មណ្ឌលគិរី ពិធីប្រជុំបូកសរុបលទ្ធផលការងាររយៈពេល២ឆ្នាំ(២០១២-២០១៤)លើការងារកិច្ចសហប្រតិបត្តិការអភិវឌ្ឍន៍ទំនាក់ទំនងប្រជាមិត្តភាពរវាងសមាគមកម្ពុជាវៀតណាមខេត្ត (មណ្ឌលគិរីនិងដាក់ឡាក់)ពិធីនេះបានធ្វើឡើងនៅសាលាខេត្តមណ្ឌលគិរីនាព្រឹកថ្ងៃទី១០ វិច្ឆិកា២០១៤ក្រោមវត្តមានឯកឧត្តមអេងប៊ុនហ៊ាងអភិបាលខេត្តមណ្ឌលគិរីលោកហូក្វាងតាមប្រធានសមាគមមិត្តភាពវៀតណាមខេត្តដាក់ឡាក់ព្រមទាំងគណៈប្រតិភូជាច្រើននាក់និងមន្ទីរពាក់ព័ន្ធជុំវិញខេត្តផងដែរ។
ក្រោយពីបានពិនិត្យទៅលើរបាយការណ៍បូកសរុបលទ្ធផលលើការងារកិច្ចសហប្រតិបត្តិការរយៈ ពេល២ឆ្នាំ (២០១២-២០១៤) និងលើកទិសដៅបន្តរវាងខេត្តទាំងពីររួចមក។
លោកហូក្វាងតាមប្រធានសមាគមមិត្តភាពវៀតណាមខេត្តដាក់ឡាក់បានមានប្រសាសន៍លើកឡើងថាការងារកន្លងមករវាងភាគីទាំងពីរក្នុងរយៈពេល២ឆ្នាំនៃការងារកិច្ចសហ ប្រតិបត្តិការបានបង្កលក្ខណៈងាយស្រួលជម្រុញនិងបង្កើនចំណងទំនាក់ទំនងមិត្តភាពសាមគ្គីភាពនិងកិច្ចសហការគ្នាបានល្អប្រសើរពិសេសស្ថានភាពសន្តិសុខ ស្ថេរភាព
នយោបាយនៅតាមបន្ទាត់ព្រំដែនមិនមានអ្វីកើតឡើងធ្វើឲ្យមានការជះឥត្តិពលដល់កាទំនាក់ទំនងមិត្តភាពរវាងខេត្តទាំងពីរ។លោកបានបន្តថារាល់ការងារដែលត្រូវអនុវត្តបន្តរវាងភាគីទាំងពីរ និងសហការគ្នា ដើម្បីជំរុញដល់កិច្ចសហការសាមគ្គីភាព មិត្តភាពរវាង អាជ្ញាធរប្រជាជន នៃខេត្តទាំងពីរកាន់តែល្អប្រសើរ។
ឯកឧត្តមអេងប៊ុនហ៊ាងអភិបាលខេត្តបានសំដែងការស្វាគមន៍និងថ្លែងអំណរគុណដល់ប្រជាជន អាជ្ញាធរ និងថ្នាក់ដឹកនាំខេត្តដាក់ឡាក់ ជានិច្ចកាលតែងតែយកចិត្តទុកដាក់ និងជួយឧបត្ថម្ភគាំទ្រដល់ ខេត្តមណ្ឌលគិរី។ ឯកឧត្តមបានឲ្យខេត្តទាំងពីរ បន្តជម្រុញ និងពង្រីកចំណងមិត្តភាពសាមគ្គីភាពប្រពៃណីវប្បធម៏ និងបន្តផ្សព្វផ្សាយអំពីកិច្ចព្រមព្រាង សន្ធិសញ្ញា អនុសញ្ញា និងបទបញ្ញតិផ្សេងៗ ឲ្យប្រជាពលរដ្ឋទាំងពីរមានការយល់ដឹង ពិសេសត្រូវបន្តទប់ស្កាត់បទល្មើសផ្សេងៗ ដែលកើតឡើងនៅ តាមបន្ទាត់ព្រំដែន។
ហើយឯកឧត្តមសូមឲ្យខេត្តដាក់ឡាក់ បន្តសហការអនុវត្តការងារដែលនូវសេស សល់ ដើម្បីឲ្យខេត្តដែលជាប់ភូមិផងរបងជាមួយគ្នា ក្លាយជាខេត្តមានសេដ្ឋកិច្ចល្អប្រសើរមិត្តភាព និង កិច្ចសហការល្អ៕
