ភ្នំពេញ៖ បុរសម្នាក់ឈ្មោះ ស្រី មុនី អាយុ ៣១ ឆ្នាំ ដែលប្រជាពលរដ្ឋរស់នៅជិតខាងតែងតែនិយាយរិះគន់ថា រូបគេនេះផឹកស្រាស្រវឹងម្តងៗស្រែកឡូឡា រំខានដល់អ្នកជិតខាង នឹងពេលខ្លះវាយបំផ្ទាញទ្រព្យសម្បត្តិ ក្នុងផ្ទះខ្លួនឯង នឹងវាយបំផ្លាញរបស់របរទ្រព្យសម្បត្តិ អ្នកជិតខាង ហើយ
ថែមទាំងបង្កទំនាស់ដេញកាប់គេ ឯងជាញឹកញាប់ រួមទាំងគំរាមដុតផ្ទះគេទៀតផង ។គួរបញ្ជាក់ថានៅវេលាម៉ោង ៧ នឹង ៥0 នាទីយប់ថ្ងៃទី១២ ខែវិច្ចិកា ឆ្នាំ២០១៤ បុរសឈ្មោះ ស្រី មុនី បានផឹកស្រាស្រវឹងហើយទាស់សម្តីគ្នាជាមួយអ្នកជិតខាង រហូតផ្ទុះហឹង្សាទាញកាំបិត កាប់បំផ្លាញ់ទ្វារផ្ទះ នឹង របង រួមជាមួយនឹងកាំមេរ៉ាសុវត្ថិភាពផងដែរ ដូច្នេះម្ចាស់ផ្ទះបានដាក់ពាក្យបណ្តឹងអោយសមត្ថកិច្ចមូលដ្ឋានចុះឃាត់ខ្លួនយកមកកាន់ទីស្នាក់ការនគរបាលប៉ុស្តិ៍ស្ទឹងមានជ័យភ្លាមៗ ។
ហេតុការណ៍នេះស្ថិតនៅផ្លូវលំ ភូមិទ្រា៤ សង្កាត់ស្ទឹងមានជ័យ ខណ្ឌមានជ័យ ។ ជុំវិញការឃាត់ខ្លួន បុរសឈ្មោះ ស្រី មុនី នេះយោងទៅតាមពាក្យបណ្តឹងប្តឹងចោទ ប្រកាន់ថា រូបគេបានបង្កហឹង្សា ដោយចេតនា នឹងគំរាមដុតផ្ទះថៀតផង។ហើយចំណែកបុរសជាម្ចាស់ផ្ទះដែលសុំមិនបញ្ចេញអត្តសញ្ញណនោះបានប្តឹងសមត្ថកិច្ចនឹងនិយាយរៀបរាប់ថា កន្លងមកបុរសឈ្មោះ ស្រី មុនី ជាអ្នករស់នៅជាប់របងគ្នាប៉ុន្តែតាំងពីគាត់សងផ្ទះថ្មីមក ឈ្មោះ ស្រី មុនី តែងតែមករករឿងពីមួយថ្ងៃទៅមួយថ្ងៃមិនចេះ ទំនងស្រណាន់រូបគាត់មានផ្ទះធំជាង ។
លោកបន្តថារាល់ថ្ងៃពេលរូបគេស្រវឹងម្តងៗស្រែកជេរដៀលប្រមាថអ្នកជិតខាងមិនដែរខានម្តងណាឡើយ ទើបដល់ថ្ងៃនេះលោក ស្រី មុនី ស្រវឹងខ្លាំងទប់ស្មារតីមិនបានដេញកាំបិត កាំបំផ្លាញរបស់របរ របស់គាត់ ខូចខាតអស់ តុឈើ១ ទ្វារ១ កាំមេរ៉ាសុវត្ថិភាព នឹងរបស់ផ្សេងៗ
ទៀត ។
ដោយសារគេបំផ្លញទ្រព្យខ្លួនបែបបុរសជាម្ចាស់ផ្ទះ បានសម្រេចដាក់ពាក្យបណ្តឹងប្តឹងអោយសមត្ថកិច្ចចាប់ខ្លួនឈ្មោះ ស្រី មុនី យកទៅដាក់ទោសតាមច្បាប់ ។បច្ចុប្បន្នឈ្មោះ ស្រី មុនី ត្រូវកម្លាំងសមត្ថកិច្ចមូលដ្ឋាន ចាប់ឃុំខ្លួនបណ្តោះអាសន្នសិន ដើម្បីសាកសួរចង់ដឹងព័តមានច្បាស់លាស់ ។ តាមសំណូមពរបស់ម្ចាស់ផ្ទះគឺគ្រាន់តែចង់អោយសមត្ថកិច្ចជំនាញ់ ក៏ដូចខាងតុលាជួយមនវិធិការនឹងចាត់ការអោយស្របតាមផ្លូវច្បាប់ តែប៉ុណ្តោះ ៕
