សារព័ត៌មានហុងកុងបានផ្សព្វផ្សាយ កាលពីថ្ងៃទី៣ ខែវិច្ឆិកាថា រដ្ឋាភិបាល កោះហុងកុងបានច្រានចោលសំណើ របស់ក្រុមបាតុករដែលគ្រប់គ្រងមជ្ឈ មណ្ឌលហុងកុងទាមទារឱ្យរំលាយគណៈ កម្មាធិការបង្កើតច្បាប់នៅទីនេះដើម្បី បញ្ចប់ភាពជាប់គាំងនយោបាយ ។
មេដឹកនាំកោះហុងកុងបានប្រកាស ថា គំនិតរបស់បាតុករខ្វះការពិត ហើយ ការធ្វើប្រជាមតិ ប្រទេសហុងកុងមិន មែនជាការបង្ខិតបង្ខំតាមផ្លូវច្បាប់ នោះឡើយ ប៉ុន្ដែការធ្វើប្រជាមតិនោះ ត្រូវចំណាយប្រាក់យ៉ាងតិច១០០លាន ដុល្លារហុងកុង ។
រយៈពេលជាងមួយខែកន្លងមក ចាប់ តាំងពីក្រុមបាតុករគ្រប់គ្រងទីតាំង សំខាន់ៗនៅកោះហុងកុងមិនទាន់មាន សញ្ញាបញ្ចប់នៅឡើយ ក្រោយពេល ភាគីទាំង២មិនអាចស្វែងរកសំឡេង រួមគ្នាដោះស្រាយវិបត្ដិ ។
គោលដៅនៃការធ្វើបាតុកម្មនោះ ដើម្បីទាមទារការបោះឆ្នោតប្រកប ដោយប្រជាធិបតេយ្យ ពលរដ្ឋកោះហុង កុងមានសិទ្ធិពេញលេញក្នុងការជ្រើស រើសបុគ្គលដែលខ្លួនស្រឡាញ់ពេញចិត្ដ ឡើងដឹកនាំតំបន់សេដ្ឋកិច្ចដ៏សំខាន់មួយ នេះ នាឆ្នាំ២០១៧ ។
រដ្ឋាភិបាលកោះហុងកុងបានផ្ញើ របាយការណ៍ទៅកាន់រដ្ឋាភិបាលទីក្រុង ប៉េកាំងស្ដីពីការមិនពេញចិត្ដរបស់ក្រុម បាតុករនៅក្នុងប្រព័ន្ធបោះឆ្នោត និងស្នើ ឱ្យមានកិច្ចពិភាក្សាជាប្រចាំជាមួយ តំណាងក្រុមនិស្សិតក្នុងការកែទម្រង់ប្រព័ន្ធ នយោបាយដឹកនាំ។
ការធ្វើបាតុកម្មនោះ ក៏បានធ្វើឱ្យប៉ះពាល់ដល់អាជីវកម្មរបស់ ពលរដ្ឋដែលរស់នៅក្នុងទីក្រុង។ ចំណែក ក្រុមបាតុករនៅតែគ្មានសញ្ញាដកថយ បញ្ចាប់បាតុកម្មនោះឡើយ ប្រសិនបើ រដ្ឋាភិបាលគ្មានការយល់យោគ គោរព តាមឆន្ទៈរបស់ពលរដ្ឋ ។
តាមការស្ទាប់ស្ទង់មតិរបស់បណ្ដាញ ព័ត៌មានលោកខាងលិចបង្ហាញឱ្យឃើញ ថា ក្រុមបាតុករនៅហុងកុងបានត្រៀម លក្ខណៈធ្វើបាតុកម្មអូសបន្លាយរយៈ ពេលយូររហូតដល់មួយឆ្នាំ។ តាមការ វាយតម្លៃរបស់អ្នកនយោបាយក្រុម បាតុករចាំបាច់ត្រូវតែផ្លាស់ប្ដូរទម្រង់ របស់ខ្លួន បើមិនដូច្នោះទេ ប្រាកដជា បាត់បង់ការគ្រាំទ្រពីមហាជន ។
