(កំពង់ធំ)៖ ព្រឹកថ្ងៃទី៣១ ខែមីនា ឆ្នាំ២០២៥ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្រ្តីទទួលបន្ទុក ទីស្តីការគណៈរដ្ឋមន្រ្តី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ បានអញ្ជើញជាអធិបតីក្នុង ពិធីសម្ពោធបើកការដ្ឋានសាងសង់ផ្លូវក្រាលកៅស៊ូពីរជាន់ (DBST) និងផ្លូវបេតុងប្រវែង
៩២,៩គីឡូម៉ែត្រ ដែលប្រារព្ធធ្វើឡើងនៅភូមិទួលដំណាក់ ឃុំចុងដូង ស្រុកបារាយណ៍ ខេត្តកំពង់ធំ។
ឧត្តមឧបនាយករដ្ឋមន្រ្តីប្រចាំការក៏បានសម្តែងនូវសេចក្តីសោមនស្សនិងពេញចិត្តក្រៃលែង ចំពោះគម្រោងសាងសង់ផ្លូវក្រាលកៅស៊ូពីរជាន់ (DBST) និងផ្លូវបេតុងប្រវែង ៩២,៩គីឡូម៉ែត្រ ចំនួន១២ខ្សែ ក្នុងខេត្តកំពង់ធំ ក្នុងក្របខ័ណ្ឌកម្មវិធីអភិវឌ្ឍហេដ្ឋារចនាសម្ព័ន្ធជនបទសម្រាប់កម្ពុជា (RID4CAM) ក្រោមហិរញ្ញប្បទានសហប្រតិបត្តិការពីមូលនិធិសហភាពអឺរ៉ុប (EU/AIF) ទីភ្នាក់ងារបារាំងសម្រាប់ការអភិវឌ្ឍ) (AFD) និង ធនាគារ អភិវឌ្ឍន៍អាល្លឺម៉ង់ (KfW) ដែលជាចំណងដៃដ៏ថ្មីស្រឡាងមួយសម្រាប់ខេត្តកំពង់ធំ ក៏ដូចជាសម្រាប់ខេត្តគោលដៅចំនួន៦ផ្សេងទៀត ក្នុងរាជរដ្ឋាភិបាលនីតិកាលទី៧ នៃរដ្ឋសភា ក្រោមការដឹកនាំប្រកបដោយគតិបណ្ឌិត និងចក្ខុវិស័យវែងឆ្ងាយរបស់សម្តេចមហាបវរធិបតី ហ៊ុន ម៉ាណែត ជាប្រមុខ។
គម្រោងនេះកើតចេញពីក្របខ័ណ្ឌនៃកិច្ចសហប្រតិបត្តិការអភិវឌ្ឍនិងភាពជាដៃគូ ស្របតាមយុទ្ធសាស្ត្ររបស់ រាជរដ្ឋាភិបាល និងចក្ខុវិស័យនិងយុទ្ធសាស្ត្ររបស់ក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ ក្នុងការ ជំរុញសន្ទុះនៃការអភិវឌ្ឍខេត្តកំពង់ធំ ឱ្យមានការប្រែប្រួលមុខមាត់ តាមរយៈការដោះស្រាយជីវភាពរបស់ប្រជាជន និងរួមចំណែកឆ្លើយតបទៅនឹងភាពមានកម្រិត និងសេចក្តីត្រូវការដ៏ច្រើនផ្នែកហេដ្ឋារចនាសម្ព័ន្ធរូបវ័ន្តចាំបាច់នានា សម្រាប់បម្រើឱ្យការអភិវឌ្ឍសេដ្ឋកិច្ច-សង្គមរបស់ខេត្ត ព្រមទាំងអាចឱ្យប្រជាជនដែលរស់នៅក្នុងតំបន់នៃខេត្តគោលដៅ អាចធ្វើដំណើរបានគ្រប់រដូវកាល និងប្រើប្រាស់សម្រាប់ការងារពហុបំណង។ លើសពីនេះ បន្ទាប់ពីគម្រោង រោងសង់នេះបញ្ចប់ជាស្ថាពរខេត្តកំពង់ធំនឹងកាន់តែមានភាពទាក់ទាញសម្រាប់វិនិយោគិនក្នុងស្រុកនិ ក្នុងការដាក់ទុនវិនិយោគលើវិស័យដែលមានសក្តានុពល ជាពិសេសវិស័យកសិ-ឧស្សាហកម្ម និងវិស័យទេសចរណ៍ ដូចទៅនឹងប្រសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន ដែលតែងបានលើកឡើងនាពេលកន្លងមក «មានផ្លូវ គឺមានក្តីសង្ឃឹម» និង «មានផ្លូវ គឺមានការអភិវឌ្ឍ»។ 
ឯកឧត្តម វង្សី វិស្សត បានវាយតម្លៃខ្ពស់ចំពោះ ក្រសួងអភិវឌ្ឍន៍ជនបទ ក្រោមការដឹកនាំរបស់ឯកឧត្តមរដ្ឋមន្ត្រី ឆាយ ឫទ្ធីសែន ដែលបានដឹកនាំនិងសម្របសម្រួលការអនុវត្តគម្រោងកម្មវិធីអភិវឌ្ឍន៍ហេដ្ឋារចនាសម្ព័ន្ធជនបទសម្រាប់កម្ពុជា (RID4CAM) ប្រកបដោយប្រសិទ្ធភាព ក៏ដូចជាក្រសួងសេដ្ឋកិច្ចនិងហិរញ្ញវត្ថុ ក្រសួង ស្ថាប័នពាក់ព័ន្ធ រដ្ឋបាលថ្នាក់ ក្រោមជាតិ ទីប្រឹក្សាបច្ចេកទេសពាក់ព័ន្ធ និងដៃគូទាំងអស់ ព្រមទាំងបានផ្តាំផ្ញើឱ្យបន្តសហការគ្នាឱ្យបានល្អ ប្រកបដោយការទទួលខុសត្រូវខ្ពស់ និងបុរេសកម្ម ក្នុងការអនុវត្តគម្រោង ការគ្រប់គ្រង និងការអភិវឌ្ឍ ដោយធានានូវប្រក្រតីភាពនៃជីវភាពរបស់ប្រជាពលរដ្ឋដែលរស់នៅសងខាងផ្លូវ និងស្នើដល់ បងប្អូនប្រជាពលរដ្ឋឱ្យមានការយោគយល់ បង្កលក្ខណៈងាយស្រួល និងចូលរួមថែទាំនូវបណ្តាញហេដ្ឋា រចនាសម្ព័ន្ធឱ្យបានយូរអង្វែង។
ក្នុងឱកាសនេះដែរឯកឧត្តម Igor DRIESMANS ឯកអគ្គរដ្ឋទូតសហភាពអឺរ៉ុប បានវាយតម្លៃខ្ពស់ ចំពោះភាពជា ដៃគូដ៏រឹងមាំនិងកិច្ចសហការជិតស្និទ្ធរវាងសហភាពអឺរ៉ុបជាមួយរាជរដ្ឋាភិបាលកម្ពុជា ក្រោមគំនិត ផ្តួចផ្តើមរបស់ សហគមន៍អឺរ៉ុប និងរដ្ឋជាសមាជិកអឺរ៉ុប ជាពិសេសប្រទេសបារាំង និងប្រទេសអាល្លឺម៉ង់ ក្នុងកិច្ចខិតខំប្រឹងប្រែងរួមគ្នា ជំរុញការលើកកម្ពស់សេដ្ឋកិច្ចនៅតាមទីជនបទដោះស្រាយបញ្ហាប្រឈមនៅតាមសហគមន៍ កាត់បន្ថយភាពក្រីក្រទប់ស្កាត់ផលប៉ះពាល់នៃការប្រែប្រួលអាកាសធាតុ លើកកម្ពស់សុខភាព និងគាំទ្រដល់ការធ្វើ សមាហរណកម្មកម្ពុជាទៅក្នុងតំបន់ តាមរយៈគម្រោងហេដ្ឋារចនាសម្ព័ន្ធដឹកជញ្ជូន។
ឯកឧត្តម Jacques PELLET ឯកអគ្គរដ្ឋទូតបារាំង បានបន្ថែមថា គម្រោងនេះមិនមែនគ្រាន់តែជាគម្រោងសាងសង់ផ្លូវប៉ុណ្ណោះទេ ប៉ុន្តែគឺជា ការវិនិយោគដ៏សំខាន់ទៅលើមនុស្ស ដោយកាត់បន្ថយភាពដាច់ឆ្ងាយនៃសហគមន៍នីមួយៗ កាត់បន្ថយពេល វេលានិងចំណាយធ្វើដំណើរ ព្រមទាំងបង្កើនលទ្ធភាពទទួលបានសេវាថែទាំសុខភាព ការអប់រំ និងឱកាសសេដ្ឋកិច្ច ដែលជាកត្តាចាំបាច់សម្រាប់ជីវភាពរបស់ប្រជាជនក្នុងមូលដ្ឋាន។ ជាមួយគ្នានេះ ឯកឧត្តម Stefan MESSERER ឯកអគ្គរដ្ឋទូតអាល្លឺម៉ង់ បានគូសរំលេចនូវសមិទ្ធផលសំខាន់ៗនៃកិច្ចសហប្រតិបត្តិការកម្ពុជា-អាល្លឺម៉ង ដោយកន្លងមកប្រទេសអាល្លឺម៉ង់បានវិនិយោគសរុបប្រមាណ ៧៥,៥១៦លាន អឺរ៉ូ និង ៣១លាន Deutsche Mark (DM) ងការអភិវឌ្ឍហេដ្ឋារចនាសម្ព័ន្ធជនបទនៅព្រះរាជាណាចក្រកម្ពុជា។ ឯកឧត្តមឯកអគ្គរដ្ឋទូតទាំងបីរូប បានបង្ហាញនូវ ឆន្ទៈមោះមុតក្នុងការសហការយ៉ាងជិតស្និទ្ធជាមួយរាជរដ្ឋាភិបាលកម្ពុជា ដើម្បីបន្តគាំទ្រដល់ការអភិវឌ្ឍ និងការលើកកម្ពស់ជីវភាពរបស់ប្រជាជនកម្ពុជា។
ក្នុងនាមរាជរដ្ឋាភិបាលនឹងប្រជាជនកម្ពុជា ឯកឧត្តម វង្សី វិស្សុត បានសម្តែងនូវអំណរគុណយ៉ាងជ្រាលជ្រៅ និងសូមវាយតម្លៃខ្ពស់ចំពោះកាយវិការសប្បុរស និងថ្លៃថ្លារបស់សហភាពអឺរ៉ុប តាមរយៈមូលនិធិសហភាពអឺរ៉ុប (EU/AIF) រដ្ឋាភិបាលបារាំង តាមរយៈទីភ្នាក់ងារបារាំងសម្រាប់ការអភិវន្ត) (AFD) និងរដ្ឋាភិបាលអាល្លឺម៉ង់ តាមរយ ធនាគារអភិវឌ្ឍន៍អាល្លឺម៉ង់ (KFW) និងជាពិសេសជូនចំពោះប្រជាជន និងរដ្ឋាភិបាលអាល្លឺម៉ង់ បារាំង និងសហភាព អឺរ៉ុប ដែលជាមិត្តល្អ ជាដៃគូអភិវឌ្ឍន៍ដ៏សំខាន់របស់កម្ពុជាក្នុងរយៈពេលជាង៣ទសវត្សរ៍កន្លងមក និងជឿជាក់ថា ដែលជាទទួលអភិជាដៃគូអភិវឌ្ឍនពីសមាជនកម្ពុជាក្នុង នឹងបន្តគាំទ្រ កម្មវិធីអភិវឌ្ឍន៍ហេដ្ឋារចនាសម្ព័ន្ធជនបទសម្រាប់កម្ពុជា ជំហានទី២ (RID4CAM Phase II) និងកិច្ចសហប្រតិបត្តការកាន់តែស៊ីជម្រៅយូរអង្វែងជាបន្តទៀត។
ក្នុងឱកាសនោះ ឯកឧត្តម រង្សី វិស្សត ដើម្បីសម្ពោធបើកការដ្ឋានសាងសង់ផ្លូវក្រាលកៅស៊ូពីរជាន់ (DBST) និងផ្លូវបេតុងប្រវែង ៩២,៩គីឡូម៉ែត្រ នៅខេត្តកំពង់ធំនេះផងដែរ៕
