កំពង់ធំ ៖ ពិធីបុណ្យអកអំបុកសំពះព្រះខែ ត្រូវបានប្រជាពលរដ្ឋ គោរពតាមទំនាមទំលាប់ប្រពៃណីខ្មែរតាំងពីបុរាណ កាលមក ដែលត្រូវនឹងថ្ងៃទី ១៥កើតពេញបារមី ត្រូវនិងខែ កក្តិក ជារៀងរាល់ឆ្នាំ គឺត្រូវបានបងប្អូនប្រជាពលរដ្ឋខ្មែរ ឈប់សម្រាកស្របពេលដែលបុណ្យអុំទូកបណ្តែតប្រទីបដែលជាបុណ្យជាតិផងដែរ តាមបណ្តាវត្តអារាមបានប្រារព្វ ធ្វើពិធីសូទ្រមន្ត
រំលឹកគុណ បួងសួងដល់អស់ទេវតា ម្ចាស់ទឹកម្ចាស់ដីសុំសេចក្តីសុខ សេចក្តីចម្រើន ជាពិសេសនៅតាម គេហដ្ឋានរបស់បងប្អូនប្រជាពលរដ្ឋ បានរៀបចំសែនព្រេនមានចេក អំបុក ផ្លែដូង ព្រមទាំងទឹកក្រូច និងអាហារនំចំណី ដាក់តាំងសែនថ្វាយទេវតា សុំឲ្យរកស៊ីមានបាននិងជាជំនឿងតៗមកនៅតាមបណ្តាវត្តខ្លះ មានប្រជាពលរដ្ឋទៅធ្វើបុណ្យ រួចនាំគ្នារាំរ៉េក យ៉ាងសប្បាយរីករាយ ក្នុងពេលរាត្រីខែភ្លឺ ។
ជាក់ស្តែងនៅក្នុងបរិវេណវត្ត ឥន្ទ្រីសំវរៈ ហៅវត្តកំពង់ធំ បានប្រារព្វពិធីយ៉ាងអធឹកអធ័ម មានបងប្អូនប្រជាពលរដ្ឋ ទាំង ប្រុសទាំងស្រី ទាំងចាស់ក្មេងកំលោះក្រមុំ មកចូលរួមធ្វើបុណ្យសន្សំកុសល់ និងបានអុជធួបបួងសួង ឲ្យទទួលបានតាមការប៉ងប្រាថ្នា។ ទិដ្ឋភាពក្នុងវត្តកំពង់ធំ មានពិធីការដាក់តាំងនូវបង្អែមផ្លែឈើ អំបុកដូងខ្ចីផ្លែឈើគ្រប់មុខ ថ្វាយដល់ ទេវតាឆ្នាំថ្មី ម្ចាស់ទឹកដីដែលបានថែរក្សាភពផែនដីនេះ ឲ្យសំបូរភោគផល ដំណាំផ្សេងៗ ។
នៅក្នុងពិធីបួងសួង មានព្រះសង្ឃសូទ្រមន្ត ប្រោះព្រហ្ម និងបានធ្វើពិធីសម្រក់ទាន ក្នុងការទោះទាយនូវតាមការជឿថា បើកាលណាទៀនខាងដើមស្រកខ្លាំងគេទាយថា ភ្លៀងដើមឆ្នាំខ្លាំង បើខាងចុងស្រក់តិចគេជឿថា ភ្លៀងស្រក់ចុងឆ្នាំ តិច តែបើទានស្រក់ស្មើរគ្នា ទាយថាភ្លៀងស្មើរគ្នា គឺតាម លោកតាអាចារ្យវត្តដែលបានរៀបរាប់ប្រាប់។
បន្ទាប់ពីព្រះសង្ឃធ្វើពិធីបួងសួងរួច ក៏ត្រូវបានជ្រើសរើសកំលោះក្រមុំ ចំនួន ៤គូរ ឡើងទៅលើវេទិការ រួចកាន់អំបុក ឬ ចែក បកបញ្ជុះគ្នាម្តងម្នាក់ ដោយបែរមុខមករកមហាជន ដើម្បីសម្តែងនូវភាពរីករាយ សប្បាយអេងកង តាំងទំនាមទំលាប់កន្លងមក ព្រមទាំងបានបាចអំបុកដាក់គ្នា បញ្ជាក់ពីភាពសំបូរសប្បាយហូរហៀរ កើតមានភោគផល នៅក្នុងស្រុកទេស ។
ព្រះសត្ថាបារមី សៀង សុខ ព្រះមេគណខេត្តកំពងធំ និងជាព្រះមន្នីរង្សីព្រះរាជាគណៈថ្នាក់កត្តិយស់ នៃព្រះរាជាណាចក្រកម្ពុជា និងជាព្រះគ្រូចៅអធិការវត្តឥន្ទ្រីយ៍សំវរៈហៅវត្តកំពង់ធំ បានមានសង្ឃដិការថា ពិធីបុណ្យអកអំបុក សំពះព្រះខែគឺជាបុណ្យប្រពៃណីជាតិរបស់ខ្មែរយើង និងត្រូវបានប្រជាពលរដ្ឋខ្មែរ គោរព និងប្រារព្វធ្វើឡើងដោយឥតអាក់ខានបានឡើយ ការធ្វើពីធីបុណ្យអកអំបុកនេះ គឺរំលឹកទៅដល់ ព្រះពោធិសាត់ ដែលលោកបាន
ចាប់កំណើតមកជាសត្វទន្សាយ ឈ្មោះកាស័ក្កបណ្ឌិត កាលនោះព្រះអង្ឃបូជា សាច់ស្រស់ ឈាមស្រស់ដើម្បីនិងបាន សម្រេចនូវធម៌ជាន់ខ្ពស់ ក្នុងពេលនោះព្រះអង្គរបានលោតចូលទៅ ក្នុងភ្លើង របស់ព្រះពោធិសាត់ ទើបបានប្រពៃណីខ្មែរបានប្រារព្វឡើងជារៀងរាល់ឆ្នាំតៗគ្នាមក ។
ដោយ ប៊ុន រដ្ឋា
