បាត់ដំបង: ថ្នាក់ដឹកនាំមន្ត្រីយោធា និងកំលាំងនគរបាលការពារព្រុំដែនកម្ពុជាបានធ្វើការព្រមានដល់ថ្នាក់ដឹកនាំរបស់មន្ត្រីយោធាថៃកាលពីថ្ងៃទី 9-11-14 វេលាម៉ោង1រសៀលបន្ទាប់ពីមានជំនួបមួយរវាងភាគីទាំងពីនៅក្នុងស្រុកកំរៀង ខេត្តបាត់ដំបងស្តីពីករណីទាហ៊ានថៃបានធ្វើការហោះហើរនូវឆ័
ត្រក្រណាត់មានបំពាក់ម៉ាសុីនចូលមកក្នុងទឹកដីកម្ពុជាប្រមាណ5Km. ។លោក ពុំ ចាន់ ស្នងការរងទទួលបន្ទុកការងារព្រុំដែនបានមានប្រសាសន៍ថា នៅថ្ងៃទី 9វិច្ឆិកាវេលាម៉ោង 7,20 នាទីព្រឹកទាហ៊ានឈុតខ្មៅរបស់ភាគីថៃបានជិះឆ័ត្រមានបំពាក់ម៉ាសុីនបានធ្វើការហោះហើរចូលមកក្នុងទឹកដីកម្ពុជាតាមចំនុចភូមិបឹងឆ្នាំងក្រោម រហូតមកដល់ភូមិព្រះពុទ្ធក្នុងភូមិសាស្ត្រឃុំបឹងរាំង ស្រុកកំរៀង ខេត្តបាត់ដំបងដែលមានចំងាយប្រមាណ 5kmទើបគេហោះហើរត្រឡប់ចូលទៅក្នុងទឹកដីរបស់គេវិញ. ។
រាល់បញ្ហានេះលោកស្នងការរងបានសង្កត់ធ្ងន់ថាជាសំណាងល្អដែលកងកំលាំងប្រដាប់អាវុធកម្ពុជាមានការអត់ធ្មត់បើយើងជ្រុលដៃវិញប្រហែលជាអាចជាប់បាត់ទៅហើយព្រោះការហោះហើរចូលបែបនេះគឺជាការរំលោភបំពានទាំងស្រុងលើអធិបតេយ្យភាព និងបូរណភាពទឹដីកម្ពុជាហើយដោយបន្ទាប់ពីនោះមកយើងក៏បានធ្វើការព្រមានយ៉ាងចាស់ដៃផងដែរដោយហាមមិនអោយមានជាលើកទីពីរជាដាច់ខាត. ។
នៅក្នុងឱកាសនោះដែរថ្នាក់ដឹកនាំរបស់យោធាថៃក៏បានសុំទោសផងដែរទៅលើកំហុសក្នុងការហោះហើរជ្រុលចូលមកក្នុងទឹកដីកម្ពុជានេះដោយសារតែនៅព្រឹកនោះមានការហ្វឹកហាត់របស់កងទ័ពថៃ ហើយការហោះហើរនេះមានចំនួន 4 គ្រឿងប៉ុន្តែឆ័ត្របំពាក់ម៉ាសុីនចំនួន3គ្រឿងបានហោះហើរស្របតាមបច្ចេកទេសដោយឡែកមួយគ្រឿងទៀតត្រូវបានខ្យល់បក់ផាត់ខ្លាំងមិនអាចទាញចង្កូតទៅវិញបានទើបមានការជ្រុលចូលមកក្នុងទឹកដីកម្ពុជាបែបនេះ. ៕
ជាចុងក្រោយលោកស្នងការរងបានលើកឡើងថាកម្ពុជាដាច់ខាតមិនអោយបរទេសណាមួយរំលោភបំពានលើអធិបតេយ្យភាពនិងបូរណភាពដែនដីរបស់ខ្លួនបានឡើយគឺកងកំលាំងប្រដាប់អាវុធសុខចិត្តក្រាញននៀលនៅតាមបន្ទាត់ព្រុំដែនដើម្បីការពារទឹកដីក្រោមការដឹកនាំប្រកបដោយកិត្តិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រ
កម្ពុជា. ៕
