បន្ទាយមានជ័យ៖ហាងនំប៉័ង កាហ្វេ និងអាហារដ្ឋាន “THE BLESSING COFFEE & BAKERY”ដែលចំណាយថវិកាអស់ប្រមាណជាង ៧ម៉ឺនដុល្លារ ត្រូវបានឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ បានអញ្ជើញកាត់ខ្សែបូសម្ពោធដាក់ឲ្យប្រើប្រាស់ជាផ្លូវការ នា
ល្ងាចថ្ងៃទី១៤ ខែមករា ឆ្នាំ២០២៤ ស្ថិតនៅក្នុងក្រុមជំនុំមេភូឌីស្ទព្រះពរ ដែលមានទីតាំងស្ថិតក្នុងភូមិគោរដ្ឋានសង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ (ក្រោយសណ្ឋាគាររុងរឿង ៤០០ម៉ែត) ដោយមានការចេញចូលរួមពីរលោក លី សុវណ្ណារិទ្ធ អភិបាលរងខេត្ត និងលោកលោកស្រីប្រធានអនុប្រធានមន្ទីរពាក់ព័ន្ធ។
លោក គឹម វិវឌ្ឍ ដែលជាគ្រូគង្វាលនៃក្រុមជំនុំមេត្រូឌីសបន្ទាយមានជ័យបានឡើងមានមតិស្វាគមន៍រាយការណ៍ដឹងថា៖ ស្ថានីយ៍វិទ្យុរីករាយJOY4U FM១០៥.៧MHz ត្រូវបានបង្កើតឡើងថ្ងៃទី៣ ខែវិច្ឆិកា ឆ្នាំ ២០១៨ ដោយមិនបានស្វែងរកប្រាក់ចំណូល ក្រោមការឧបត្ថមគាំទ្រពីក្រុមជំនុំនៅប្រទេសកូរ៉េ តាមរយៈលោកចាស់ទុំ អូ ស៊ូឆល់ ដែលជាស្ថាបនិកJoy 4U ដែលមានទស្សនៈវិស័យ – ជីវិតពេញ ដោយក្តីអំណរ ធ្វើបេសកកម្ម នាំដំណឹងល្អដល់គ្រប់មនុស្សទាំងអស់ និងមានយុទ្ធសាស្ត្រ ផ្សព្វផ្សាយព្រះបន្ទូលព្រះអោយបានទូលំទូលាយ ថែទាំ ពង្រឹង ពង្រីក និងតម្រង់សេចក្តីជំនឿអោយ បានត្រឹមត្រូវ ដែលធ្វើសកម្មភាព តាមរយៈកម្មវិធីផ្សព្វផ្សាយជាប្រចាំថ្ងៃ ដែលផ្តោតសំខាន់ជា ពិសេស គឺព្រះបន្ទូលនៃដំណឹងល្អ សង្គម អប់រំ សុខភាព និងគ្រួសារ។
លោក គឹម វិវឌ្ឍ បានបញ្ជាក់ថា៖ សម្រាប់ការបើកហាងកាហ្វេនេះគឺបានបញ្ជូនបុគ្គលិកទៅសិក្សារៀនសូត្រនៅប្រទេសកូរ៉េចំនួន ៣ខែ ចំនួន៣នាក់ ក្នុងនោះមានរៀនការឆុងកាហ្វេ និងផ្នែកភេសជ្ជៈផ្សេងៗទៀត និងការធ្វើនំប័ុង ក៏ដូចជាការរៀនចម្អិនអាហារបែបកូរ៉េ។ហើយបានចំណាយថវិការក្នុងការបើក ហាងនំប៉័ង កាហ្វេ និងអាហារដ្ឋាន “THE BLESSING COFFEE & BAKERY”ដែលចំណាយថវិកាអស់ប្រមាណជាង ៧ម៉ឺនដុល្លារផងដែរ។
ថ្លែងក្នុងឱកាសនោះលោក លី សុវណ្ណារិទ្ធ បានធ្វើការកោតសរសើរ និងគាំទ្រពីដង្វាយព្រះក្នុងការជួយឧបត្ថម្ភពីដៃគូកូរ៉េ ដែលបានសហការចូលរួមបើកហាងនំប៉័ង កាហ្វេ និងអាហារដ្ឋាន “THE BLESSING COFFEE & BAKERY” ក្នុងលោកផ្កាសាងសង់ដែលចំណាយថវិកាអស់ប្រមាណជាង ៧ម៉ឺនដុល្លារ នេះគឺជាសមិទ្ធផលថ្មីមួយ នៅលើកទឹកដីក្រុងស្រីភ័ណ ក្នុងខេត្តបន្ទាយមានជ័យយើង។ជាពិសេស ក្នុងគោលបំណង នៃការបង្កើតហាងនេះគឺដើម្បីជួយសង្គ្រោះវិទ្យុ Joy 4U ហើយវិទ្យុ Joy 4Uនេះ កន្លងមកតែងតែជួយការងារជាច្រើន ជាដៃគូមួយឲ្យរដ្ឋបាលខេត្ត តាមរយៈការងារមនុស្សធម៌ មួយផ្នែកទៀតក៏បានចូលរួមការងារផ្សព្វផ្សាយព័ត៌មានពាក់ព័ន្ធ នឹងគ្រឿងញៀន ពាក់ព័ន្ធនឹងការងារសង្គមជាច្រើនផងដែរ៕ដោយ៖ឃិន គន្ធា
