កំពង់ឆ្នាំង៖ប្រជាពលរដ្ឋ៣បក្សដែលជាអ្នកដាក់សម្រាស់បានចង្អុលមុខគ្នាទៅវិញទៅមក បង្ហាញទីតាំងដាក់សម្រាស់ជាច្រើនកន្លែងនៅក្នុងតំបន់អភិរក្សឡូត៍ស្តីពាក់កន្ទេល ស្ថិតនៅក្នុងឃុំកំពង់ព្រះគរគី ស្រុកបរិបូណ៍ ខណះពេលដែលសមត្ថកិច្ចចំរុះដឹកនាំដោយលោក ចេង ញ៉ាន់ អភិបាលរង
ខេត្តកំពង់ឆ្នាំង ចុះទៅរុករកសម្រាស់នៅក្នុងតំបន់អភិរក្សខាងលើនៅព្រឹកថ្ងៃទី៣០ ខែតុលា ឆ្នាំ២០១៤ ក្រោយពេលមន្ត្រីជំនា ញនិងអាជ្ញាធរស្រុករាយការណ៍ជូនលោកអភិបាលខេត្តថា តំបន់អភិរក្សនេះពុំមានសម្រាស់នៅក្នុងព្រែកដូចអ្នកកាសែតនិងទូរទស្សន៍ចេញផ្សាយនោះឡើយ។
យោងតាមកិច្ចប្រជុំនៅក្នុងសាលាខេត្តកំពង់ឆ្នាំងកាលពីល្ងាចថ្ងៃទី២៧ ខែតុលា ឆ្នាំ២០១៤ រវាងអ្នកសារព័ត៌មានក្នុងខេត្ត ជាមួយលោកនាយខ័ណ្ឌរដ្ឋបាលជលផល លោកប្រធានមន្ទីរព័ត៌មានខេត្ត និងលោក ចេង ញាន់ អភិបាលរងខេត្ត បានពិភាក្សាគ្នាស្តីពីករណីបទល្មើសដាក់សម្រាស់នៅក្នុងតំបន់អភិរក្សស្តីពាក់កន្ទេល នឹកបានកំណត់គ្នាដឹកនាំសមត្ថកិច្ចចំរុះ និងអ្នកសារព័ត៌មានក្នុងខេត្ត នៅព្រឹកថ្ងៃទី៣០ ខែតុលា ឆ្នាំ២០១៤ ដើម្បីស្រាវជ្រាវរកអោយឃើញសម្រាស់ជាក់ស្តែង នៅក្នុងចំណុចយាមកាម( ជាលេខក្នុងផែនទី ) និងស្រាវជ្រាវរកជនល្មើសម្ចាស់សម្រាស់ ចាត់ការបង្ក្រាបតាមផ្លូវច្បាប់។
សមត្ថកិច្ចចំរុះខាងលើនេះរួមមានលោក ចេង ញាន់ អភិបាលរងខេត្ត លោកនាយខ័ណ្ឌរដ្ឋបាលជលផលកំពង់ឆ្នាំង លោកនាយផ្នែក លោកនាយសង្កាត់បរិបូណ៌ លោកមេឃុំ លោកប្រធានសហគមន៍ និងប្រជាពលរដ្ឋមួយចំនួនមកភូមិ២ គឺភូមិកោះតាម៉ូវ និងភូមិព្រែកស្ពាន ជិះកាណូតចំនួន១១គ្រឿង ដែលសរុបមានចំនួន៥៤នាក់ បានចូលរួមធ្វើជាសាក្សីក្នុងការរុករកសម្រាស់ក្នុងតំបន់អភិរក្ស។
ក្នុងការរុករកសម្រាស់នេះប្រជាពលរដ្ឋចំនួន៣កាណូត បានស្ម័គ្រចិត្តចង្អុលបង្ហាញចំណុចដាក់សម្រាស់ចំនួន៤កន្លែងគឺ១.ចំណុចស្តីពាក់កន្ទេលបានមុជយកសម្រាស់បានមួយចំនួ ២.ចំណុចព្រែកកោះរ៉ង គេយកបានសម្រាស់ជាច្រើនកដែលជនល្មើសទើបនិងដាក់ថ្មីៗ ៣.ចំណុចព្រែកមុខបួនជាកន្លែងដាក់សម្រាស់របស់ឈ្មោះ យ៉ែម តុន ជាសមាជិកសហគមន៍ គេបានមុជរកឃើញសម្រាស់តែមួយចំនួនតូចប៉ុណ្ណោះ ដោយឡែកសម្រាស់មួយចំនួនធំទៀតត្រូវបានជនល្មើសលួចកាវអូសចោលបណ្តែតតាមទឹកហូរអស់ ។ដែលកាលពីថ្ងៃទី១៩ ខែតុលា ចំណុចនេះអ្នកសារព័ត៌មានយើងបានជួលប្រជាពលរដ្ឋមុជរកឃើញសម្រាស់រាប់ពាន់ក ៤.ចំណុចពាមព្រែករណ្តំប្រជាពលរដ្ឋបានមុជរកឃើញសម្រាស់នៅរាយប៉ាយពេញបាតព្រែក ដែលសម្រាស់នេះរបស់ឈ្មោះ ហោ ជាកូនលោក គង់ គឹមហាក់ មេឃុំកំពង់ព្រះគរគី ដោយឡែកទី៥.ចំណុចព្រែកស្តីពាក់កន្ទេលក្រៅតំបន់អភិរក្ស ក៍មានសម្រាស់ជាច្រើនកន្លែងផងដែររបស់ប្រជាពលរដ្ឋ ដែលលោក ផាន់ ផល្លា ប្រធានសហគមន៍ និងលោក មេឃុំបានដឹកនាំសមត្ថកិច្ចចំរុះមកចង្អុលបង្ហាញ។
នៅក្នុងចំណុចទាំង៥ខាងលើនេះប្រជាពលរដ្ឋដែលមាន៣បក្ស គឺ៖១.បក្សខាងមេប៉ុស្តិចាស់ ២.បក្សខាងប្រធានសហគមន៍ និង៣.បក្សខាងលោកមេឃុំ បានបែករឿងមិនត្រូវគ្នា ទើបផ្ទុះរឿងបទល្មើសដាក់សម្រាស់ និងចង្អុលបង្ហាញជូនសមត្ថកិច្ចចំរុះទៅវិញទៅមក។ជនល្មើសជាម្ចាស់សម្រាស់មួយចំនួន ត្រូវបានបក្សទាំង៣ខាងលើ រាយការណ៍ឈ្មោះអោយសមត្ថកិច្ចជំនាញកត់ត្រាទុក។
លោក ចេង ញាន់ អភិបាលរងខេត្ត និងលោក សេង ប៊ុនឈឿន នាយខ័ណ្ឌរដ្ឋបាលជលផលកំ ពង់ឆ្នាំង បាននិយាយអោយដឹងនៅក្នុងពេលរុករកសម្រាស់នេះថា៖លោកនឹងអោយលោកមេឃុំកំពង់ព្រះគរគីស្រង់យកឈ្មោះអ្នកដាក់សម្រាស់ទាំងអស់ គឺទាំងនៅក្នុងតំបន់អភិរក្ស និងទាំងក្រៅតំបន់អភិរក្ស ដោយឡែកលោកក៍បានអោយតំណាងប្រជាពលរដ្ឋស្រង់យកឈ្មោះអ្នកដាក់សម្រាស់ទាំងអស់ ដែលពួកគាត់បានស្គាល់ គឺរាប់ទាំងកូនចៅលោកប្រធានសហគមន៍ និងកូនចៅលោកមេឃុំផងដែរ ដើម្បីធ្វើកំណ ត់ហេតុរាយការណ៍ជូនថ្នាក់លើសំរេច។ករណីខាងលើត្រូវបានសមត្ថកិច្ចបាននិយាយថា៖គឺជារឿងសម្លកំពឹសអ្នកដាក់សម្រាស់និមួយៗបានឆ្លើយហែកហួរចង្អុលបង្ហាញទីតាំងដាក់សម្រាស់របស់គ្នាទៅវិញទៅមក ប៉ុន្តែដើមហេតុដំបូងក្នុងរឿងនេះប្រជាពលរដ្ឋជាអ្នកដាក់សម្រាស់ក្រៅតំបន់អភិរក្ស បានរាយការណ៍អោយដឹងថា៖ពួកគាត់ជាអ្នកដាក់សម្រាស់ក្រៅតំបន់អភិរក្ស ត្រូវបានលោកប្រធានសហគមន៍អោយបង់ប្រាក់ក្នុងសម្រាស់មួយៗកន្លែង៥០ម៉ឺនរៀល ដែលពីឆ្នាំមុនគេអោយបង់តែ១៥ម៉ឺនរឿលតែប៉ុណ្ណោះ។
ចំណែកនៅក្នុងតំបន់អភិរក្សលោកប្រធានសហគមន៍បានឃុបឃិតអោយសាច់ញាតិកូនចៅខ្លួននិងកូនចៅលោកមេឃុំដាក់សម្រាស់បាន រីឯប្រជាពលរដ្ឋដែលគ្មានខ្សែស្រឡាយជាមួយគេ គឺមិនអោយដាក់សម្រាស់នៅក្នុងតំបន់អភិរក្សបានឡើយ ព្រោះតែហេតុនេះហើយទើបបែកសំបុកនៃបទល្មើសក្លាយជារឿងសម្លកំពឹសដូច្នេះ។
ការរុរកឃើញសម្រាស់ឃើញនៅក្នុងចំណុចទាំង៥ខាងលើនេះ បានបញ្ជាក់ការពិតថា៖នៅក្នុងតំបន់អភិរក្សឡូត៍ស្តីពាក់កន្ទេល ពិតជាមានបទល្មើសដាក់សម្រាស់ពិតមែនដូចអ្នកសារព័ត៌មានបាចចេញផ្សាយអញ្ចឹង មិនមែនដូចរបាយការណ៍របស់ជំនាញ និងលោកអភិបាលរងស្រុកបរិបូណ៌បានឃើញនឹងភ្នែកជាមួយអ្នកសារព័ត៌ហើយ បែរជារាយការណ៍ជូនលោកអភិបាលខេត្ត ភូតភរថាអត់មានទៅវិញ។ករណីនេះថ្នាក់លើគួរតែពិនិត្យមើលភាពអសកម្មរបស់មន្ត្រីជំនាញក្រោមហើយ ការរាការណ៍ភូតកុហកថ្នាក់លើ ការពារបទល្មើសបែបនេះ ក៍ជាការឃុតឃិតនិងបណ្តែតបណ្តោយអោយមានបទល្មើសដែរ៕
