ខេត្តបន្ទាយមានជ័យកំលាំងមូលដ្ឋានកងរាជអាវុធហត្ថស្រុកម៉ាឡៃ ចំនួន១២នាក់ដឹកនាំដោយលោកវរះសេនីយ៍ត្រី តាំង សុខហេងមេបញ្ជាការមូលដ្ឋានកងរាជអាវុធហត្ថស្រុកម៉ាឡៃនិងតាមបទបញ្ជារបស់លោកឧត្តមសេនីយ៍ត្រីឪបូរិន មេបញ្ជាការកងរាជអាវុធហត្ថខេត្តបន្ទាយមានជ័យ បាន
ចុះធ្វើប្រតិបត្តិការបង្ក្រាបករណីជួញដូរគ្រឿងញៀននិងឈានដល់ការឃាត់ខ្លួនជនសង្ស័យចំនួន១នាក់យកមកទីបញ្ជាការកងរាជអាវុធហត្ថខេត្ត ដើម្បីធ្វើការសាកសួ។
ការចាប់បានស្ត្រីជួញដូគ្រឿងញៀននៅវេលាម៉ោង៣និង១៨នាទីថ្ងៃទី៣០ខែតុលាឆ្នាំ២០១៤នៅចណុចភូមិដំបូកវិល ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ។ស្ត្រីដែលអាវុធហត្ថឃាត់ខ្លួនបានមានឈ្មោះ តាំង គឹមលៀងអាយុ៣៩ឆ្នាំជនជាតិខ្មែរ រស់នៅ ភូមិកណ្ដាល ឃុំម៉ាឡៃ ស្រុកម៉ាឡៃ ខេត្តប ន្ទាយមានជ័យ។
និងបានដកជាវត្ថុតាងរួមមានគ្រឿងញៀនមេតំហ្វេតាមីន គ្រាប់ចំនួន ២00គ្រាប់ និងម៉ូតូចំនួន១គ្រឿង ម៉ាកយ៉ាម៉ាហា ហ្វីណូពណ៌ត្រួយចេក ទូរស័ព្ទដៃចំនួន១គ្រឿងម៉ាកណូគាពណ៌ក្រហមខ្មៅ។
នៅមុខសមត្តកិច្ចស្ត្រីជួញដូរគ្រឿងញៀនបានឆ្លើយសារភាពថាខ្លួនពិតជាបានជួញដូគ្រឿងញៀនរយះពេលកន្លងមកពិតប្រាកដមែន។ជនសង្ស័យនិងវត្ថុតាងកងរាជអាវុធហត្ថកំពុងកសាងសំណុំរឿងដើម្បីបញ្ជូនទៅសាលាដំបូងខេត្តចាត់ការតាមនិតិវិធីច្បាប់៕
