ខេត្តព្រះវិហារ៖ ពិធីបិទវគ្គហ្វឹកហ្វឺនបំប៉នមុខវិជ្ជាយោធាចំណេះដឹងទូរទៅជំនាញអាវុធហត្ថដល់នាយ នាយរងកងរាជអាវុធហត្ថខេត្តព្រះវិហារឆមាសទី២ ឆ្នាំ២០១៤ក្រោមអធិបតីភាពឯកឧត្តមឧត្តមសេនីយ៍ កង សៅគុណ មេបញ្ជាការកងរាជអាវុធហត្ថខេត្តព្រះវិហារ ។ លោកអនុសេនីយ៍ទោ ជេត
វណ្ណៈ នាយការិយាល័យហ្វឹកហ្វឺនកងរាជអាវុធហត្ថខេត្តអានរបាយការណ៍ស្តីពីលទ្ធផលហ្វឹកហ្វឺនបំប៉នមុខវិជ្ជាយោធារយៈពេល១៥ថ្ងៃចាប់ពីថ្ងៃទី១៤ ខែតុលា ដល់ថ្ងៃទី២៩ ខែតុលា ឆ្នាំ២០១៤ លទ្ធផលទទួលបានជោគជ័យនៅក្នុងរបាយការណ៍បានឲ្យដឹងថា រយៈពេល១៥ថ្ងៃ ដំណើរការហ្វឹកហ្វឺនប្រព្រឹត្តទៅប្រកបដោយលទ្ធផលតួជាទីមោទន និងសំរេចបានគោលដៅហ្វឹកហ្វឺនក្នុងការផ្តល់ចំណេះដឹងបន្ថែមអំពីមុខវិជ្ជាយោធា និងជំនាញអាវុធហត្ថ ដើម្បីអោយទាហានទាំងអស់បានយល់កាន់តែច្បាស់លើការងារនៅពេលចុះបំពេញបេសកកម្មដែល
ថ្នាក់លើផ្តល់អោយ សិក្ខាកាមមានចំនួន៥០នាក់ ក្នុងនោះមានស្រីចំនួន៤នាក់ ដែលមានតួនាទីជាអនុប្រធានមន្ទីរ មេបញ្ជាការរងក្រុង ស្រុក ស្នាក់ការសន្តិសុខ នាយការិយាល័យ ជំនួយការចំណុះមន្ទីរទាំង៥ ដែលមានឋានរន្តសក្កិចាប់ពីថ្នាក់វរៈសេនីយ រហូតដល់ព្រឹនបាល ការផ្សព្វផ្សាយ និងឧទ្សេសនាមបានធ្វើនូវខ្លឹមសារដកស្រង់យកមេរៀនដែលបានចង្អុលបង្ហាញពីឯកឧត្តមមេបញ្ជាការតាមកម្មវិធីហ្វឹកហ្វឺនរបស់អាវុធហត្ថលើផ្ទៃប្រទេស ដើម្បីមកបង្ហាត់បង្រៀនដល់សិក្ខាកាមតាមរយៈក្រុមយោធាដែលមានបទពិសោធន៍ធ្វើជាគ្រូ និងបទពីសោធន៍ការងារច្រើនឆ្នាំ ។
ឯកឧត្តម ឧត្តមសេនីយ៍ កង សៅគុណ មានប្រសាសន៍សំណេះសំណាលនឹងធ្វើការផ្តាំផ្ញើទៅដល់សិក្ខាកាមទាំងអស់ដែលមានមករៀនសូត្រ នឹងបញ្ចប់បិទវគ្គថ្ងៃនេះ ដោយក្រោយពីទទួលបានចំណេះដឹងបន្ថែមពីការរៀនសូត្រ ត្រូវយកចំណេះដឹងទាំងអស់នេះទៅបំរើផលប្រយោជន៍សង្គមជាតិ និងប្រជាជនឲ្យបានល្អប្រសើរ ។
ឯកឧត្តមក៍បានថ្លែងកោតសរសើរដល់សិក្ខាកាមទាំងអស់ដែលបានខិតខំរៀនសូត្រធ្វើឲ្យវគ្គសិក្សាទទួលបានជោគជ័យ ។ នៅក្នុងឱកាសនោះឯកឧត្តមក៍បានរំលឹកដល់នាយអាវុធហត្ថទាំងអស់ដែលបានឈរជើងគ្រប់គោលដៅឲ្យបន្តបំពេញភារកិច្ចក្នុងការការពារសន្តិសុខសណ្តាប់ធ្នាប់ដល់ថ្នាក់ដឹកនាំ ក៍ដូចជាប្រជាពលរដ្ឋនៅក្នុងរដូវបុណ្យកឋិនទាន និងបុណ្យអុំទូកជាដើម ។
