ភ្នំពេញ៖ គ្រប់គ្រងជនបរទេស ចុះស្រង់សត្ថិ ជនជាតិវៀតណាម នៅខណ្ឌមានជ័យសមត្ថកិច្ចនាយកដ្ឋានអន្តោប្រវេសន៍ សហការជាមួយនគរបាលការិយាល័យ គ្រប់គ្រងជនបរទេស និងនគរបាលខណ្ឌមានជ័យ ដោយមានការចូលរួមពីលោក ឌី រ័ត្នខេមរុណ អភិបាលរងខណ្ឌមានជ័យ បានធ្វើការឃាត់ខ្លួន ជនជាតិវៀតណាម ចំនួន១៤នាក់ នាំទៅកាន់នាយកដ្ឋាន ពាក់ព័ន្ធនឹងជនអន្តោប្រវេសន៍ខុសច្បាប់ ។
ក្រុមសមត្ថកិច្ច ដែលចុះប្រតិបត្តិការខាងលើនេះ បានឲ្យដឹងថា ដោយអនុវត្តន៍តាម
បទបញ្ជារ របស់នាយឧត្តមសេនីយ៍ អគ្គស្នងការដ្ឋាននគរបាលជាតិ ស្នងការដ្ឋាននគរបាលរាជធានីភ្នំពេញ ក៏ដូចជានគរបាល តាមបណ្តាខណ្ឌនានា បានរួមសហការគ្នាត្រួតពិនិត្យស្រង់សិត្ថិជនអន្តោប្រវេសន៍វៀតណាម ដែលមកស្នាក់នៅប្រទេសកម្ពុជា ដោយគ្មានលិខិតស្នាមច្បាស់លាស់ រយៈពេលជិត៣ខែកន្លងមក ។
ក្នុងនោះដែរ មន្ត្រីជំនាញបាននាំខ្លួនជនអន្តោប្រវេសន៍ រាប់រយនាក់ ធ្វើការណែនាំ អំពីច្បាប់ទម្លាប់រស់នៅក្នុងប្រទេសកម្ពុជា បុគ្គលណាដែលគ្មានឯកសារ ស្នាក់នៅគ្រប់គ្រាន់ សមត្ថកិច្ចនាយកដ្ឋានអន្តោប្រវេសន៍ និងបានបញ្ជូនទៅកាន់ព្រំដែន ដែលជាប្រទេសដើមរបស់ពួកគាត់វិញ ៕
