កំពង់ឆ្នាំង៖ រថយន្តហាយឡិនឌឺមួយគ្រឿង បានបើកទៅបុកស្លាកគណៈបក្យប្រជាជនបាក់ដួលដល់ដីអស់មួយផ្ទាំង និងមួយផ្ទាំងទៀត បានវេចទ្រេត ខណៈដែលអ្នកបើកបររថយន្តបានគេចពីម៉ូតូមួយគ្រឿងក្នុងទិសខ្វែងគ្នា ។ ហេតុការនេះបានកើតឡើងនៅវេលាម៉ោងនៅវេលាម៉ោង ១០និង៣០នាទី
ព្រឹកថ្ងៃទី ២៦ ខែតុលា ឆ្នាំ២០១៤ នៅកាច់ជ្រុងរបងវិទ្យាល័យព្រះបាទសុរាម្រិត ស្ថិតក្នុង ភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង ។
មន្ត្រីនគរបាលក្រុងកំពង់ឆ្នាំងបាននិយាយថា៖ រថយន្តហាយឡិនឌឺនោះពណ៌ខ្មៅ ពាក់ស្លាកលេខភ្នំពេញ 2K.0150 បើកបរដោយបុរសម្នាក់មានទីលំនៅខេត្តសៀមរាប ។ មុនពេលកើតហេតុ រថយន្តខាងលើបានធ្វើដំណើរពី ត្បូងមកជើង តាមបណ្តោយផ្លូវជាតិលេខ៥ លុះពេលមកដល់ចំណុចកើតហេតុជាផ្លូវខ្វែងទិសគ្នា ស្រាប់តែមានម៉ូតូមួយបើកបរដោយជនពុំស្គាល់ឈ្មោះ បានបើកឆ្លងថ្នល់ជាតិពីលិចមកកើត ធ្វើអោយអ្នកបើកបររថយន្តប្រឹងកាច់ចង្កូតគេចពីម៉ូតួនោះ ក៏បានមកបុកនឹងស្លាកគណៈបក្សធ្វើអោយបាក់ខ្ទេចអស់មួយផ្ទាំង និងមួយផ្ទាំងទៀតវេចទ្រេត ។
ក្រោយពេលកើតហេតអ្នកបើបរម៉ូតូបានគេចខ្លួនបាត់ចំណែក រថយន្តបានឈប់មិនរត់ទៅណាឡើយដោយបានខូចខាតរថយន្តផ្នែកខាងមុខ ។ ក្រោយពេលកើតហេតុ សមត្ថកិច្ចបានទៅដល់និងបានសាកសួរព័ត៌មានត្រូវបានស្ត្រីម្នាក់ ដែលបានអះអាងថាជាកូនរបស់ អ្នកបើកបរនិងជាអ្នជិៈក្នុងរថយន្តខាងលើនេះបាននិយាយថាៈ “បើប៉ាខ្ញុំបើកលឿនវិញម្លេះបុកអ្នកបើកម៉ូតូនោះស្លាប់បាត់ទៅហើយ តែនេះប៉ាខ្ញុំបើកម៉ាល្មម ហើយបានប្រឹងគេចពីម៉ូតនោះទៀតទើបមកបុកស្លាកគណៈបក្សបែបនេះ” ។
ក្នុងគ្រោះថ្នាក់នេះអាជ្ញាធរក្រុងកំពង់ឆ្នាំងដែលបានទៅពិនិត្យមើលស្លាកនោះ និង បានធ្វើតាមសំណូមពររបស់ម្ចាស់រថយន្ត ដោយសុំធ្វើការជួសជុលស្លាកនោះអោយដូចដើមវិញ ទើបបានហៅជាងមកធ្វើការវាយតម្លៃ អស់៣២០ដុលា្ល ហើយស្ត្រីរូបនោះព្រមសងតាមតម្លៃនោះ ហើយបានយករថយន្តទៅជួសជុលដើម្បីបន្តដំណើរទៅលំនៅដ្ឋានវិញ៕
