ស្ទឹងត្រែង៖ក្រុមក្មេងស្ទាវមួយក្រុមក្នុងចំណោម៦នាក់ជាមុខសញ្ញាប្រើប្រាស់និងចែកចាយគ្រឿងញៀនឆក់កាបូបបង្កភាពអសន្តិសុខដល់សង្គម ត្រូវបានកម្លាំងការិយាល័យព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តស្ទឹងត្រែងបានធ្វើឃាត់ខ្លួនបានចំនួន៤នាក់ជាបន្តបន្ទាប់នៅចំណុច
ផ្សេងៗគ្នាបញ្ជូនទៅកាន់ទៅកាន់ស្នងការដា្ឋនដើម្បីធ្វើការសាកសួរ។ចំណែក២នាក់គេចខ្លួនសមត្ថកិច្ចកំពុងស្វែរកចាប់ខ្លួន។
ក្រុមក្មេងស្ទាវជាជនសង្ស័យប្រុសស្រី៤នាក់នេះ ត្រូវបានសមត្ថកិច្ចធ្វើការឃាត់ខ្លួន កាលពីវេលាម៉ោងប្រមាណ៥និង៣០នាទីល្ងាចថ្ងៃ១០វិច្ឆកា២០១៤ នៅចំណុចផ្សេងគ្នា ស្ថិតក្នុងភូមិព្រែក សង្កាត់ ក្រុងខេត្តស្ទឹងត្រែង។លោកវរៈសេនីយ៍ឯកហម ប៊ុនធែលស្នងការរងនិងជាប្រធានការរិយាល័យកណ្តាលព្រហ្មទណ្ឌបានឱ្យដឹងថាជនសង្ស័យប្រុ សស្រី៤នាក់ មាន១ឈ្មោះដោ ឧត្តម ភេទប្រុស អាយុ២០ឆ្នាំមានទីលំនៅភូមិរាជា នុកូលសង្កាត់ក្រុងស្ទឹងត្រែង(ឃាត់ខ្លួនពេលលក់ទូរស័ព្ទ)២ឈ្មោះអោក វាសនា ភេទប្រុសអាយុ១៨ឆ្នាំមានទីលំនៅ ភូមិព្រែក សង្កាត់ ក្រុងស្ទឹងត្រែង ៣ឈ្មោះអោក សុម៉ាលី ភេទស្រីអាយុ២២ឆ្នាំមុខរបរមិនពិតប្រាកដ មានទីលំនៅភូមិព្រែក សង្កាត់ ក្រុងស្ទឹងត្រែង ៤ឈ្មោះទូច ស្រីឡា ភេទស្រី អាយុ១៦ឆ្នាំមុខរបរ បំរើការក្នុងហាងខារ៉ាអូខេ < < សួនរីករាយ>>ស្នាក់នៅផ្ទះជួល ក្នុងភូមិត្រពាំងព្រីង សង្កាត់ ក្រុងស្ទឹងត្រែង។
ជនសង្ស័យទាំង៤នាក់ ត្រូវបានធ្វើតេស្ត រកឃើញសារធាតុញៀន។លោកវរៈសេនីយឯកបានបន្តអោយដឹងទៀតថាក្រុមជនសង្ស័យទាំងនេះ មានបក្ខពួកចំនួន៦នាក់ដោយមានមេក្លោង២នាក់ធំជាងគេឈ្មោះសៃ សុភា ហៅញូងពៅ អាយុ១៨ឆ្នាំ ភូមិរាជានុកូល សង្កាត់ ក្រុងស្ទឹងត្រែង ដែលធ្លាប់ជាប់គុកចំនួន២ដងរួចមកហើយ និងម្នាក់ទៀតមិនស្គាល់អត្តសញ្ញាណ ដែលធ្លាប់ពាក់ព័ន្ធក្នុងករណីនេះ បាននិងកំពុងគេចខ្លួន។លោកបានបន្តថា មេក្លោងដែលកំពុងគេចខ្លួន២នាក់ខាងលើនេះ ជាក្រុមឆក់យ៉ាងសកម្ម និងចែកចាយគ្រឿងញៀន ប្រចាំក្នុងក្រុងស្ទឹងត្រែង។លោកស្នងការរងបានបន្តថាក្រុមឆក់២នាក់ដែលគេចខ្លួន ពេលដែលសមត្ថកិច្ចប្រើបច្ចេកទេសអូសទាញដើម្បីឃាត់ខ្លួន គេបានបើកម៉ូតូរត់គេចបោះចោលការបូប និងមានគ្រឿងញៀនមួយកញ្ចប់តូចនៅក្នុងនោះផងដែរ។
ហើយកន្លងមក ក្រោយពីគេ២នាក់ធ្វើសកម្មភាពឆក់បាន គេបានយកទៅធ្វើការដោះដូរយកគ្រឿងញឿន ក្នុងក្លិបអាម៉ាហ្សូន ជាមួយជនសង្ស័យឈ្មោះដោ ឧត្តមនិងឈ្មោះអោក វាសនារួចនិងស្រី២នាក់ជាបក្ខឈ្មោះអោក សុម៉ាលីនិងទូច ស្រីឡា ជក់រាំយ៉ាងសប្បាយ។ក្លិបអាម៉ាហ្សូត្រូវបានគេនិយាយថា ជាកន្លែងកំពុងពេញនិយមរបស់យុវ័យនិងជាកន្លែងដោះដូរគ្រឿងញៀនក្រុមពួកគេ និងបង្កឱ្យយុវ័យមួយចំនួន ភ្លើតភ្លើនភ្លិចការសិក្សា និងបង្កភាពអសន្តិសុខ ដល់សង្គមទៀតផង។
បច្ចុប្បន្នជនសង្ស័យប្រុសស្រី៤នាក់ ពាក់ព័ន្ធនិងករណីខាងលើ ស្ថិតក្នុងការឃុំខ្លួននៅស្នងការដ្ឋាននគរបានខេត្ត ដើម្បីសាកសួរនិងរៀបចំឯកសារពាក់ព័ន្ធ ក្នុងករណីប្រើប្រាស់ចែកចាយគ្រឿងញៀនឆក់កាបូប កសាងសំណុំរឿងបញ្ជូនខ្លួនទៅកាន់តុលាការចាត់ការតាមផ្លូវច្បាប់។ចំណែកជនសង្ស័យ២នាក់ដែលគេចខ្លួនសមត្ថកិច្ចកំពុងធ្វើការស្វែងរកចាប់ខ្លួនកាត់ទោសទៅតាមអ្វីដែលគេបានប្រព្រឹត្ត៕
