កំពង់ឆ្នាំង៖បុរសជាចោរលួចក្របីម្នាក់ត្រូវម្ចាស់ក្របីនិងសមត្ថកិច្ចតាមចាប់ខ្លួនបាន បន្ទាប់ពីបានលួចក្របីគេមួយក្បាលបានមួយម៉ោងរួចមក ប្រុងដឹកយកទៅលក់អោយចាម។ករ ណីបង្ក្រាបចោរកម្ម នេះបានធ្វើឡើងនៅវេលាម៉ោង២និង១៥នាទីយប់ ថ្ងៃទី១២ ខែវិច្ឆកាឆ្នាំ២០១៤ ចំណុចត្រពាំង
ឬស្សី ភូមិស្រែអ៊ុក ឃុំតាំងក្រសាំង ស្រុកទឹកផុស។ លោក ខែម វិបុល អធិការនគរបាលស្រុកទឹផុសបាននិយាយអោយដឹងថា៖ជនល្មើសជាចោរលួចក្របីខាងលើនេះឈ្មោះ ពៅ ឌឿន អាយុ៣៦ឆ្នាំ រស់នៅក្នុងភូមិកកាប ឃុំខ្លុងពពក ស្រុកទឹកផុស មុខរបរកសិករ។មុនពេលកើតហេតុម្ចាស់ក្របីឈ្មោះ អ៊ូ សុភ័ក្ត អាយុ២៩ឆ្នាំ រស់នៅក្នុងភូមិឃុំកើតហេតុខាងលើ បានបររទេះក្របីទៅកាប់កូនឈើនៅក្នុងព្រៃចុងភូមិនៅពេលយប់ថ្ងៃទី១១ខែវិច្ឆកា ឆ្នាំ២០១៤ ហើយបានលែងក្របីចោលអោយដើរស៊ីស្មៅ។
នៅម៉ោង១និង២០នាទីរំលងអាធ្រាតឈានចូលថ្ងៃទី១២ ខែវិច្ឆិកា បានដើររកក្របីមកទឹមរកមិនឃើញ មានការសង្ស័យក៏បានទូរសព្ទ័ប្តឹងសមត្ថកិច្ចមូលដ្ឋានអោយជួយស្រាវជ្រាវរកភ្លាមៗ។នៅម៉ោង២និង១៥នាទីបនញរាប់គ្នានេះម្ចាស់ក្របីនិងសមត្ថកិច្ចក៏បានចាប់ខ្លួនជនបាលរដ្ឋបាលតាំងក្រសាំងទាំងយប់តែម្តង និងបានកសាងសំណុំរឿងបញ្ជូនខ្លួនមកកាន់អធិការដ្ឋាននគរបាលស្រុកទឹកផុសនៅរសៀលថ្ងៃទី១២ ខែវិច្ឆិកា ឆ្នាំ២០១៤។ \
ចំពោះមុខលោកអធិការនគរបាលស្រុកទឹកផុស ជនល្មើសឈ្មោះ ពៅ ឌឿន បានសារភាពថា មុនពេលកើតហេតុគេបានទៅបាចត្រីតាមថ្លុកវាលស្រែនៅចំណុចខាងលើពេលឃើញក្របីដើរស៊ីស្មៅគ្មានម្ចាស់មើល គេក៏បានលួចដឹកយកតែម្តងហើយបានទូរ សព្ទ័ទៅសួរនិងចង់លក់អោយចាមកាប់គោក្របីនៅព្រៃពីសស្រុកកំពង់ត្រឡាច តែចាមនោះឆ្លើយថា ក្របីអត់មានសំបុត្រទិញលក់ដូច្នេះគេអត់ហ៊ានទិញទេ ហើយពេលដឹកក្របីមកដល់ចំណុចត្រពាំងឬស្សីព្រុំប្រទល់ឃុំជើងគ្រាវ និងឃុំតាំងក្រសាំង ក៏ត្រូវសមត្ថកិច្ចនិងម្ចាស់ក្របីតាមទាន់ចាប់ខ្លួនតែម្តង។
លោកអធិការនគរបាលស្រុកទឹកផុសបានអោយដឹងថា៖ជនល្មើសនិងវត្ថុតាងត្រូវបានមន្ត្រីជំនាញកសាងសំណុំរឿងបញ្ជូនទៅកាន់ស្នងការដ្ឋាននគរបាលខេត្ត នៅព្រឹកថ្ងៃទី១៣ ខែវិច្ឆិកានេះ អោយមន្ត្រីជំនាញរបស់ស្នងការដ្ឋានកសាងសំណុំរឿងតាមនិតិវិធីបញ្ជូនខ្លួនទៅកាន់សាលាដំបូងខេត្តផ្តន្ទាទោសតាមផ្លូវច្បាប់។សូមបញ្ជាក់ថានៅក្នុងឆ្នាំ២០១៤នេះករណីចោរលួចក្របីមានតែ២ករណីក្នុងស្រុកទឹកផុស ត្រូវបានសមត្ថកិច្ចនគរបាលស្រុក បង្ក្រាបបានទាំង២ករណី៕
