កំពង់ឆ្នាំង៖ បុរសម្នាក់បានរងរបួសយ៉ាងធ្ងន់ធ្ងរ បន្ទាប់ពីត្រូវរថយន្តស្ថានទូតថៃបុកពីក្រោយនៅវេលា.ម៉ោង៥និង៣០នាទីល្ងាចថ្ងៃទី២៦ ខែតុលា ឆ្នាំ២០១៤ នៅលើកំណាត់ផ្លូវជាតិលេខ៥ ចំណុចភូមិត្រពាំង
ចាន់ ឃុំត្រពាំងចាន់ ស្រុកបរិបូរណ៏ ខណៈដែលជនរងគ្រោះជិៈម៉ូតូបត់ឆ្លងថ្នល់ពីមុខរថយន្តមិនប្រយត្ន័។.. សមត្ថកិច្ចនគរបាលចរាចរណ៏ស្រុកបរិបូរណ៌បាននិយាយថាៈ រថយន្តដែលបុកជនរងគ្រោះពីក្រោយនោះជាប្រភេទរថយន្តទូរីសម៉ាកម៉ែកសឺដេស ពាក់ស្លាកលេខCD.7608 ជារថយន្តស្ថានទូតថៃ ក្នុងទិសដៅពីជើងទៅត្បូង។ចំណែកជនរងគ្រោះមានឈ្មោះ អុំ សុខន អាយុ ២៨ឆ្នាំ មានទីលំនៅភូមិអូរ ឃុំពន្លៃ ស្រុកបរិបូរណ៌ ជិៈម៉ូតូម៉ាកឌ្រីម១២៤ មិនចាំស្លាកលេខទេ ។
ប្រភពដដែលបានបន្តថាៈ មុនពេល កើតហេតុ ជនរងគ្រោះបានជិៈម៉ូតូតាមផ្លូវជាតិ លុះមកដល់ចំណុចកើតហេតុ ស្រាប់តែបត់ឆ្លងថ្នល់មិនប្រយ័ត្ន ត្រូវរថយន្តស្ថានទូតមកបុកពីក្រោយយ៉ាងពេញទំហឹងតែម្តងបណ្តាលបុរសឈ្មោះ អុំ សុខន អាយុ ២៨ឆ្នាំ រងរបួសធ្ងន់ហើយត្រូវបានក្រុមគ្រួសារដឹកមកសង្គ្រោះនៅមន្ទីរពេទ្យខេត្ត ចំណែករថយន្តស្ថានទូតថៃត្រូវបានមន្ត្រីនគរបាលស្រុកបរិបូរណ៌ធ្វើការឃាត់ទុកបណ្តោះអាសន្នធ្វើកំណត់ហេតុ ហើយក៏បានអោយបន្តដំណើរទៅទៀតព្រោះជារថយន្តស្ថានទូត ។
លោក អៀរ ប៊ុនធឿន នាយការិយាល័យចរាចរណ៏ផ្លូវគោករបស់ស្នងការនគរបាលខេត្ត បាន
និយាយអោយដឹងថាៈ ក្រោយពីបានឆ្លងយោបល់លោកព្រះរាជអាជ្ញាសាលាដំបូងខេត្ត លោកស្នងការ នគរបាលខេត្ត និងមានការឯកភាពពី ឯកឧត្តម ប្រធានគណៈបញ្ជាការឯកភាពខេត្ត ទើបអ្នកអនុញ្ញាត្តិអោយរថយន្តនោះបន្តដំណើរទៅមុខទៀត ក្រោយពីបានសុំដកឯកសារមួយចំនួនពីអ្នកបើកបរទុក ក្នុងនោះមានបណ្ឌ័បើកបរ បណ្ឌ័សំគាល់យានយន្ត ដើម្បីសុំអោយអ្នកបើកបររូបនោះ ចូលខ្លួនមកដោះស្រាយតាមនិតិវិធីជាមួយជនរងគ្រោះនៅពេលក្រោយឆាប់ៗខាងមុខនេះ៕
