មនុស្សជាច្រើននាក់សង្ស័យថាស្លាប់ បន្ទាប់ពីពួកគេត្រូវបានកប់ទាំងរស់នៅថ្ងៃពុធ ទី២៩ ខែ តុលា នេះ ក្នុងគ្រោះរអិលបាក់ដី ស្ថិតនៅខេត្ត ហាលដាមមូលឡា ស្ថិតនៅចន្លោះ រវាងភាគកណ្តាល និងភាគខាងត្បូង នៃប្រទេសស្រីសង្កា។ រហូតមកដល់ពេលនេះ ក្រុម សង្គ្រោះកំពុងធ្វើប្រតិបត្តិការ នៅ នឹងកន្លែងកើតហេតុ ស្របពេលដែលសេចក្តីរាយការណ៍បឋមឲ្យដឹងថា មនុស្សជាង ១៥០នាក់ កំពុង ជាប់ខ្លួន ក្រោមគំនរល្បាប់ដីនោះនៅឡើយ ។
ទីភ្នាក់ងារព័ត៌មាន ចិនស៊ិនហួ ចេញផ្សាយ នៅថ្ងៃពុធ នេះ ដោយលើកឡើងពីសម្តី
អគ្គមេបញ្ជាការ កង ទ័ពក្នុងតំបន់លោក ម៉ាណូ ពែរេរ៉ា ថា កងកម្លាំងសន្តិសុខឥឡូវនេះកំពុង តែចូលរួមក្នុងប្រតិបត្តិការ ជួយ សង្គ្រោះដ៏ធំមួយក្នុងតំបន់កើតហេតុ។ សពមួយចំនួនត្រូវបាន
យកចេញមកហើយ ដោយឡែក ជនរង គ្រោះបន្តកំពុងត្រូវក្រុមសង្គ្រោះទាញយក ចេញពីផ្ទះ ដែលកប់ក្នុងល្បាប់ដី និងភក់កម្រាស់ ជាង ១០ ម៉ែត្រ ។
តាមអាជ្ញាធរសង្គ្រោះអះអាងថា គ្រោះធម្មជាតិដ៏កាចសាហាវនេះ បណ្តាលមកពីភ្លៀងធ្លាក់ខ្លាំង កាលពី យប់ថ្ងៃអង្គារ ៕
