ខេត្តកំពង់ចាម:ជនសង្ស័យជាចោរស្ទាវឆក់ទូរសព្ទ័ដៃអ្នកដំណើរតាមដងផ្លូវ២នាក់ ត្រូវបានសម្មត្ថកិច្ចនគរបាលក្រុងកំពង់ចាមប្រដេញឃាត់ខ្លួនបាន ក្រោយពីពួកគេធ្វើរសកម្មភាពហើយព្យាយាមបើកម៉ូតូរត់តែរត់មិនរួច។
ហេតុការណ៏នេះកើតឡើងកាលពីវេលាម៉ោង ៨,០០នាទីព្រឹកថ្ងៃទី១០ ខែវិច្ឆិកា ឆ្នាំ២០១៤ នៅចំណុចម្តុំរោងចក្រកៅស៊ូកង់ ស្ថិតក្នុងភូមិទី១ សង្កាត់វាលវង់ ក្រុង-ខេត្តកំពង់ចាម ។
លោកវរសេនិយត្រី គីម សេង អធិការរងនគរបាលក្រុងកំពង់ចាមទទួលផ្នែកព្រហ្មទណ្ឌបានឲនគរវត្តដឹងថា ជនសង្ស័យឆក់ទូរសព្ទ័ខាងលើទី១មានឈ្មោះ ផាន់ ណា ភេទប្រុស អាយុ១៥ឆ្នាំ រស់នៅភូមិវាលស្បូវ ឃុំអំពិលស្រុកកំពង់សៀម ខេត្តកំពង់ចាម ទី២ឈ្មោះ រ៉េត វាន់ដេត ភេទប្រុស អាយុ១៦ឆ្នាំ នៅភូមិជ្រោយថ្ម សង្កាត់បឹងកុក ក្រុង-ខេត្តកំពង់ចាម។
លោកបន្តថានៅម៉ោងខាងលើជនសង្ស័យទាំងពីបានជិះម៉ូតូ១គ្រឿង ធ្វើសកម្មភាពឆក់ទូរសព្ទ័ដៃ១គ្រឿង ម៉ាក្សអាយហ្វូន ពណ៍ស របស់ឈ្មោះ លួន វណ្ណះ ភេទស្រី អាយុ២៦ឆ្នាំ រស់នៅភូមិដំបងដែក ឃុំកោះរការ ស្រុកកំពង់សៀម ខេត្តកំពង់ចាម។លោកបន្តឲដឹងទៀតថា ក្រោយឆក់បានហើយពួកគេបានព្យាយាមជិះម៉ូតូរត់គេចមកដល់ត្រង់ចំណុចខាងក្រោយជ្រុងខាងជើង សាលមហោស្រពខេត្ត ស្ថិតក្នុងភូមិទី១៥ សង្កាត់-ក្រុងកំពង់ចាម
ក៏ត្រូវបានកំលាំងសម្មត្ថកិច្ចនគរបាលក្រុងកំពង់ចាមសហការជាមួយកំលាំងបុស្ត៍កំពង់ចាមឃាត់ចាប់ខ្លួនបានតែម្តងរួមជាមួយនិងវត្ថុតាងទូរសព្ទ័អាយហ្វូនរបស់នារីរងគ្រោះ។
លោកអធិការរងក៏បានថ្លែងឲដឹងដែរថាករណីនេះបច្ចុប្បន្នជនសង្ស័យនិងវត្ថុតាងកំពង់ត្រូវបានសម្មត្ថកិច្ចជំនាញចងក្រងសំណុំរឿងបញ្ជួនទៅសាលាដំបូងខេត្តកំពង់ចាមចាត់ការតាមនិតិវិធីច្បាប់៕
