សៀមរាប : ជនសង្ស័យប្រុស-ស្រី ចំនួន៦នាក់ និងវត្ថុតាងរួមមាន ទូរស័ព្ទដៃចំនួន២គ្រឿង ដាវដែក១ដើម និងឧបករណ៏ប្រើប្រាស់គ្រឿងញៀនមួយចំនួន ត្រូវបានសមត្ថកិច្ចធ្វើការដកហូតបានពីជនសង្ស័យ យកមកកាន់ការិយាល័យនគរបាលជំនាញដើម្បីការសួនាំ ។ លោក
វរសេនីយ៍ទោ អ៊ុំ សាអាត នាយការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តសៀមរាប បានឲ្យដឹងថាដើម្បីធ្វើឲ្យការអនុវត្តនូវគោលនយោបាយភូមិឃុំមានសុវត្ថិភាព ឲ្យកាន់តែមានប្រសិទ្ធភាពថ្វេដងផងនោះ ជាក់ស្តែងនា ថ្ងៃទី៣០ ខែតុលា ឆ្នាំ២០១៤ កន្លងទៅ កម្លាំងការិយាល័យនគរបាលប្រឆាំងគ្រឿងញៀន នៃស្នងការដ្ឋាននគរបាលខេត្តសៀមរាប ដោយបានសហការណ៍ជាមួយកម្លាំងប៉ុសិ៍្តនគរបាលរដ្ឋបាលសង្កាត់ស្លរក្រាម និងសង្កាត់
សាលាកំរើក ក្រុងសៀមរាប បានតាមដានស្រាវជ្រាវ និងឈានដល់ការចាប់ឃាត់ខ្លួនជនសង្ស័យទាំង៦នាក់ខាងលើនេះ នៅភូមិវត្តស្វាយ-វត្តដំណាក់ សង្កាត់សាលាកំរើក ក្រុងសៀមរាប ព្រមទាំងវត្ថុតាងទាំងអស់នេះ រួចយកមកកាន់ការិយាល័យជំនាញតែម្តង ជាប់ពាក់ព័ន្ធក្នុងករណីប្រើប្រាស់សំរួល ឲ្យប្រើប្រាស់ និងជួញដូរគ្រឿងញៀនខុសច្បាប់។ បន្ទាប់ពី សមត្ថកិច្ចជំនាញបានធ្វើការចាប់ឃាត់ខ្លួនជនសង្ស័យទាំង៦នាក់នេះ ព្រមទាំងវត្ថុតាងទាំងអស់
បានហើយនោះ នៅមុខសមត្ថកិច្ចជនសង្ស័យបានឆ្លើយសារភាពថា ពួកគេពិតជាបានប្រព្រត្តឹនៅករណីទាំងអស់ខាងលើពិតប្រាកដមែន បច្ចុប្បន្នទាំងជនសង្ស័យនិងវត្ថុតាងត្រូវបានសមត្ថកិច្ចកសាងសុំណុំរឿងបញ្ជូនទៅកាន់សាលាដំបូងខេត្តសៀមរាបហើយកាលពីរសៀលថ្ងៃទី៣១ ខែតុលា កន្លងទៅ ដើម្បីចំណាត់ការទៅតាមនិតិវិធីបន្ត ៕
លោកព្រិន្ទបាលទោ ខេង ខេមរា
