ខេត្តបន្ទាយមានជ័យមានការភ្ញាក់ផ្អើលមួយបានកើតឡើងដោយសារស្ត្រីវ័យចំណាស់ម្នាក់ខ្យល់គ ទន់ជង្គង់ដួលដាច់ ខ្យល់ស្លាប់ភ្លាមៗនៅកន្លែងកើតហេតុ ខណះដែលរូបនោះគាត់ឡើង ឡកឆៃយ៉ាំក្នុងពិធី បុណ្យកឋិនទានសាមគ្គីក្នុងវត្តភ្នំបាក់់លើ។ហេតុការណ៍នេះបានកើតឡើងកាលពី
វេលាម៉ោង១២និង៥០នាទីថ្ងៃទី២៧ ខែតុលា ឆ្នាំ២០១៤ នៅក្នុងវត្តភ្នំបាក់លើស្ថិតក្នុងភូមិភ្នំបាក់ សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។លោកអនុសេនិយ៍ឯក ញឹម ប៊ុនណាវុធ នាយប៉ុស្តិ៍នគរបាលសង្កាត់ទឹកថ្លាបានប្រាប់ឲ្យដឹងថា ស្ត្រីរងគ្រោះមានឈ្មោះ ជប់ ប៊ុនឈឿន ភេទអាយុ ៧១ ឆ្នាំ រស់នៅភូមិទឹកថ្លា សង្កាត់ ទឹកថ្លា ក្រុងសិរីសោភ័ណខេតបន្ទាយមានជ័យ។
បើតាមសាក្សីនៅកន្លែងកើតហេតុបានប្រាប់ឲ្យដឹងថា នៅមុនពេលកើតហេតុស្ត្រី រងគ្រោះខាងលើបានទៅចូលរួម កម្មវិធីបុណ្យកឋិនទានសាមគ្គីជាមួយប្រជាពលរដ្ឋក្នុងភូមិដែរហើយបានដង្ហែកឋិនទានចូលវត្តភ្នំបាក់លើ។ពេលនោះជនរងគ្រោះក៏បានចូលរ៉ាំឆៃយ៉ាំនិងក្រុមឆៃយ៉ាំដែរស្រាប់តែពេលនោះស្រីជនរងគ្រោះក៏កើតខ្យល់គទន់ជង្គង់ដួលស្លាប់ ភ្លាមៗនៅមុខសាលាឆ័នតែម្តង បង្កឲ្យមានការភ្ញាក់ផ្អើលយ៉ាងខ្លាំងហើយពុំអាចជួយស្រីនោះបានឡើយ។
ក្រោយពេលកើតហេតុរួចប្រជាពលរដ្ឋបានរាយការណ៍លោកទៅនគបាលប៉ុស្តិ៍ឲ្យចុះទៅកាន់កន្លែងកើតហេតុដើម្បីត្រួតពិនិត្យនិងស្រាវជ្រាវ ធ្វើកោសលវិច្ឆ័យ។តាមការសន្និដ្ឋានរបស់សមត្ថកិច្ចលើសពស្ត្រីរងគ្រោះ ខាងលើនេះបានធ្វើការសន្និដ្ឋានថាស្ត្រីនេះពិតជាស្លាប់ដោយជម្ងឺខ្យល់គពិតម៉ែនព្រោះ មិនមានស្លាកស្នាមអ្វី គួរឲ្យសង្ស័យជាអំពើរ ឃាតកម្មនោះឡើយ។ក្រោយពីសមត្ថកិច្ចបានកោសលវិច្ឆ័យរួចរាល់បានហើយក៏បានប្រគល់សពអោយសាច់ញាតិយកទៅធ្វើបុណ្យទៅតាមប្រពៃណីខ្មែរនៅផ្ទះជនរងគ្រោះផងដែរ ៕
