បន្ទាយមានជ័យ ៖ក្រុមចោរ ដែលតែងតែធ្វើសកម្មភាព កាច់កម៉ូតូរបស់ប្រជាពលរដ្ឋពាក់ឯកសណ្ឋានជាទាហានធ្វើសកម្មភាពកាច់កម៉ូតូនៅតាមខេត្ត៣គឺខេត្តបាត់ដំបង ខេត្ត សៀមរាប និងខេត្តបន្ទាយមានជ័យ ដែលសមិត្តកិច្ចចំរុះចាប់ខ្លួនបានចំនួន២នាក់ និងបាន
ដកវត្ថុតាងមានដូចជាម៉ូតូសង់ចំនួន៤គ្រឿង កាំភ្លើងខ្លីមួយដើម លុយ២២លានរៀល ដែកសម្រាប់កាច់យកម៉ូតូ ទូរសព្ទចំនួន៤គ្រឿង កាំភ្លើងខ្យល់២ដើម ស្លាកលេខម៉ូតូ៤ កង់ម៉ូតូ៣ អាវទីហាន២កំប្លេ ស៊ីមទូរស័ព្ទ១៥ ត្រូវបានសមត្តកិច្ចបញ្ជូនទៅតុលាការហើយកាលពីព្រឹកថ្ងៃទី៤ កញ្ញា២០១៤ នេះ។
បញ្ជាក់ថា: មុននឹងឈានទៅដល់ការចាប់ខ្លួន ជនសង្ស័យទាំង២នាក់នេះគឺផ្តើមចេញពី មន្ត្រីនគរបាលដែលយាមនៅផ្សារជប់ ស្ថិតនៅឃុំវ៉ារី ស្រុកព្រះនេត្រព្រះ កាលពីថ្ងៃទី១ ខែវិច្ឆិកា ឆ្នាំ២០១៤ មានការសង្ស័យទៅលើបុរសម្នាក់ ដែលយកម៉ូតូមកផ្ញើ ហើយយកម៉ូតូនោះទៅធ្វើការជួសជុលសោរក និងសោរគូទខាងក្រោយ ។ដោយមានការសង្ស័យនោះកម្លាំងនគរបាលនៅទីនោះ បានធ្វើការឃាត់ខ្លួន ជាបណ្ដោះអាសន្ន ដើម្បីសាកសួរ និងធ្វើការស៊ើបអង្កេតបន្តទៀតក្រោយពីបានសួរនាំ រហូតដល់ យប់ជ្រៅទើបជននេះសារភាពថា គេ ធ្លាប់បានលួចម៉ូតូ នៅស្រុកក្រឡាញ់ ខេត្តសៀមរាប និងស្រុកភ្នំតូច ខេត្តបន្ទាយមានជ័យ។
បន្ទាប់ពីមានការស្រាវជ្រាវរួចមក និងមានការឯកភាពពីរាជអាជ្ញាផងនោះ កម្លាំង នគរបាល ជំនាញព្រហ្មទណ្ឌ និងកម្លាំងនគរបាលស្រុក ចុះទៅឆែកឆេរ ផ្ទះជនសង្ស័យរូបនេះ និងផ្ទះប្អូនប្រុស របស់គេ នៅភូមិស្វាយខ្មៅ ឃុំពន្លៃ ស្រុកភ្នំស្រុក ស្រាប់តែរកឃើញ ម៉ូតូ ២គ្រឿង ម៉ាកសេ១២៥ សេរីឆ្នាំ២០១៣ និង២០១៤ ហើយយក ទៅសួរនាំបន្តទៀត។
ជនសង្ស័យ បានសារភាពថា ម៉ូតូ ទាំង២គ្រឿងនេះ ពួកគេបានលួចនៅ ចំណុចជ្រោយស្តៅ ខេត្តបាត់ដំបង និងនៅឃុំភ្នំតូច ស្រុកមង្គលបូរី ខេត្តបន្ទាយមានជ័យ៕ ដោយ:ឃិន គន្ធា
