ខេត្តបន្ទាយមានជ័យមន្ត្រីរដ្ឋបាលជលផលស្រុកមង្គលបូរីបានចុះធ្វើការបង្ក្រាបបទល្មើសនេសាទខុសច្បាប់ហើយរិបអូសបានឧបករណ៍នេសាទប្រភេទណរ៉ាវប្រវែង១.៥០០ម៉ែត្រ។ការបង្រាបបទល្មើសខុសច្បាប់កាលនោះគឺព្រឹកថ្ងៃទី៣០ខែតុលា២០១៤ស្ថិតនៅជាប់ព្រំប្រទល់ខេត្តបន្ទាយាមន
ជ័យនិងខេត្តបាត់ដំបង។
លោក ហ៊ី សេង នាយសង្កាត់រដ្ឋបាលជលផលស្រុកមង្គលបូរីបានប្រាប់ថាក្រោយពីបានទទួលបានព៌តមានពីប្រជាពលរដ្ឋថាមានបទល្មើសជល់ផលនៅចំណុចខាងលើមន្ត្រីសង្កាត់រដ្ឋបាលជលផលបានសហការជាមួយកំលាំងសហគមន៍នេសាទបានធ្វើការបង្ក្រាបបទល្មើសនេសាទនៅចំណុចបឹងអាត្រាវតូចដែលជាប់ព្រំប្រទល់ខេត្តបន្ទាយមានជ័យនិងខេត្តបាត់តំបន់។ហើយការបង្ក្រាបនេះត្រូវបានរុករកតាមព្រៃរកឃើញមានបទល្មើសនេសាទដែលទើបដាក់ដែលត្រូវរើនិងរឹបអូសបានមានណរ៉ាវប្រវែង១.៥០០ម៉ែត្រនិងឡុកចាប់ត្រីចំនួន៣និងបង្គោលឫស្សីចំនួន៦០ដើម។
លោកបានបន្តថាការបង្ក្រាបបទល្មើសនេសាទនេះគឺមន្ត្រីជំនាញបានសហការគ្នាល្អជាមួយខាងសហគមន៍នេសាទទើបបានបង្ក្រាប់បទល្មើសនេសាទបានជាញឹកញ៉ាប់ដែលត្រូវបានជនល្មើសដាក់បង្កប់ក្នុងព្រៃ។ចំពោះបទល្មើសនេសាទដែលត្រូវបង្ក្រាបគឺវត្ថុតាងមានណងរ៉ាវប្រវែង១.៥០០ម៉ែត្រដែលជាក្រឡាសំណាច់ញឹកល្អត្រូវបានយកមករក្សាទុកនៅនាយសង្កាត់រដ្ឋបាលជលផលមង្គលបូរី។
លោក ហ៊ី សេង បានបន្តថា៖ចំពោះជនល្មើសដែលលួចដាក់បទល្មើសនេសាទខុសភាគច្រើនជនទាំងនោះគឺរស់ខាងទឹកដីខេត្តបាត់ដំបងហើយមកធ្វើសកម្មភាពលួចដាក់បទល្មើសខាងទឹកដីខេត្ត បន្ទាយមានជ័យជាប់ព្រំដែនហើយមន្ត្រីជំនាញបានកំពុងធ្វើការស្រាវជ្រាវរកចាប់ខ្លួនជនល្មើសដើម្បីមានវិធានការទៅតាមច្បាប់៕
