(កំពង់ធំ)៖ ដើម្បីពង្រឹងប្រព័ន្ធអត្រានុកូលដ្ឋាន និងការចុះបញ្ជីស្មារតីឯកសាររបស់ប្រជាជន ឯកឧត្តម ញឹក បានខេង អភិបាលរងខេត្តកំពង់ធំ បានដឹកនាំវគ្គបណ្តុះបណ្តាលសំខាន់មួយស្តីពី ការអនុវត្តការងារអត្រានុកូលដ្ឋាន ស្រប
ច្បាប់។ វគ្គបណ្តុះបណ្តាលនេះបានប្រព្រឹត្តទៅនៅសាលប្រជុំសាលាខេត្តកំពង់ធំ នាព្រឹកថ្ងៃទី ២០ ខែមករា ឆ្នាំ ២០២៥។
កម្មវិធីនេះមានការចូលរួមដោយមន្ត្រីអាជ្ញាធរមូលដ្ឋានគ្រប់ជាន់ថ្នាក់ អភិបាលក្រុង-ស្រុក មេឃុំ ចៅសង្កាត់ និងអធិការដ្ឋាននគរបាលក្រុង-ស្រុក ដែលមានតួនាទីសំខាន់ក្នុងការចុះបញ្ជី និងកែតម្រូវទិន្នន័យអត្រានុកូលដ្ឋាន។
ឯកឧត្តម ញឹក បានខេង បានឲ្យដឹងថា ការអនុវត្តការងារអត្រានុកូលដ្ឋានស្របច្បាប់គឺជាចំណុចសំខាន់ក្នុងការធានាថាទិន្នន័យរបស់ប្រជាពលរដ្ឋមានភាពត្រឹមត្រូវ។ គោលបំណងនៃវគ្គបណ្តុះបណ្តាលនេះគឺដើម្បីលើកស្ទួយសមត្ថភាពមន្ត្រីក្នុងការដោះស្រាយបញ្ហាកំហុសទិន្នន័យដែលកើតមានលើប្រជាពលរដ្ឋ។
ជាក់ស្តែង សេចក្តីណែនាំលេខ ០៤២ បានអោយការណែនាំច្បាស់លាស់អំពីការចុះបញ្ជីឯកសារសំខាន់ៗដូចជា កំណើតរស់ មរណភាព និងអាពាហ៍ពិពាហ៍ ដោយដោះស្រាយកំហុសដែលអាចកើតមាន។
ឯកឧត្តមបានអំពាវនាវដល់អាជ្ញាធរមូលដ្ឋាន ឲ្យប្រើប្រាស់សក្ដានុពលនិងស្វែងយល់អំពីច្បាប់ និងលិខិតបទដ្ឋានស្តីពីអត្រានុកូលដ្ឋានឱ្យបានទូលំទូលាយ ដើម្បីធានាថាប្រព័ន្ធការងារនេះអាចដំណើរការបានសមរម្យ និងមានប្រសិទ្ធភាពជាងមុន៕
