តខាងលើបានដឹកជញ្ជូនឈើ ចេញពីតំបន់កោះខ្ញែរ ស្ទូចចេញពីទូក ក្នុងទឹកដីឃុំអូរគ្រៀង ស្រុកសំបូរ ខេត្តក្រចេះ បានធ្វើដំណើរ ចេញឆ្លងកាត់ ទីរួមខេត្តលុះទៅដល់ចំណុចកើតហេតុដែលជាចំណុចផ្លូវកោងផងនោះ ក៍បានរេចង្កូតធ្លាក់ផ្លូវ ចេញសុទ្ឋតែឈើប្រណិតដែលមាន បង្កាប់ឈើក្តារប្រមាណជា២០ទៅ៣០ សន្លឹក ។
ការក្រឡាប់រថយន្តដឹកឈើខាងលើ ត្រូវបានគេសង្ស័យថា បានលួចដឹក ជញ្ជូន គ្មានច្បាប់ ឬអាច លួចបន្លំខុសពីច្បាប់ដឹកជញ្ជូន ព្រោះនៅក្នុងហេតុការនេះ សមត្ថកិច្ចជំនាញ ហាក់ដូចជាមានកាលាក់លៀម និងមិនអើពើរដោយអូសបន្លាយ អស់រយះពេលជាងមួយថ្ងៃ ទុកពេលអោយមេការ ឈ្មោះ ធី របស់ក្រុមហ៊ុន បានចេញមុខរត់ការជាមួយសមត្ថកិច្ច ជំនាញពាក់ពន្ឋ័ ក្នុងខេត្តរហូតដល់ម៉ោង៩យប់បានគេឃើញមានដាក់កងកម្លាំងសមត្ថកិច្ច ចាំយាម ទើបរថយន្តបានស្តូចឈើចេញដឹកបន្តរដោយរលូន ។
ពាក់ពន្ឋ័និងការដឹកជញ្ជូនឈើប្រណិតខាងលើ ត្រូវបានមន្ត្រីមួយរូបបានខ្សឹបថា រថយន្តរបស់ក្រុមហ៊ុន មួយនេះត្រូវបានគេដឹងថា ធ្លាប់មានច្បាប់ក្នុងកាដឹក ជញ្ជូន ឈើគ្រឿងក្រហមទេ ប៉ុន្តែរម្តងនេះហេតុអ្វីបានធ្លាយចេញសុទ្ឋតែឈើប្រណិតទៅ វីញ ពុំមានការបញ្ជាក់ណាមួយ ថាឈើទាំងនេះមានច្បាប់ក្នុងកាដឹកជញ្ជូនឬអត់ដោយ មន្ត្រីជំនាញចេះតែឆ្លើយថា មានច្បាប់ដោយមិនហ៊ានបង្ហាញចេញនូវឯកសារនោះទេ ។
ពាក់ពន្ឋ័និងបញ្ហារនេះមិនអាចសុំការបំភ្លឺពី លោក ប្រាក់សំបូរ នាយ ផ្នែករដ្ឋ បាលព្រៃឈើឆ្លូង ដោយទូរសព្ទ័ជាប់រវល់ ។គួរបញ្ជាក់ថា កាចរាចរណ៍ឈើ ប្រណិតខុសច្បាប់នៅតែជាចំណុចក្តៅក្នុងទឹកដីស្រុកស្នួល ។
