ដើម្បីយកមកដោះស្រាយវិបត្តិខ្សែការពារគ្រូបង្វឹកក្លិបកាំភ្លើងធំ Arsenal លោក Arsene Wenger នឹងត្រូវបានម្ចាស់ក្លិបផ្តល់ទឹកប្រាក់ប្រមាណ ២០លានផោន ដើម្បីទិញកីឡាករយកមកដោះស្រាយវិបត្តិខ្សែការពារនាខែមករាខាងមុខនេះ ។បច្ចុប្បន្នក្លិបកាំភ្លើងធំកំពុងជួបបញ្ហាប្រព័ន្ធការពារ
ដោយសារតែកីឡាករ Laurent Koscielny និង Mathieu Debuchy កំពុងមានរបួសហើយ Thomas Vermaelen ត្រូវបានក្លិបលក់ចេញទៅឲ្យអ្នកមានបុណ្យ Barcelona កាលពីរដូវក្តៅបានធ្វើឲ្យ Arsenal កំពុងខ្វះខាតនិងខ្វះខ្សែការពារដែលមានគុណភាព ។
យោងតាមគេហទំព័រ The Mirror បានផ្សព្វផ្សាយថា លោក Wenger នឹងទទួលបានកញ្ចប់ទឹកប្រាក់នេះ ស្របពេលដែលលោកកំពុងធ្វើការទាក់ទងជាមួយខ្សែការពារ Virgil van Dijk របស់ក្លិប Celtic និងកីឡាករ Winston Reid របស់ West Ham United ។
គួរបញ្ជាក់ថា បច្ចុប្បន្ន Arsenal កំពុងឈរនៅលំដាប់ទី៦ក្នុងតារាង Premier League ក្រោយពេលពួកគេ ប្រកួតចាញ់ Swansea City កាលពីថ្ងៃអាទិត្យ ៕
