ខេត្តព្រះវិហារ ! ឃាត់ករដៃដល់ ដែលគេនិយាយថា ជាមន្ត្រីយោធា បម្រើការងារនៅក្នុងអង្គភាព កងពលតូចលេខ៥១ ក្នុងខេត្តបន្ទាយមានជ័យ បានប្រើកាំបិតផ្គាក់កាំមេបញ្ជាការគរខ្លួនឯងផ្តាច់ជីវិត នៅនឹងផ្ទះរបស់ខ្លួន កាលពីច្រើនថ្ងៃកន្លងទៅ ហើយបានរត់គេចខ្លួនមក
ពួនសម្ងំនៅខេត្តព្រះវិហារនោះ នៅគ្រានេះ ត្រូវ បានចាប់ខ្លួន ដោយសមត្ថកិច្ច៣ខេត្ត រួមសហការណ៏គ្នាចុះឃាត់ខ្លួន ក្រោមអំណាចដីការ ពីតុលាការខេត្តបន្ទាយមានជ័យ ។
នៅក្នុងប្រតិបត្តិការចុះចាប់ខ្លួនមន្ត្រីយោធា ជាជនដៃដល់ខាងលើនាយប់ថ្ងៃទី២៨តុលានោះ ត្រូវគេរាយការណ៏ថា មានហេតុការផ្ទុះអាវុធតបតគ្នាជាច្រើនគ្រាប់ រវាងអតីតមន្ត្រីយោធា និងសមត្ថកិច្ច៣ខេត្ត តាមប្រមាញ់ និងចាប់ខ្លួន ដែលការផ្ទុះអាវុធនោះ គ្រាជនដៃដល់កំពុងជិះម៉ូតូប្រដាប់ដោយអាវុធវែង ធ្វើដំណើរមកដល់ចំណុចភូមិថ្នល់បំបែក ឃុំថ្មី ស្រុកគូលែន ខេត្តព្រះវិហារ ។
សេចក្តីរាយការណ៏បានឲ្យដឹងទៀតថា មុនឈានដល់ការចាប់ខ្លួនជនដៃដល់បាន ជនដៃដល់បានប្រើអាវុធវែង បាញ់តបតជាមួយសមត្ថកិច្ច ហើយសមត្ថកិច្ច ក៏បានបាញ់តបតវិញ បណ្តាលឲ្យត្រូវជនដៃដល់ចំនួន២គ្រាប់ ចំភ្លៅខាងស្តាំ ហើយជិះម៉ូតូទៅមុខលែងរួច សមត្ថកិច្ចក៏ធ្វើការចាប់ខ្លួនតែម្តង ។ជនសង្ស័យ ត្រូវគេស្គាល់ឈ្មោះ តែ ប៊ុនធឿន អាយុ៤៣ឆ្នាំ ជាមន្ត្រីយោធា បម្រើការងារ នៅក្នុងអង្គភាព កងពលតូចលេខ៥១ ក្នុងខេត្តបន្ទាយមានជ័យ បានប្រើអំពើហឹង្សា ប្រើកាំបិតផ្គាក់កាប់មេបញ្ជាការគរ ខ្លួនឯង ចំនួន២កាំបិតចំក បណ្តាលស្លាប់ភ្លាមៗ គ្រាដែលប្រធានគររូបនោះ កំពុងអង្គុយនៅលើគ្រែមុខផ្ទះ ជាមួយភរិយារបស់គេ ។
សេចក្តីរាយការណ៏បានបន្តថា ជុំវិញហេតុការណ៏ អតីតមន្ត្រីយោធារូបនោះ ប្រើអំពើហឹង្សាកាប់សម្លាប់ មេបញ្ជាការគរ របស់គេនោះ គឺធ្វើឡើងទាំងបង្ខំចិត្តប៉ុណ្ណោះ ហើយមូលហេតុនេះ អាចកើតឡើងពី រឿងប្រចណ្ឌ រវាងភរិយារជនដៃដល់ ជាមួយប្រធានគររបស់គេ ។ប្រភពរាយការណ៏បានឲ្យដឹងថា មុនពេលហេតុការណ៏ កាប់ប្រហារនោះកើតឡើង មេបញ្ជាការគរ បានហៅភរិយាជនដៃដល់ ឲ្យទៅជួយដាំបាយនៅឯ ផ្ទះ ដោយបាត់ប្រពន្ធយូរពេក ជនដៃដល់ក៏ទៅតាម ក៏ឃើញជនរងគ្រោះ បានប្រើពាក្យសម្តីលែបខាយ ភរិយាគេ ។ប្រភពបានបន្តថា នៅគ្រានោះជនដៃដល់ ក៏ប្រាប់ឲ្យប្រពន្ធទៅផ្ទះវិញ តែប្រពន្ធថាចាំបន្តិចទៀត ប្តីក៏ខឹងក៏ទះប្រព្ធ១ដៃ ស្រាប់តែមេបញ្ជាការគររបស់គេ ក៏ស្ទុះមកទះជនដៃដល់៣កំភ្លៀងផ្ទួនៗគ្នា ។
ភ្លាមនោះ អតីតមន្ត្រីយោធារូបនោះ ក៏វិលទៅផ្ទះខ្លួនវិញ ហើយក៏បានហៅលោកមេបញ្ជាការគរ ឲ្យមកលេង គ្រាកំពុង អង្គុយនិយាយលេងជាមួយភរិយាគេ ជនដៃដល់បានដើរចូលទៅក្នុងផ្ទះ ទាញយកកាំបិតផ្គាក់ កាប់២កាំបិត ផ្ទួនគ្នា បណ្តាលលោកប្រធានគររូបនោះ ដេកស្លាប់នៅក្នុងថ្លុកឈាម នាគ្រានោះទៅ ។សមត្ថកិច្ចបានសន្និដ្ឋានថា អំពើឃាតកម្មនេះ អាចកើតឡើងពីភ្លើងប្រចណ្ឌ និងនៅក្រោយហេតុការណ៏កាប់ប្រហារ ជនដៃដល់បានរត់គេចខ្លួន មកពួនសម្ងំនៅខេត្តព្រះវិហារ ។
ចំណែក សមត្ថកិច្ច ក្រោមដីការ បង្គាប់បញ្ជាពីតុលាការខេត្តបន្ទាយមានជ័យ បានធ្វើការសហការណ៏មកខេត្តឧត្តមមានជ័យ និងខេត្តព្រះវិហារ រួមគ្នាអនុវត្តន៏ដីការ ចុះចាប់ជនដៃដល់ យកមកផ្តន្ទាទោសតាមច្បាប់ ។សូមជម្រាបថា ក្រោយហេតុការផ្ទុះអាវុធ ជនដៃដល់ បានរងនូវការត្រូវគ្រាប់កាំភ្លើង របស់សមត្ថកិច្ច ចំនួន២គ្រាប់ បាក់ភ្លៅខាងស្តាំ ជនរងគ្រោះ ជាជនដៃដល់នៅគ្រានោះ ត្រូវគេបញ្ជូនមកព្យាបាល នៅមន្ទីរពេទ្យ១៦មករា ខេត្តព្រះវិហារទាំងយប់ផងដែរ ៕
