កំពង់ឆ្នាំង៖ មនុស្ស១៥នាក់បានស្លាប់ និង៥៦នាក់ទៀតបានរងរបួសធ្ងន់និងស្រាល បានបង្កអោយខូចខាតរថយន្ត ម៉ូតូ និងគោយន្ត សរុបចំនួន៥៥គ្រឿង ក្នុងហេតការណ៏គ្រោះថ្នាក់ចរាចរណ៏ទាំងអស់នេះបានកើតឡើងរយៈពេល១ខែ ដោយគិតពីថ្ងៃទី ១៥ខែកញ្ញាដល់ថ្ងៃទី២៧ ខែតុលាឆ្នាំ
២០១៤។ដែលនេះគឺជា សេចក្តីរាយការណ៏របស់ការិយាល័យនគរបាលចរារចរណ៏ផ្លូវគោកនៃស្នងការដ្ឋាននគរបាលខេត្តកំពង់ ឆ្នាំង បានរាយការណ៍ជូនថ្នាក់លើរបស់ខ្លួន។
មន្ត្រីនគរបាលចរាចរណ៏ការិយាល័យនគរបាលចរាចរណ៏ផ្លូវគោក របស់ស្នងការដ្ឋាននគរបាលខេត្តបានអោយដឹងថា៖ គ្រោះថ្នាក់ចរាចរណ៏ក្នុងខែនេះបានកើនឡើង ចំនួន១៩លើក (៣៤/១៥)បានបង្កអោយមនុស្ស ស្លាប់ ១៥នាក់ (ស្រី២នាក់)គឺបានកើនឡើងជាងខែចាស់៨នាក់ ។ បង្កអោយមនុស្សរងរបួសធ្ងន់និងស្រាលសរុប៥៦នាក់ក្នុងនោះរបួសធ្ងន់២៩នាក់ (ស្រី៨នាក់)របួស ស្រាល២៧នាក់ (ស្រី៧នាក់)ខូចខាតរថយន្តរួម១៦គ្រឿង(ខូចធ្ងន់៤គ្រឿង) ខូចខាតម៉ូតូ៣៧គ្រឿង (ធ្ងន់៧ គ្រឿង)។
នៅក្នុងគ្រោះថ្នាក់ចរាចរណ៏ខាងលើ បានកើតឡើងនៅលើផ្លូវជាតិលេខ៥ចំនួន១៧លើក លើផ្លូវលេខ១៥៣Aចំនួន២លើក លើផ្លូវលេខ១៥០ ចំនួន១លើក លើផ្លូវក្រាលកៅស៊ូក្នុងខេត្ត២លើក លើផ្លូវជាតិ លេខ៥៣ចំនួន៣លើក និងនៅលើផ្លូវក្រាលគ្រួសក្រហមចំនួន៩លើក។
ក្នុងនោះបានកើតឡើងនៅស្រុកសាមគ្គីមានជ័យចំនួន៣ករណី , ស្រុកកំពង់ត្រឡាច១២ករណី, ស្រុករលាប្អៀរ៦ករណី,ស្រុកទឹកផុស៤ករណី ស្រុកកំពង់លែង៣ករណី និងក្រុងកំពង់ឆ្នាំង២ករណី ។ គ្រោះថ្នាក់ចរាចរណ៏នេះបានកើតឡើងរវាងរថយន្តនិងរថយន្ត៣លើក,រថយន្តនិងម៉ូតូ១១លើក,រថយន្តនិងថ្មើជើង២លើក,ម៉ូតូនិងម៉ូតូ៩លើក,ម៉ូតូនិងថ្មើជើង៥លើក,ម៉ូតូនិងគោយន្ត១លើក,ម៉ូតូគ្រោះថ្នាក់ចៃដន្យ២លើក,និងគោយន្តចៃដន្យ១លើក។
សមត្ថកិច្ចបានស្រាវជ្រាវដឹងថា៖ក្នុងករណីគ្រោះថ្នាក់ចរាចរណ៏ទាំង ៣៤ករណីគឺកើតឡើងដោយសារបើកបរហួសល្បឿនកំណត់១២ករណី , បើកបរមិនគោរពសិទ្ឋអទ្ឋិភាព១២ករណី , បើកបរប្តូរគន្លងមិនប្រយត្ន័ ៤ករណី និងបើកបរជេងក្នុងស្ថានភាពគ្រោះថ្នាក់៣ករណី កំហុសប្រើប្រាស់ភ្លើងហ្វា១ករណី និងកត្ត យានយន្ត(ដាច់កង់) ២ករណី៕
