បន្ទាយមានជ័យ:ព្រំប្រទល់ស្រុកថ្មពួក ខេត្តបន្ទាយមានជ័យ – ស្រុកចុងកាល់ ខេត្តឧត្តរមានជ័យ លើកំណាត់ផ្លូវវិស្វកម្មដែលទើបតែស្ថាបនាហើយកំពុងតែត្រូវបានបានត្រូវយោធាកងពលតូចលេខ៤ នៃកងពលធំលេខ២ របស់លោកឧត្តមសេនីយ៍ ឈិន ឆន ដាក់កុងត្រូលជជុះ ជំរិតទារលុយពី
ពលរដ្ឋដឹកឈើ អុស ធ្យូង និងអនុផលព្រៃឈើ។
តាមការអោយដឹង ពីប្រជាពលរដ្ឋស្រុកថ្មពួក បានអោយដឹងថា: ទាហាន កងពលតូចលេខ៤ នៃកងពលធំលេខ២ របស់លោកឧត្តមសេនីយ៍ ឈិន ឆន នៅលើផ្លូវវិស្វកម្មកងទ័ពស្រះពីរ ស្រុកថ្មពួក ខេត្តបន្ទាយមានជ័យ – ស្រុកចុងកាល់ ខេត្តឧត្តរមានជ័យ ចំណុចក្បែរភ្នំចង្ក្រានយក្ស ឃុំបេង ស្រុកបន្ទាយអម្ពិល ខេត្តឧត្តរមានជ័យ ជាប់ព្រំប្រទល់ ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ បានដាក់កុងត្រូលដោយមានរនាំងឈើ និងកម្លាំងឈរជើង ចាំយកលុយ ពីពួកគាត់ដឹកអុស ឈើកាប់ថ្មីៗ និងធ្យូង តាមគោយន្ត រថយន្តច្នៃ។
ដោយអនុផលព្រៃ ឈើទាំងអស់យកចេញពីព្រៃសេសសល់ចុងក្រោយ នៅភូមិសាស្ត្រ ព្រំប្រទល់ ខេត្តទាំងពីរប្រជាពលរដ្ឋ បានអោយដឹងទៀតថាការបង់លុយថ្លៃដឹកអុស ឈើ និងធ្យូង ឆ្លងកាត់ទីតាំងខាងលើគឺកម្លាំងទាហាន ទីនោះបានមកកាក់យកលុយពី ពួកគាត់ ២.០០០ រៀល ដល់ ២៥.០០០ រៀល ឬច្រើនជាងនេះ ទៅតាមប្រភេទដឹក តាមគោយន្ត ឬរថយន្តច្នៃ និងប្រភេទឈើអុស។
ចំពោះបញ្ហាកុងត្រូលជជុសនេះប្រជាពលរដ្ឋធ្លាប់បានលើកទ្បើងក្នុងវេទិការសាធារណះនិងអោយអភិបាលស្រុកថ្មពួកជួយដោះស្រាយដែលតែនៅតែមានកុងត្រូលនេះដដែល។ពលទាហានដែលធ្វើសកម្មភាពកាក់យកលុយបាននិយាយថា ចំពោះការយកលុយ ពីពលរដ្ឋដឹកឈើ អុស ធ្យូង ដែលចោទប្រកាន់នោះ គឺមានខ្លះមែន គ្រាន់តែសម្រាប់ថ្លៃបាយទឹក បន្តិច បន្តួច និងតាមពលរដ្ឋស្ម័គ្រចិត្ត អោយប៉ុណ្ណោះ៕
