ដោយ ខេង ឧត្តម
សៀមរាប៖ សាខាកាកបាទក្រហមកម្ពុជា ខេត្តសៀមរាប សហការជាមួយមន្ទីរបរិយស្ថាន ខេត្តសៀមរាប រៀបចំវគ្គផ្សព្វផ្សាយអំពីចលនាកាកបាទក្រហម អឌ្ឍចន្ទក្រហម និងផ្នែកខ្លះនៃវិជ្ជាសង្គ្រោះបឋម ព្រមទាំងការអប់រំសុខភាព ជូនដល់មន្ត្រីរាជការនៃមន្ទីរបរិស្ថាន ខេត្តសៀមរាប សរុបចំនួន ៣៨នាក់ (ស្រី១៤នាក់) ក្រោមអធិបតីភាព
លោក ស៊ុ សំអន នាយកសាខា និងលោក ស៊ុន គង់ ប្រធានមន្ទីរបរិស្ថានខេត្តសៀមរាប កាលពីព្រឹកនាព្រឹកថ្ងៃទី ២២ ខែកញ្ញា ឆ្នាំ២០២៤។
វគ្គផ្សព្វផ្សាយនេះរៀបចំឡើងក្នុងគោលបំណង ដើម្បីបង្កើនការយល់ដឹងឱ្យកាន់តែទូលំទូលាយអំពី ចលនាអន្តរជាតិកាកបាទក្រហម អឌ្ឍចន្ទក្រហម ពិសេសសកម្មភាពកាកបាទក្រហមកម្ពុជា វិជ្ជាសង្គ្រោះបឋម និងការអប់រំសុខភាព ដល់មន្ត្រីរាជការ និងសាធារណជន សំដៅទទួលបានការគាំទ្រកាន់សកម្មឡើងក្នុងបុព្វហេតុបេសកម្មមនុស្សធម៌៕
