បន្ទាយមានជ័យបុរសវ័យកណ្តាលម្នាក់អោយតែស្រវឹងស្រារករឿងប្រពន្ធហើយវាយធ្វើបាបប្រពន្ធរួចរត់គេចចេញពីផ្ទះជារើយៗលើកចុងក្រោយបន្ទាប់ពីស្រវឹងស្រារួចវាយប្រពន្ធរួចគេចបាត់១យប់រហូតដល់វេលាម៉ោង១២ថ្ងៃត្រង់មិនឃើញប្តីមកហូបបាយប្រពន្ធតាមរកក៏បានប្រទះឃើញចងក
ស្លាប់នៅលើដើមសង្កែរក្បែរផ្ទះ។ហេតុការណ បុរសចងកសម្លាប់ខ្លួនត្រូវបានប្រពន្ធប្រទះឃើញនៅវេលាម៉ោង១២និង០០នាទី ថ្ងៃទី២៦ខែតុលាឆ្នាំ២០១៤នៅលើដើមសង្កែរខាងជើងឈៀងខាងកើតចំងាយពីផ្ទះប្រមាណ១០០ម៉ែត្រស្ថិតក្នុងភូមិពោធិ៍រៀងឃុំអូរប្រាសាទស្រុកមង្គលបូរីខេត្តបន្ទាយមានជ័យ។
លោកយ៉តសុផលអធិការស្រុកមង្គលបូរីបានប្រាប់ថាជនរងគ្រោះមានឈ្មោះសឿម សៀត ភេទប្រុសអាយុ៣៤ឆ្នាំរស់នៅភូមិពោធិរៀងឃុំអូរប្រាសាទស្រុកមង្គលបូរី បន្ទាយមានជ័យ ។លោកអធិការបន្តឲ្យដឹងទៀតថានៅវេលាម៉ោង១៥និង៣០នាទីថ្ងៃទី២៥ខែតុលា២០១៤ជនរងគ្រោះបានផឹកស្រាស្រវឹងនិងមានទំនាស់ជាមួយប្រពន្ធឈ្មោះអ៉ិតខាត់ណាអាយុ២៧ឆ្នាំ ហើយបានរត់គេចចេញពីផ្ទះបាត់អស់រយះពេលជាង១ថ្ងៃទើបប្រពន្ធប្រទះឃើញចងកនៅនិងដើមសង្កែរក្បែរផ្ទះស្លាប់បាត់ទៅហើយៗក៏បានរាយការណ៍មកកាន់សមត្ថកិច្ចមូលដ្ឋានតែម្តង។
ក្រោយពីមានសេចក្តីរាយការណ៍នេះកម្លាំងនគរបាលមូលដ្ឋានចុះទៅកាន់កន្លែងកើតហេតុដើម្បីធ្វើការត្រួតពិនិត្យនិងធ្វើកោសល្យវិច្ច័យសពជនរងគ្រោះដោយការត្រួតពិនិត្យមិនឃើញមានស្លាកស្នាមអ្វីគួរឲ្យសង្ស័យថាជាអំពើរឃាតកម្មឡើយហើយសមត្ថកិច្ចបញ្ជាក់ថាជនរងគ្រោះខាងលើពិតជាបានចងកសម្លាប់ខ្លួនឯងប្រាកដមែនមូលហេតុតូចចិត្តនិងរឿងវិបត្រគ្រួសារ។សមត្ថកិច្ចក៏បានប្រគល់សពជនរងគ្រោះទៅឲ្យសាច់ញតិយកទៅធ្វើបណ្យតាមប្រពៃណីយ៍ផងដែ៕
