ភ្នំពេញ៖ តាមបណ្តោយផ្លូវលេខ២០០៤ ស្ថិតក្នុងសង្កាត់ទឹកថ្លា ខណ្ឌសែនសុខយុវជនម្នាក់បានស្លាប់ភ្លាមៗ នៅនឹងកន្លែងកើតហេតុ ដោយសារតែរូបគេ បានជិះម៉ូតូមួយគ្រឿងយ៉ាង លឿន ក៏ជ្រុលចង្កួត ទៅបុករថយន្តកាមេរីបាឡែន មួយគ្រឿងពេញទំហឹង កាលពីវេលាម៉ោង២១នឹង១៥នាទីយប់
ថ្ងៃទី២៨ ខែតុលា ឆ្នាំ២០១៤ តាមបណ្តោយផ្លូវលេខ២០០៤ ស្ថិតក្នុងសង្កាត់ទឹកថ្លា ខណ្ឌសែនសុខ ។
តាមប្រភពពត៌មាន ពីសាក្សីនៅកន្លែងកើតហេតុ បានឱ្យដឹងថា មុនពេលកើតហេតុ គេបានឃើញរថយន្តកាមេរីបាឡែនមួយគ្រឿង ពណ៍ស ពាក់ស្លាកលេខ ភ្នំពេញ 2Z-8682 ធ្វើដំណើរតាមផ្លូវលេខ ២០០៤ ក្នុងទិសដៅពីកើតទៅលិច លុះមកដល់មុខសាលារៀនណតព្រីត រថយន្តក៏បានបត់ឆ្វេង បំរុងត្រឡប់ក្រោយ ស្របពេលនោះ មានម៉ូតូសេ១២៥មួយគ្រឿង ពណ៍ខ្មៅ ពាក់ស្លាកលេខ ស្វាយរៀង1D-8599 បើកបរដោយយុវជនម្នាក់ ក្នុងល្បឿនយ៉ាងលឿន ដែលធ្វើដំណើរទិសដៅស្របគ្នា ចាប់ហ្វ្រាំងមិនទាន់ក៏ជ្រុលទៅបុកចំពីចំហៀងរថយន្តពេញទំហឹង បណ្តាលឱ្យស្លាប់ភ្លាមៗ នៅកន្លែងកើតហេតុ យ៉ាងអាណោចអាធម៌នៅ រីឯម៉ូតូត្រូវរងការខូចខាតយ៉ាងដំណំ ស្ទើរទាំងស្រុង ។
សមត្ថកិច្ចដែលចុះទៅដល់កន្លែងហេតុ បានប្រាប់ឱ្យដឹងថា ជនរងគ្រោះមានឈ្មោះ ធឿន បូរ៉ា ភេទប្រុស អាយុ២៥ឆ្នាំ មានស្រុកកំណើតនៅភូមិច្រករមៀត ឃុំឈូកស ស្រុកកំពង់ត្រឡាច ខេត្តកំពង់ឆ្នាំង ។
ក្រោយពេលកើតហេតុ សពជនរងគ្រោះ ត្រូវបានសមត្ថកិច្ច យកទៅកម្កល់ទុក នៅវត្តទឹកថ្លា រង់ចាំសាច់ញាតិមកទទួលយកទៅធ្វើបុណ្យតាមប្រពៃណី ដោយទ្បែកយាន្តជំនិះទាំង២គ្រឿង ត្រូវបានសមត្ថកិច្ចមូលដ្ឋាន សហការណ៍ជាមួយមន្ត្រីជំនាញ វាស់វែងរួច យកទៅរក្សាទុកនៅអធិការដ្ឋាន នគរបាលខណ្ឌសែនសុខ រង់ចាំដោះស្រាយ ទៅតាមផ្លូវច្បាប់ នាពេលក្រោយ ៕
